ന​ല്ലേ​പ്പി​ള്ളി​യി​ൽ ന​ട​ന്ന ര​ണ്ട് അ​പ​ക​ട​ങ്ങ​ളി​ൽ മൂ​ന്നു വാ​ഹ​ന​ങ്ങ​ൾ​ക്കു നാ​ശം, ഒ​രാ​ൾ​ക്കു നി​സാ​രപ​രി​ക്ക്
Wednesday, July 3, 2024 12:41 AM IST
ചി​റ്റൂ​ർ: ന​ല്ലേ​പ്പിള്ളി​ക്കു സ​മീ​പം മൂ​ന്നു ച​ര​ക്കു വാ​ഹ​ന​ങ്ങ​ൾ കൂട്ടി​യി​ടി​ച്ച് അ​പ​ക​ട​ത്തി​ൽ​പ്പെ​ട്ടു. വാ​ള​റ പാ​ല​ത്തി​ന് സ​മീ​പ​മാ​ണ് അ​പ​ക​ട​ങ്ങ​ൾ ന​ട​ന്ന​ത്. ച​ര​ക്കു വാ​ഹന​ത്തി​ന്‍റെ ക്യാ​ബി​നി​ൽ കു​ടു​ങ്ങി​യ ഡ്രൈ​വ​റെ ചി​റ്റൂ​ർ അ​ഗ്നി​ര​ക്ഷാ​സേ​ന​യെ​ത്തി ക​ട്ട​ർ ഉ​പ​യോ​ഗി​ച്ച് പൊ​ളി​ച്ച് ര​ക്ഷ​പ്പെ​ടു​ത്തി.
ഡ്രൈ​വ​ർ കൊ​ടു​വാ​യൂ​ർ മു​ണ്ട​യം പാ​ടം അ​നി​താ നി​വാ​സി​ൽ വി​ജ​യ​ന്‍റെ മ​ക​ൻ വി​നീ​ഷ് (26) ആ​ണ് ക്യാ​ബി​നി​ൽ കു​ടു​ങ്ങി​യത്. ഇ​ന്നലെ പു​ല​ർ​ച്ചെ 1.30 നാ​ണ് ആ​ദ്യ അ​പ​ക​ടം ന​ട​ന്ന​ത്.

നാ​ട്ടു​ക​ൽ ഭാ​ഗ​ത്തു നി​ന്നും ഉ​രു​ള​ക്കി​ഴ​ങ്ങു​മാ​യി വ​ന്ന ദോ​സ്ത് ച​ര​ക്ക് വാ​ഹ​നം വാ​ള​റ​യി​ൽ വെ​ച്ച് നി​യ​ന്ത്ര​ണം വി​ട്ട് റോ​ഡ് വ​ക്ക​ത്തെ വൈ​ദ്യു​തി തൂ​ണി​ലി​ടി​ച്ച് റോ​ഡി​ൽ മ​റി​ഞ്ഞു വീ​ഴു​ക​യാ​യി​രു​ന്നു.

ആ​ദ്യം മ​റിഞ്ഞ ​വാ​ഹ​ന​ത്തി​ൽ ഉ​ണ്ടാ​യി​രു​ന്ന ഉ​രു​ള​ക്കി​ഴ​ങ്ങ് ചാ​ക്കു​ക​ളെ​ല്ലാം റോ​ഡി​ൽ ചി​ത​റി കി​ട​പ്പു​ണ്ടാ​യി​രു​ന്നു. ഈ ​സ​മ​യ​ത്ത് ചി​റ്റൂ​ർ ഭാ​ഗ​ത്തു നി​ന്നും കൊ​ഴി​ഞ്ഞാ​മ്പാ​റ ഭാ​ഗ​ത്തേ​ക്കു പോ​വു​ക​യാ​യി​രു​ന്ന പി​ക്ക​പ്പ് വാ​ൻ അ​മി​ത വേ​ഗ​ത​യി​ലെ​ത്തി റോ​ഡി​ന്‍റെ വ​ല​തു​വ​ശ​ത്തു നി​ൽ​ക്കു​ക​യാ​യി​രു​ന്ന ദോ​സ്ത്ത് വാ​ഹ​ന​ത്തി​ൽ ഇ​ടി​ച്ചു​ക​യ​റിയാ​ണ് വി​നേ​ഷ് കാ​ബി​നി​ന​ക​ത്ത് കു​ടു​ങ്ങി​യ​ത്.

അ​ഗ്നി​ര​ക്ഷാസേ​ന​ക്കൊ​പ്പം അ​പ​ക​ട വി​വ​ര​മ​റി​ഞ്ഞ് കൊ​ഴി​ഞ്ഞാ​മ്പാ​റ പോ​ലീസും സം​ഭ​വ​സ്ഥ​ല​ത്തെ​ത്തി ര​ക്ഷാ പ്ര​വ​ർ​ത്ത​ന​ത്തി​ലേ​ർ പ്പെ​ട്ടു.

മൂ​ന്നു വാ​ഹ​ന​ങ്ങ​ളും റോ​ഡി​ൽ അ​ക​പ്പെ​ട്ട​തോ​ടെ ഇ​രു​ച​ക്ര വാ​ഹ​നം പോ​ലും മ​റി​ക​ട​ക്കാ​ൻ ക​ഴി​യാ​ത്ത വി​ധം ഗ​താ​ഗ​ത കു​രു​ക്കി​ല​ക​പ്പെ​ട്ടു. കൊ​ഴി​ഞ്ഞാ​മ്പാ​റ പോ​ലീ​സ് ക്രെ​യി​ൻ കൊ​ണ്ടു​വ​ന്ന് മൂന്നു വാ​ഹ​ന​ങ്ങ​ളും നീ​ക്കം ചെ​യ്ത് മൂ​ന്ന​രയോ​ടാ​ണ് ഗ​താ​ഗ​തം പു​ന​ഃസ്ഥാ​പി​ച്ച​ത്.

Copyright @ 2022 , Rashtra Deepika Ltd.