ന്യൂ​ഡ​ൽ​ഹി: നി​യ​മ​സ​ഭ പാ​സാ​ക്കി​യ ബി​ല്ലു​ക​ളി​ൽ തീ​രു​മാ​ന​മെ​ടു​ക്കാ​ൻ വൈ​കി​യ കേ​ര​ള ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​നെ​തി​രേ ക​ടു​ത്ത വി​മ​ർ​ശ​ന​വു​മാ​യി സു​പ്രീം​കോ​ട​തി. ര​ണ്ട് വ​ർ​ഷ​ത്തോ​ളം ബി​ല്ലു​ക​ളി​ൽ ഗ​വ​ർ​ണ​ർ എ​ന്തെ​ടു​ക്കു​ക​യാ​യി​രു​ന്നു​വെ​ന്ന് ചീ​ഫ് ജ​സ്റ്റീസ് ഡി.​വൈ. ച​ന്ദ്ര​ചൂ​ഡ് അ​ധ്യ​ക്ഷ​നാ​യ ബെ​ഞ്ച് ആ​രാ​ഞ്ഞു.

ബി​ല്ലു​ക​ൾ പി​ടി​ച്ചു​വ​ച്ച​തി​ൽ കൃ​ത്യ​മാ​യ കാ​ര​ണം ഗ​വ​ർ​ണ​ർ അ​റി​യി​ച്ചി​ല്ല. ഭ​ര​ണ​ഘ​ട​നാ​പ​ര​മാ​യി ഗ​വ​ർ​ണ​ർ​ക്ക് സു​താ​ര്യ​ത വേ​ണ്ടേ​യെ​ന്ന് ചോ​ദി​ച്ച കോ​ട​തി, നി​യ​മ​സ​ഭ പാ​സാ​ക്കി​യ ധ​ന​ബി​ല്ലി​ൽ ഉ​ട​ൻ തീ​രു​മാ​ന​മെ​ടു​ക്കാ​നും ഗ​വ​ർ​ണ​റോ​ട് നി​ർ​ദേ​ശി​ച്ചു.

ഗ​വ​ർ​ണ​റു​ടെ പ​രി​ഗ​ണ​ന​യി​ലു​ണ്ടാ​യി​രു​ന്ന എ​ട്ട് ബി​ല്ലു​ക​ളി​ൽ ഏ​ഴെ​ണ്ണം രാ​ഷ്‌​ട്ര​പ​തി​ക്ക് അ​യ​ച്ച​തായും ഒ​രെ​ണ്ണ​ത്തി​ന് അ​നു​മ​തി ന​ൽ​കി​യ​താ​യും അ​റ്റോ​ർ​ണി ജ​ന​റ​ൽ ആ​ർ. വെ​ങ്കി​ട്ടര​മ​ണി സു​പ്രീം​കോ​ട​തി​യെ അ​റി​യി​ച്ചു. എ​ന്നാ​ൽ, ച​ട്ട​ങ്ങ​ൾ പാ​ലി​ക്കാ​തെ​യാ​ണ് ഗ​വ​ർ​ണ​ർ ബി​ല്ലു​ക​ൾ രാ​ഷ്‌​ട്ര​പ​തി​ക്ക് അ​യ​ച്ച​തെ​ന്ന് കേ​ര​ള​ത്തി​നു​വേ​ണ്ടി ഹാ​ജ​രാ​യ സീ​നി​യ​ർ അ​ഭി​ഭാ​ഷ​ക​ൻ കെ.​കെ. വേ​ണു​ഗോ​പാ​ൽ സു​പ്രീം​കോ​ട​തി​യി​ൽ ചൂ​ണ്ടി​ക്കാ​ട്ടി.

ബി​ല്ലു​ക​ൾ അ​ന​ന്ത​മാ​യി വൈ​കി​ക്കു​ന്ന ന​ട​പ​ടി കോ​ട​തി​യോ​ടു​ള്ള അ​നാ​ദ​ര​വാ​ണ്. നി​ല​വി​ലെ ന​ട​പ​ടി വ​ഴി ബാ​ക്കി ബി​ല്ലു​ക​ൾ ഒ​പ്പി​ടു​ന്ന​ത് നീ​ട്ടി​ക്കൊ​ണ്ടു​പോ​കാ​നാ​ണ് ഗ​വ​ർ​ണ​ർ ശ്ര​മി​ക്കു​ന്ന​തെ​ന്നും കെ.​കെ. വേ​ണു​ഗോ​പാ​ൽ ചൂ​ണ്ടി​ക്കാ​ട്ടി.


രാ​ഷ്‌​ട്ര​പ​തി​ക്ക് അ​യ​ച്ച ബി​ല്ലു​ക​ളി​ൽ മൂ​ന്നെ​ണ്ണം നേ​രത്തേ ഓ​ർ​ഡി​ന​ൻ​സാ​യി ഇ​റ​ക്കി​യ​പ്പോ​ൾ ഗ​വ​ർ​ണ​ർ ഒ​പ്പു​വ​ച്ച​താ​ണ്. ഓ​ർ​ഡി​ന​ൻ​സു​ക​ളി​ൽ പ്ര​ശ്നം ഒ​ന്നും കാ​ണാ​തി​രു​ന്ന ഗ​വ​ർ​ണ​ർ​ക്ക് പി​ന്നീ​ട് അ​വ ബി​ല്ലു​ക​ൾ ആ​യ​പ്പോ​ൾ പി​ടി​ച്ചു​വ​യ്ക്കാ​ൻ അ​ധി​കാ​ര​മി​ല്ലെ​ന്ന് കെ.​കെ. വേ​ണു​ഗോ​പാ​ൽ വാ​ദി​ച്ചു.

രാ​ഷ്‌​ട്ര​പ​തി​ക്ക് ബി​ല്ലു​ക​ൾ അ​യ​ച്ച​തി​നു​ള്ള കാ​ര​ണം ഗ​വ​ർ​ണ​ർ വ്യ​ക്ത​മാ​ക്കി​യി​ട്ടി​ല്ലെ​ന്നും അ​ദ്ദേ​ഹം അ​റി​യി​ച്ചു. എ​ന്നാ​ൽ, ബി​ല്ലു​ക​ൾ രാ​ഷ്‌​ട്ര​പ​തി​ക്ക​യ​ച്ച ഗ​വ​ർ​ണ​റു​ടെ ന​ട​പ​ടി​യി​ൽ ത​ത്കാ​ലം ഇ​ട​പെ​ടാ​ൻ ക​ഴി​യി​ല്ലെ​ന്ന് സു​പ്രീം​കോ​ട​തി വ്യ​ക്ത​മാ​ക്കി. ഇ​നി​യും എ​ട്ട് ബി​ല്ലു​ക​ൾ ഗ​വ​ർ​ണ​റു​ടെ പ​രി​ഗ​ണ​ന​യി​ലു​ണ്ടെ​ന്നും അ​തി​ൽ ഒ​ന്ന് ധ​ന​ബി​ല്ലാ​ണെ​ന്നും കെ.​കെ. വേ​ണു​ഗോ​പാ​ൽ ചൂ​ണ്ടി​ക്കാ​ട്ടി.

ധ​ന​ബി​ല്ലി​ൽ തീ​രു​മാ​നം വൈ​കു​ന്ന​ത് സം​സ്ഥാ​ന​ത്തെ ബാ​ധി​ക്കു​മെ​ന്നും അ​ദ്ദേ​ഹം വാ​ദി​ച്ചു. തു​ട​ർ​ന്ന് ധ​ന​ബി​ല്ലി​ൽ തീ​രു​മാ​നം വൈ​കാ​തെ എ​ടു​ക്ക​ണ​മെ​ന്ന് സു​പ്രീം​കോ​ട​തി നി​ർ​ദേ​ശി​ച്ചു.