നി​ര്‍​മാ​ണം അ​ന്തി​മ​ഘ​ട്ട​ത്തി​ല്‍ എ​റ​ണാ​കു​ളം മാ​ര്‍​ക്ക​റ്റിന്‍റെ പുതിയ കെ​ട്ടി​ടം ന​വം​ബ​റി​ല്‍ തു​റ​ക്കും
Monday, September 23, 2024 6:38 AM IST
കൊ​ച്ചി: എ​റ​ണാ​കു​ളം മാ​ര്‍​ക്ക​റ്റി​നു​ള്ളി​ല്‍ നി​ര്‍​മാ​ണം അ​ന്തി​മ​ഘ​ട്ട​ത്തി​ലെ​ത്തി​യ പു​തി​യ മാ​ര്‍​ക്ക​റ്റ് സ​മു​ച്ച​യം ന​വം​ബ​റി​ല്‍ തു​റ​ക്കും. ഒ​ക്ടോ​ബ​ര്‍ അ​വ​സാ​ന​ത്തോ​ടെ നി​ര്‍​മാ​ണ പ്ര​വൃ​ത്തി​ക​ള്‍ പൂ​ര്‍​ത്തീ​ക​രി​ക്കാ​നാ​കു​മെ​ന്നാ​ണ് കൊ​ച്ചി സ്മാ​ര്‍​ട്ട് മി​ഷ​ന്‍ ലി​മി​റ്റ​ഡ് (സി​എ​സ്എം​എ​ല്‍) അ​ധി​കൃ​ത​ര്‍ പ്ര​തീ​ക്ഷ വ​യ്ക്കു​ന്ന​ത്. നി​ല​വി​ല്‍ സ​മു​ച്ച​യ​ത്തി​ന്‍റെ 85 ശ​ത​മാ​ന​വും നി​ര്‍​മാ​ണം പൂ​ര്‍​ത്തി​യാ​യി.

ലി​ഫ്റ്റ് സ്ഥാ​പി​ക്കു​ന്ന പ​ണി​ക​ളും അ​വ​സാ​ന​ഘ​ട്ട മി​നു​ക്കു പ​ണി​ക​ളു​മാ​ണ് ശേ​ഷി​ക്കു​ന്ന​ത്. അ​ഞ്ചു ലി​ഫ്റ്റു​ക​ളാ​ണ് ആ​കെ​യു​ള്ള​ത്. ഇ​തി​ല്‍ ര​ണ്ടെ​ണ്ണം സ്ഥാ​പി​ച്ചു. ശേ​ഷി​ക്കു​ന്ന​ത് വ​രും ദി​വ​സ​ങ്ങ​ളി​ല്‍ സ്ഥാ​പി​ക്കും. സ്വീ​വേ​ജ് ട്രീ​റ്റ്‌​മെ​ന്‍റ് പ്ലാ​ന്‍റി​നു​ള്ള എ​ന്‍​ഒ​സി​യും വൈ​ദ്യു​തി, അ​ഗ്‌​നി​ര​ക്ഷാ​സേ​ന അ​നു​മ​തി​ക​ളും ല​ഭി​ക്കാ​നു​ണ്ട്. ഇ​തു​ട​ന്‍ ല​ഭി​ക്കു​മെ​ന്നാ​ണ് ക​ണ​ക്കു​കൂ​ട്ട​ല്‍.

കൊ​ച്ചി കോ​ര്‍​പ​റേ​ഷ​ന്‍റെ ഉ​ട​മ​സ്ഥ​ത​യി​ലാ​ണ് മാ​ര്‍​ക്ക​റ്റ്. ബേ​സ്‌​മെ​ന്‍റ് ഉ​ള്‍​പ്പെ​ടെ അ​ഞ്ചു നി​ല​ക​ളാ​ണു​ള്ള​ത്. ഭൂ​മി​ക്ക​ടി​യി​ലു​ള്ള ര​ണ്ടു നി​ല​ക​ളി​ലാ​യി വാ​ഹ​ന പാ​ര്‍​ക്കിം​ഗി​നു​ള്ള സ്ഥ​ല​മാ​ണ്. അ​തി​നു മു​ക​ളി​ലു​ള്ള നി​ല​ക​ളി​ല്‍ പ​ച്ച​ക്ക​റി​ക​ള്‍, പ​ഴ​വ​ര്‍​ഗ​ങ്ങ​ള്‍, മു​ട്ട തു​ട​ങ്ങി​യ സ്റ്റാ​ളു​ക​ള്‍, സ്റ്റേ​ഷ​ന​റി, ക​യ​ര്‍, കു​ട്ട, ഭ​ക്ഷ്യ​വ​സ്തു​ക്ക​ള്‍ എ​ന്നി​വ​യു​ടെ വി​ല്പ​ന​യ്ക്കു​ള്ള സ്റ്റാ​ളു​ക​ളാ​ണ്. ര​ണ്ടാ​മ​ത്തെ​യും മൂ​ന്നാ​മ​ത്തെ​യും നി​ല​ക​ള്‍ തു​റ​ന്ന നി​ല​യാ​കും. ഇ​തു പൂ​ര്‍​ണ​മാ​യും വാ​ണി​ജ്യ ഇ​ട​മാ​യി ഉ​പ​യോ​ഗി​ക്കാ​നാ​കും.


ഒ​ന്നാം​ നി​ല​യി​ല്‍ ലോ​ഡിം​ഗ്, അ​ണ്‍​ലോ​ഡിം​ഗ് ഏ​രി​യ​യു​ണ്ട്. താ​ഴ​ത്തെ നി​ല​യി​ല്‍ നി​ന്ന് ഒ​ന്നാം​നി​ല​യി​ലേ​ക്ക് റാം​പി​ലൂ​ടെ വാ​ഹ​നം ക​യ​റ്റാം. 19,990 ച​തു​ര​ശ്ര മീ​റ്റ​ര്‍ വി​സ്തീ​ര്‍​ണ​ത്തി​ലാ​ണ് സ​മു​ച്ച​യം. മൊ​ത്തം 1.63 ഏ​ക്ക​റാ​ണ് പ്ലോ​ട്ട് ഏ​രി​യ. മാ​ലി​ന്യം സം​സ്‌​ക​രി​ക്കാ​ന്‍ ഓ​ര്‍​ഗാ​നി​ക് വേ​സ്റ്റ് കം​പോ​സ്റ്റ​ര്‍ പ്ലാ​ന്‍റു​മു​ണ്ട്. 72.69 കോ​ടി​യാ​ണ് ആ​കെ പ​ദ്ധ​തി​ച്ചെ​ല​വ്.

ഷ​ണ്മു​ഖം റോ​ഡി​ല്‍​നി​ന്ന് മാ​ര്‍​ക്ക​റ്റ് കോം​പ്ല​ക്‌​സി​ന്‍റെ ഒ​ന്നാം​നി​ല​യി​ലേ​ക്ക് എ​ത്തു​ന്ന ആ​കാ​ശ​പാ​ത​യും പ​ദ്ധ​തി​യി​ലു​ണ്ട്. വെ​ള്ളം, വൈ​ദ്യു​തി സൗ​ക​ര്യ​ങ്ങ​ള്‍​ക്ക് പു​റ​മെ മാ​ലി​ന്യ സം​സ്‌​ക​ര​ണ സം​വി​ധാ​ന​ങ്ങ​ളും ഇ​വി​ടെ​യു​ണ്ടാ​കും. ന​ഗ​ര​ത്തി​ലെ ആ​ദ്യ​ത്തെ മ​ള്‍​ട്ടി​ലെ​വ​ല്‍ കാ​ര്‍ പാ​ര്‍​ക്കിം​ഗും കെ​ട്ടി​ട​ത്തോ​ട​നു​ബ​ന്ധി​ച്ചാ​ണ് നി​ര്‍​മാ​ണം ന​ട​ക്കു​ന്ന​ത്. 120 കാ​റു​ക​ള്‍​ക്കും 100 ബൈ​ക്കു​ക​ള്‍​ക്കും പാ​ര്‍​ക്ക് ചെ​യ്യാം. 24.65 കോ​ടി രൂ​പ മു​ത​ല്‍​മു​ട​ക്കു​ള്ള എം​എ​ല്‍​പി​യു​ടെ പ്രാ​രം​ഭ പ്ര​വൃ​ത്തി​ക​ള്‍ തു​ട​ങ്ങി.

നൂ​റ്റാ​ണ്ട് പ​ഴ​ക്ക​മു​ള്ള പ​ഴ​യ മാ​ര്‍​ക്ക​റ്റ് പൊ​ളി​ച്ചു​നീ​ക്കി 2022 ജൂ​ണി​ലാ​ണ് നി​ര്‍​മാ​ണം ആ​രം​ഭി​ച്ച​ത്. ക​രാ​ര്‍ പ്ര​കാ​രം 2024 ജൂ​ണി​ല്‍ നി​ര്‍​മാ​ണം പൂ​ര്‍​ത്തീ​ക​രി​ക്കേ​ണ്ട​താ​യി​രു​ന്നു. പ​ഴ​യ മാ​ര്‍​ക്ക​റ്റി​ലെ ക​ച്ച​വ​ട​ക്കാ​രെ തൊ​ട്ട​ടു​ത്തു​ത​ന്നെയാണ് താ​ത്കാ​ലി​ക​മാ​യി പു​ന​ര​ധി​വ​സി​പ്പി​ച്ചി​രിക്കന്നത്്.