വാ​ഷിം​ഗ്ട​ണ്‍ ഡി​സി​യി​ല്‍നി​ന്ന് പി.​ടി. ചാ​ക്കോ

വാ​ഷിം​ഗ്ട​ണ്‍ ഡി​സി: ഇ​ന്ത്യ​യി​ൽ ഗാ​ന്ധി കു​ടും​ബ​ത്തി​ല്‍​നി​ന്ന് ആ​രെ​ങ്കി​ലും ബി​ജെ​പി​യി​ല്‍ പോ​കു​ന്ന​തു​പോ​ലെ​യാ​ണ് യു​എ​സി​ൽ കെ​ന്ന​ഡി കു​ടും​ബ​ത്തി​ല്‍​നി​ന്ന് ആ​രെ​ങ്കി​ലും റി​പ്പ​ബ്ലി​ക്ക​ന്‍ പ​ക്ഷ​ത്തു​ ചേ​രു​ന്ന​ത്.

ഒ​രു നൂ​റ്റാ​ണ്ടാ​യി അ​മേ​രി​ക്ക​ന്‍ രാ​ഷ്‌‌​ട്രീ​യ​ത്തി​ല്‍ നി​റ​ഞ്ഞു​നി​ല്ക്കു​ന്ന കെ​ന്ന​ഡി കു​ടും​ബം ഡെ​മോ​ക്രാ​റ്റു​ക​ളു​ടെ ഏ​റ്റ​വും വ​ലി​യ ശ​ക്തി​സ്രോ​ത​സും ആ​വേ​ശ​വു​മാ​ണ്. അ​തി​നി​ട​യി​ലാ​ണ് പ്ര​സി​ഡ​ന്‍റ് സ്ഥാ​നാ​ര്‍​ഥി​ത്വ​ത്തി​നു മ​ത്സ​രി​ക്ക​വേ കൊ​ല്ല​പ്പെ​ട്ട റോ​ബ​ര്‍​ട്ട് എ​ഫ്. കെ​ന്ന​ഡി​യു​ടെ മ​ക​ന്‍ റോ​ബ​ര്‍​ട്ട് കെ​ന്ന​ഡി ജൂ​ണി​യ​ര്‍ റി​പ്പ​ബ്ലി​ക്ക​ന്‍ സ്ഥാ​നാ​ര്‍​ഥി ഡോ​ണ​ള്‍​ഡ് ട്രം​പി​നു പി​ന്തു​ണ പ്ര​ഖ്യാ​പി​ച്ച​ത്. ഇ​ഞ്ചോ​ടി​ഞ്ച് പോ​രാ​ട്ടം ന​ട​ക്കു​ന്ന സം​സ്ഥാ​ന​ങ്ങ​ളി​ല്‍ ഇ​തു​കൊ​ണ്ട് നേ​ട്ടമുണ്ടാ​കു​മെ​ന്ന് ട്രം​പ് ക്യാ​മ്പ് ക​രു​തു​ന്നു.

കെ​ന്ന​ഡി കു​ടും​ബ​ത്തി​ലെ എ​ല്ലാ​വ​രെയും​പോ​ലെ റോ​ബ​ര്‍ട്ട് ജൂ​ണി​യ​റും ഡെ​മോ​ക്രാ​റ്റി​ക് പാ​ര്‍ട്ടി​യി​ലാ​ണ് ആ​ദ്യം അ​ഭി​ര​മി​ച്ച​ത്. ക​ഴി​ഞ്ഞ വ​ര്‍ഷം അ​ദ്ദേ​ഹം പ്ര​സി​ഡ​ന്‍റ് സ്ഥാ​നാ​ര്‍ഥി​യാ​കാ​ന്‍ പ്രൈ​മ​റി​യി​ല്‍ മ​ത്സ​രി​ച്ചു. പ​ത്തു​ശ​ത​മാ​ന​ത്തി​ല​ധി​കം വോ​ട്ടു​നേ​ടി മി​ക​ച്ച പ്ര​ക​ട​നമാ​ണു കാ​ഴ്ച​വ​ച്ച​ത്.

പ്രാ​യാ​ധി​ക്യമുള്ള ജോ ​ബൈ​ഡ​നും ഡോ​ണ​ള്‍ഡ് ട്രം​പും ത​മ്മി​ലു​ള്ള മ​ത്സ​ര​ത്തെ ഭ​യാ​ശ​ങ്ക​ക​ളോ​ടെ ക​ണ്ട അ​മേ​രി​ക്ക​ക്കാ​ര്‍ക്ക് യു​വ​ത്വ​ത്തി​ന്‍റെ പ്ര​സ​രി​പ്പും കെ​ന്ന​ഡി കു​ടും​ബ​ത്തി​ന്‍റെ ആ​വേ​ശ​ക​ര​മാ​യ പാ​ര​മ്പ​ര്യ​വു​മു​ള്ള റോ​ബ​ര്‍ട്ട് ജൂ​ണി​യ​ര്‍ പു​ത്ത​ന്‍ പ്ര​തീ​ക്ഷ​യാ​യി. എ​ന്നാ​ല്‍ ബൈ​ഡ​ന്‍ പി​ന്മാ​റു​ക​യും ക​മ​ല ഹാ​രി​സ് പ്ര​സി​ഡ​ന്‍റ് സ്ഥാ​നാ​ര്‍ഥി​യാ​കു​ക​യും ചെ​യ്ത​തോ​ടെ കാ​റ്റ് മാ​റി​വീ​ശി. 59 വ​യ​സു​ള്ള ക​മ​ല ഹാ​രി​സ് യു​വ​ത്വ​ത്തി​ന്‍റെ പ്ര​തീ​ക​മാ​യി.

ഡെ​മോ​ക്രാ​റ്റു​ക​ളു​ടെ സ്ഥാ​നാ​ര്‍ഥി​ത്വം ല​ഭി​ക്കി​ല്ലെ​ന്ന് ഉ​റ​പ്പാ​യ​തോ​ടെ റോ​ബ​ര്‍ട്ട് ജൂ​ണി​യ​ര്‍ സ്വ​ത​ന്ത്ര​സ്ഥാ​നാ​ര്‍ഥി​യാ​യി രം​ഗ​പ്ര​വേ​ശം ചെ​യ്തു. അ​തും ക്ല​ച്ച് പി​ടി​ക്കാ​തെ വ​ന്ന​പ്പോ​ഴാ​ണ് മ​ത്സ​രരം​ഗ​ത്തു​നി​ന്ന് പി​ന്മാ​റി ട്രം​പി​ന് പി​ന്തു​ണ പ്ര​ഖ്യാ​പി​ച്ച​ത്.

ട്രം​പി​നെ​തി​രേ രൂ​ക്ഷ​വി​മ​ര്‍ശ​നം ന​ട​ത്തി​യി​ട്ടു​ള്ള റോ​ബ​ര്‍ട്ട് ജൂ​ണി​യ​ര്‍ അ​തെ​ല്ലാം വി​ഴു​ങ്ങി​യും കു​ടും​ബ​പാ​ര​മ്പ​ര്യം വി​സ്മ​രി​ച്ചു​മാ​ണ് യു​ടേ​ണ്‍ ന​ട​ത്തി​യ​ത്. കെ​ന്ന​ഡി കു​ടും​ബം ഒ​ന്ന​ട​ങ്കം അ​ദ്ദേ​ഹ​ത്തി​നെ​തി​രേ രം​ഗ​ത്തു​ വ​ന്നു.


തെ​ര​ഞ്ഞെ​ടു​ക്ക​പ്പെ​ട്ട ഏ​റ്റ​വും പ്രാ​യം കു​റ​ഞ്ഞ അ​മേ​രി​ക്ക​ന്‍ പ്ര​സി​ഡ​ന്‍റ് ജോ​ണ്‍ എ​ഫ്. കെ​ന്ന​ഡി, റോ​ബ​ര്‍ട്ട് ജൂ​ണി​യ​റി​ന്‍റെ പി​താ​വ് റോ​ബ​ര്‍ട്ട് എ​ഫ്. കെ​ന്ന​ഡി​യു​ടെ ജ്യേഷ്ഠ​സ​ഹോ​ദ​ര​നാ​ണ്. ര​ണ്ടാം ത​വ​ണ സ്ഥാ​നാ​ര്‍ഥി​ത്വ​ത്തി​നു​വേ​ണ്ടി പ്ര​ചാ​ര​ണം ന​ട​ത്തു​ന്ന​തി​നി​ട​യി​ല്‍ 1963ല്‍ ​ജോ​ണ്‍ എ​ഫ്. കെ​ന്ന​ഡി വെ​ടി​യേ​റ്റ് കൊ​ല്ല​പ്പെ​ട്ടു.

അ​ദ്ദേ​ഹ​വും ഭാ​ര്യ ജാ​ക്വി​ലി​നും അ​മേ​രി​ക്ക​യു​ടെ മ​നം​ക​വ​ര്‍ന്ന ദ​മ്പ​തി​ക​ളാ​ണ്. ശീ​ത​യു​ദ്ധ​കാ​ല​ത്ത് അ​മേ​രി​ക്ക​യെ ന​യി​ക്കു​ക​യും ക്യൂ​ബ​ന്‍ മി​സൈ​ല്‍ പ്ര​തി​സ​ന്ധി വി​ജ​യ​ക​ര​മാ​യി അ​തി​ജീ​വി​ക്കു​ക​യും ചെ​യ്ത ജോ​ണ്‍ എ​ഫ്. കെ​ന്ന​ഡി ഏ​റ്റ​വും പ്ര​ശ​സ്ത​നാ​യ അ​മേ​രി​ക്ക​ന്‍ പ്ര​സി​ഡ​ന്‍റാ​ണ്. അ​ദ്ദേ​ഹ​ത്തി​ന്‍റെ സ​ഹോ​ദ​ര​ന്‍ റോ​ബ​ര്‍ട്ട് എ​ഫ്. കെ​ന്ന​ഡി​യും ഏ​റെ പ്ര​ശ​സ്ത​ന്‍. ഡെ​മോ​ക്രാ​റ്റി​ക് പ്ര​സി​ഡ​ന്‍റ് സ്ഥാ​നാ​ര്‍ഥി​ത്വ​ത്തി​ന് പ്ര​ചാ​ര​ണം ന​ട​ത്തു​ന്ന​തി​നി​ട​യി​ല്‍ 1968ല്‍ ​അ​ദ്ദേ​ഹ​വും കൊ​ല്ല​പ്പെ​ട്ടു.

രാ​ജ്യ​ത്തി​നു​വേ​ണ്ടി ര​ണ്ടു പേ​ര്‍ കൊ​ല്ല​പ്പെ​ട്ട ഗാ​ന്ധി കു​ടും​ബ​ത്തി​നു സ​മാ​ന​മാ​ണ് കെ​ന്ന​ഡി കു​ടും​ബ​വും. കെ​ന്ന​ഡി കു​ടും​ബ​ത്തി​ലെ ജോ ​ജൂ​ണി​യ​ര്‍, കാ​ത​ലി​ന്‍ എ​ന്നീ സ​ഹോ​ദ​ര​ങ്ങ​ള്‍ വി​മാ​നാ​പ​ക​ട​ത്തി​ല്‍ മ​രി​ച്ച ച​രി​ത്ര​വു​മു​ണ്ട്. സ​ഞ്ജ​യ് ഗാ​ന്ധി​യും വി​മാ​നാ​പ​ക​ട​ത്തി​ലാ​ണ​ല്ലോ കൊ​ല്ല​പ്പെ​ട്ട​ത്.

ദു​ര​ന്ത​ങ്ങ​ള്‍ വേ​ട്ട​യാ​ടി​യ​തി​നോ​ടൊ​പ്പം കെ​ന്ന​ഡി കു​ടും​ബ​ത്തി​ന് പ്രോ​ജ്വ​ലമാ​യ പാ​ര​മ്പ​ര്യ​വു​മു​ണ്ട്. റോ​ബ​ര്‍ട്ട് കെ​ന്ന​ഡി ജൂ​ണി​യ​ര്‍ അ​തി​നൊ​ത്ത് ഉ​യ​ര്‍ന്നി​ല്ല. നി​ലപാ​ടു​ക​ളി​ല്‍ ചാ​ഞ്ചാ​ടു​ക​യും ധാ​രാ​ളം അ​ബ​ദ്ധ​ങ്ങ​ളി​ല്‍ ചാ​ടു​ക​യും ചെ​യ്തി​ട്ടു​ണ്ട്.

ത​ന്‍റെ ത​ല​ച്ചോ​റി​ല്‍ ഒ​രു പു​ഴു​വു​ണ്ടെ​ന്നും പ​ട്ടി​യി​റ​ച്ചി തി​ന്നി​ട്ടു​ണ്ടെ​ന്നും മ​റ്റു​മു​ള്ള ആ​ക്ഷേ​പ​ങ്ങ​ള്‍ തെ​ര​ഞ്ഞെ​ടു​പ്പു​വേ​ള​യി​ല്‍ വീ​ണ്ടും പൊ​ന്തി​വ​ന്നു. വി​വാ​ദ​മാ​യ​പ്പോ​ള്‍ അ​ത് ആ​ട്ടി​റ​ച്ചി ആ​യി​രു​ന്നെ​ന്നു പ​റ​ഞ്ഞ് ത​ടി​ത​പ്പി. കോ​വി​ഡ് വാ​ക്‌​സി​നെ​തി​രേ​യും രം​ഗ​ത്തു​ വ​ന്നി​രു​ന്നു. രാ​ഷ്‌​ട്രീ​യ​ നി​ല​പാ​ടു​ക​ളി​ല്‍ അ​ദ്ദേ​ഹം ഓ​ന്തി​നെ​പ്പോ​ലെ നി​റം​ മാ​റി. കെ​ന്ന​ഡി കു​ടും​ബ​ത്തി​ൽ​നി​ന്നൊ​രു കാ​ലു​മാ​റ്റ​മാ​യി.