ന്യൂ​ഡ​ൽ​ഹി: ക​ണ്ണൂ​ർ വി​മാ​ന​ത്താ​വ​ള​ത്തി​ൽ വി​ദേ​ശ​വി​മാ​ന​ങ്ങ​ൾ അ​നു​വ​ദി​ക്കാ​നാ​കി​ല്ലെ​ന്നു കേ​ന്ദ്ര വ്യോ​മ​യാ​ന മ​ന്ത്രാ​ല​യം. കേ​ര​ള​ത്തി​ലെ വി​വി​ധ വി​മാ​ന​ത്താ​വ​ള​ങ്ങ​ളി​ലെ വ്യ​ത്യ​സ്ത പ്ര​ശ്ന​ങ്ങ​ൾ ചൂ​ണ്ടി​ക്കാ​ട്ടി ഡ​ൽ​ഹി​യി​ലെ പ്ര​ത്യേ​ക പ്ര​തി​നി​ധി പ്ര​ഫ. കെ.​വി. തോ​മ​സ് ന​ൽ​കി​യ ക​ത്തി​നു​ള്ള മ​റു​പ​ടി​യി​ലാ​ണു കേ​ന്ദ്ര വ്യോ​മ​യാ​ന മ​ന്ത്രി ജ്യോ​തി​രാ​ദി​ത്യ സി​ന്ധ്യ ഇ​ക്കാ​ര്യം വ്യ​ക്ത​മാ​ക്കി​യ​ത്.

മെ​ട്രോ അ​ല്ലാ​ത്ത ന​ഗ​ര​ങ്ങ​ളി​ലേ​ക്ക് വി​ദേ​ശ​വി​മാ​ന​ങ്ങ​ളെ അ​നു​വ​ദി​ക്കാ​ൻ ക​ഴി​യി​ല്ലെ​ന്ന നി​ല​പാ​ടാ​ണ് നിലവിൽ കേന്ദ്രസർ ക്കാരിനുള്ളതെന്നും മ​ന്ത്രി ന​ൽ​കി​യ മ​റു​പ​ടി​യി​ൽ വ്യ​ക്ത​മാക്കി. എ​ന്നാ​ൽ, ക​ണ്ണൂ​ർ ഉ​ൾ​പ്പെ​ടെ​യു​ള്ള വി​മാ​ന​ത്താ​വ​ള​ങ്ങ​ളി​ലേ​ക്ക് ഇ​ന്ത്യ​യു​ടെ കൂ​ടു​ത​ൽ വി​മാ​ന​ങ്ങ​ൾ സ​ർ​വീ​സ് ന​ട​ത്തു​മെ​ന്നും മ​ന്ത്രി വ്യ​ക്ത​മാ​ക്കി.

ശ​ബ​രി​മ​ല വി​മാ​ന​ത്താ​വ​ള​ത്തി​ന് അ​നു​മ​തി ന​ൽ​കു​ന്ന​തി​നു​ള്ള വി​ഷ​യം പു​തി​യ വി​മാ​ന​ത്താ​വ​ള​ങ്ങ​ളെ​ക്കു​റി​ച്ചു പ​രി​ശോ​ധി​ക്കു​ന്ന സ്റ്റി​യ​റിം​ഗ് ക​മ്മി​റ്റി​യു​ടെ പ​രി​ഗ​ണ​ന​യി​ലാ​ണെ​ന്നു മ​ന്ത്രി പ​റ​ഞ്ഞു. ഭൂ​മി​യു​ടെ ബാ​ധ്യ​ത​ക​ൾ തീ​ർ​ത്തു​ള്ള ല​ഭ്യ​ത സം​ബ​ന്ധി​ച്ചു വ്യ​ക്ത​ത വ​രു​ത്ത​ണ​മെ​ന്ന് പ്ര​സ്തു​ത ക​മ്മി​റ്റി കെ​എ​സ്ഐ​ഡി​സി​ക്കു നി​ർ​ദേ​ശം ന​ൽ​കി​യി​രു​ന്നു​വെ​ന്നും മ​ന്ത്രി ചൂ​ണ്ടി​ക്കാ​ട്ടി.


കാ​സ​ർ​ഗോ​ഡ് പെ​രി​യ​യി​ൽ എ​യ​ർ​സ്ട്രി​പ്പ് നി​ർ​മി​ക്കു​ന്ന കാ​ര്യ​ത്തി​ൽ കേ​ര​ള സ​ർ​ക്കാ​രി​നോ​ട് കൂ​ടു​ത​ൽ വ്യ​ക്ത​ത തേ​ടി​യി​രു​ന്നു. ഇ​ക്കാ​ര്യം പ​രി​ശോ​ധി​ച്ചു പ​രി​ഗ​ണി​ക്കു​മെ​ന്നും ക​ത്തി​ൽ വ്യ​ക്ത​മാ​ക്കു​ന്നു. നി​ല​വി​ലെ ന​യ​മ​നു​സ​രി​ച്ച് കൊ​ച്ചി അ​ന്താ​രാ​ഷ്ട്ര വി​മാ​ന​ത്താ​വ​ള​ത്തി​ൽ വി​ദേ​ശ കാ​ർ​ഗോ സ​ർ​വീ​സു​ക​ൾ​ക്ക് നി​യ​ന്ത്ര​ണ​മു​ണ്ടെ​ന്നും മ​ന്ത്രി വ്യ​ക്ത​മാ​ക്കി.