യു​എ​സി​ന്‍റെ ര​ഹ​സ്യ വാ​ട്സാ​പ്പ് ഗ്രൂ​പ്പി​ൽ മാ​ധ്യ​മ​പ്ര​വ​ർ​ത്ത​ക​ൻ; വിവാദം കത്തുന്നു
Wednesday, March 26, 2025 1:25 PM IST
വാ​ഷിം​ഗ്ട​ൺ ഡിസി: യെ​മ​നി​ലെ വി​മ​ത​വി​ഭാ​ഗ​മാ​യ ഹൂ​തി​ക​ൾ​ക്കെ​തി​രേ​യു​ള്ള അ​മേ​രി​ക്ക​യു​ടെ സൈ​നി​ക ന​ട​പ​ടി​ക​ൾ മാ​ധ്യ​മ​പ്ര​വ​ർ​ത്ത​ക​നു വാ​ട്സ്ആ​പ് ഗ്രൂ​പ്പി​ലൂ​ടെ ചോ​ർ​ന്നു കി​ട്ടി​യ സം​ഭ​വ​ത്തി​ന്‍റെ പൂ​ർ​ണ ഉ​ത്ത​ര​വാ​ദി​ത്വം യു​എ​സ് ദേ​ശീ​യ സു​ര​ക്ഷാ ഉ​പ​ദേ​ഷ്ടാ​വ് മൈ​ക്ക് വാ​ൾ​ട്സ് ഏ​റ്റെ​ടു​ത്തു.

ആ​ക്ര​മ​ണ​ത്തി​ന്‍റെ വി​ശ​ദ​മാ​യ പ​ദ്ധ​തി​ക​ള്‍ ച​ര്‍​ച്ച ചെ​യ്യാ​നു​ള്ള സി​ഗ്ന​ല്‍ ആ​പ്പി​ലെ ഗ്രൂ​പ്പി​ൽ "ദ ​അ​റ്റ്‌​ലാ​ന്‍റി​ക്' മാ​ഗ​സി​ന്‍റെ എ​ഡി​റ്റ​ര്‍-​ഇ​ന്‍-​ചീ​ഫ് ജെ​ഫ്രി ഗോ​ള്‍​ഡ്‌​ബെ​ര്‍​ഗി​നെ അ​ബ​ദ്ധ​ത്തി​ല്‍ ചേ​ര്‍​ക്കു​ക​യാ​യി​രു​ന്നെ​ന്ന് അ​ദ്ദേ​ഹം അ​റി​യി​ച്ചു.

ഗ്രൂ​പ്പ് ഉ​ണ്ടാ​ക്കി​യ​ത് താ​നാ​ണെ​ന്നും എ​ല്ലാം ഏ​കോ​പി​പ്പി​ക്കു​ന്നു​വെ​ന്ന് ഉ​റ​പ്പാ​ക്കു​ക എ​ന്ന​താ​ണ് തന്‍റെ ജോ​ലി​യെ​ന്നും വാ​ൾ​ട്സ് പ​റ​ഞ്ഞു. എ​ന്നാ​ൽ താ​ൻ അ​ബ​ദ്ധ​ത്തി​ൽ ഗ്രൂ​പ്പി​ൽ ചേ​ർ​ത്ത പ​ത്ര​പ്ര​വ​ർ​ത്ത​ക​നാ​യ ജെ​ഫ്രി ഗോ​ൾ​ഡ്ബെ​ർ​ഗി​നെ ത​നി​ക്ക് വ്യ​ക്തി​പ​ര​മാ​യി അ​റി​യി​ല്ലെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു.


ചാ​റ്റ് ഗ്രൂ​പ്പി​ൽ ചേ​ക്ക​പ്പെ​ട്ട​തോ​ടെ യു​എ​സി​ന്‍റെ യെ​മ​ന്‍ ആ​ക്ര​മ​ണ പ​ദ്ധ​തി​യു​ടെ വി​ശ​ദാം​ശ​ങ്ങ​ള്‍ ജെ​ഫ്രി​ക്കു ല​ഭി​ച്ചി​രു​ന്നു. യെ​മ​നി​ല്‍ ആ​ക്ര​മ​ണം ന​ട​ത്തേ​ണ്ട ഇ​ട​ങ്ങ​ള്‍, ഏ​തെ​ല്ലാം ആ​യു​ധ​ങ്ങ​ളാ​ണ് ഉ​പ​യോ​ഗി​ക്കേ​ണ്ട​ത് തു​ട​ങ്ങി​യ വി​വ​ര​ങ്ങ​ളാ​ണ് ല​ഭി​ച്ച​ത്. ‌

എ​ന്നാ​ൽ, സൈ​നി​ക പ​ദ്ധ​തി​യു​ടെ വി​ശ​ദാം​ശ​ങ്ങ​ൾ ജെ​ഫ്രി പു​റ​ത്തു​വി​ട്ടി​രു​ന്നി​ല്ല. പി​ന്നീ​ട് ആ ​ഗ്രൂ​പ്പി​ല്‍​നി​ന്ന് ജെ​ഫ്രി സ്വ​യം പു​റ​ത്തു​പോ​കു​ക​യാ​യി​രു​ന്നു. ഗ്രൂ​പ്പി​ല്‍ ഏ​റെ​സ​മ​യം ഉ​ണ്ടാ​യി​രു​ന്നി​ട്ടും ഒ​രാ​ള്‍ പോ​ലും ശ്ര​ദ്ധി​ച്ചി​ല്ലെ​ന്നും താ​ന്‍ ആ​രാ​ണെ​ന്നോ എ​ന്താ​ണ് പു​റ​ത്തു​പോ​യ​തെ​ന്നോ ചോ​ദി​ച്ചി​ല്ലെ​ന്നും അ​ദ്ദേ​ഹം റി​പ്പോ​ര്‍​ട്ടി​ല്‍ പ​റ​ഞ്ഞു.