നീറ്റ് ക്രമക്കേടിനെതിരേ രാജ്യത്തു പ്രതിഷേധം കനക്കുകയാണ്. 18-ാം ലോക്സഭാ സമ്മേളനത്തിന്‍റെ ആദ്യദിനമായ ഇന്നലെ കോണ്ഗ്രസിന്റെ വിദ്യാർഥിസംഘടനയായ എൻഎസ്‌യുഐ ഡൽഹിയിലെ ജന്തർമന്തറിൽ ഇന്നലെ പ്രതിഷേധപ്രകടനം നടത്തി.
പാർലമെന്‍റിലേക്ക് പ്രതിഷേധ പ്രകടനം നടത്താൻ തീരുമാനിച്ചിരുന്നെങ്കിലും അനുമതി നിഷേധിച്ചതിനാൽ ജന്തർമന്തറിൽ പ്രതിഷേധവുമായി പ്രവർത്തകർ ഒത്തുചേരുകയായിരുന്നു.
നിരോധിക്കണം, നടത്തിപ്പ് സംസ്ഥാനങ്ങൾക്കു വേണം: മമത കോൽക്കത്ത: ക്രമക്കേടിന്‍റെ പശ്ചാത്തലത്തിൽ നീറ്റ് പരീക്ഷ നിരോധിക്കണമെന്നു പശ്ചിമബംഗാൾ മുഖ്യമന്ത്രി മമത ബാനർജി പ്രധാനമന്ത്രി നരേന്ദ്രമോദിയോട് ആവശ്യപ്പെട്ടു. മെഡിക്കൽ പ്രവേശനത്തിനുള്ള പരീക്ഷ സംസ്ഥാനങ്ങൾ നടത്തുന്ന സംവിധാനം കൊണ്ടുവരണം. നീറ്റ് ക്രമക്കേടിൽ പങ്കുള്ളവർക്കെതിരേ കർക്കശ നടപടി വേണമെന്നും പ്രധാനമന്ത്രിക്ക് അയച്ച കത്തിൽ മമത ആവശ്യപ്പെട്ടു.