ഗ്രാ​മീ​ണ മേ​ഖ​ല​യി​ൽ അ​ന്ധ​വി​ശ്വാ​സം പ്ര​ച​രി​പ്പി​ച്ച് ത​ട്ടി​പ്പ്
Thursday, June 20, 2024 12:23 AM IST
നെ​ന്മാ​റ: മാ​റാ​രോ​ഗം മ​ന്ത്ര​വാ​ദം വ​ഴി മാ​റ്റാ​മെ​ന്നു പ​റ​ഞ്ഞു വി​ശ്വ​സി​പ്പി​ച്ചു ത​ട്ടി​പ്പ് ന​ട​ത്തി​യ​താ​യി പ​രാ​തി. നെ​ന്മാ​റ വ​ക്കാ​വ് സ്വ​ദേ​ശി​നി 50 വ​യ​സായ വീ​ട്ട​മ്മ​യു​ടെ ചെ​വി​യി​ൽ അ​ണി​ഞ്ഞി​രു​ന്ന മു​ക്കാ​ൽ പ​വ​ൻ വ​രു​ന്ന സ്വ​ർ​ണാ​ഭ​ര​ണ​മാ​ണ് അ​ന്ധ​വി​ശ്വാ​സം പ്ര​ച​രി​പ്പി​ച്ച് ത​ട്ടി​യ​ത്.

സ​മാ​ന രീ​തി​യി​ൽ വ​ക്കാ​വി​ൽ ത​ന്നെ ര​ണ്ട് വീ​ടു​ക​ളി​ൽ കൂ​ടി മ​റ്റൊ​രു രീ​തി​യി​ൽ ത​ട്ടി​പ്പ് ന​ട​ത്തി​യ​താ​യി അ​ന്വേ​ഷ​ണ​ത്തി​ൽ ക​ണ്ടെ​ത്തി.

ഭി​ക്ഷ​ക്കാ​രു​ടെ വേ​ഷ​ത്തി​ൽ വീ​ട്ടി​ൽ എ​ത്തി​യ ര​ണ്ടു സ്ത്രീ​ക​ൾ ത​നി​ച്ചു താ​മ​സി​ക്കു​ന്ന വീ​ട്ട​മ്മ​യു​ടെ രോ​ഗ​വി​വ​രം അ​ന്വേ​ഷി​ക്കു​ക​യും ദീ​ർ​ഘ​കാ​ല​മാ​യി അ​നു​ഭ​വി​ക്കു​ന്ന മാ​റാ​രോ​ഗം മ​ന്ത്ര​വാ​ദം വ​ഴി രോ​ഗ​ശ​മ​നം ന​ട​ത്തു​ന്ന വ്യ​ക്തി​യെ എ​ത്തി​ച്ചു ത​രാ​മെ​ന്നും പ​റ​ഞ്ഞ് ഇ​വ​ർ മ​ട​ങ്ങി. പി​ന്നാ​ലെ മ​ന്ത്ര​വാ​ദി​യെ​ന്ന പേ​രി​ൽ എ​ത്തി​യ ത​ട്ടി​പ്പു വീ​ര​ൻ ചെ​റു​നാ​ര​ങ്ങ​യി​ൽ സ്വ​ർ​ണാ​ഭ​ര​ണം പൂ​ഴ്ത്തി വെ​ക്കു​ന്ന​താ​യി കാ​ണി​ക്കു​ക​യും. 21 ദി​വ​സം ക​ഴി​ഞ്ഞു മാ​ത്രം തു​റ​ന്നാ​ൽ മ​തി​യെ​ന്ന് നി​ർ​ദേശി​ച്ചു.

ഒ​രു ചെ​വി​യി​ലെ ക​മ്മ​ൽ കൊ​ടു​ത്ത​പ്പോ​ൾ പോ​രെ​ന്നും കൂ​ടു​ത​ൽ ഫ​ലം കി​ട്ടാ​ൻ ര​ണ്ടു ക​മ്മ​ലും വേ​ണ​മെ​ന്നും പ​റ​ഞ്ഞ​ത്രെ. പി​ന്നീ​ട് ചാ​യ ഉ​ണ്ടാ​ക്കാ​ൻ ആ​വ​ശ്യ​പ്പെ​ടു​ക​യും വീ​ട്ട​മ്മ അ​ടു​ക്ക​ള​യി​ലേ​ക്കു പോ​യ നേ​രം മ​റ്റൊ​രു ചെ​റു​നാ​ര​ങ്ങ ന​ൽ​കി ത​ട്ടി​പ്പു​കാ​ര​ൻ മ​ട​ങ്ങു​ക​യു​മാ​യി​രു​ന്നു. ര​ണ്ടു ദി​വ​സ​ത്തി​നു ശേ​ഷം കു​ടും​ബ​ക്കാ​രു​മാ​യി ഇ​ക്കാ​ര്യം പ​ങ്കു​വ​ച്ച​പ്പോ​ൾ സം​ശ​യം തോ​ന്നി​യ​തോ​ടെ​ നാ​ര​ങ്ങ പ​രി​ശോ​ധി​ച്ച​പ്പോ​ഴാ​ണ് ത​ട്ടി​പ്പ് മ​ന​സിലാ​യ​ത്. തു​ട​ർ​ന്ന് വീ​ട്ടു​കാ​ർ നെ​ന്മാ​റ പോ​ലീ​സി​ൽ പ​രാ​തി ന​ൽ​കു​ക​യാ​യി​രു​ന്നു.

ഈ ​ത​ട്ടി​പ്പ് പു​റ​ത്തി​റ​ഞ്ഞ​തോ​ടെ​യാ​ണ് പ്ര​ദേ​ശ​ത്തെ മ​റ്റു ര​ണ്ടു വീ​ടു​ക​ളി​ലും ദോ​ഷം മാ​റ്റാ​ൻ മ​ന്ത്ര​വാ​ദം ചെ​യ്യാ​മെ​ന്നു വി​ശ്വ​സി​പ്പി​ച്ച് അ​ഡ്വാ​ൻ​സാ​യി 1000 രൂ​പ വീ​തം വാ​ങ്ങിയ വിവരം പുറത്തറിഞ്ഞത്. അ​ടു​ത്ത ദി​വ​സം വ​രു​മ്പോ​ൾ 10,000 രൂ​പ കൂ​ടി ക​രു​താ​ൻ ആ​വ​ശ്യ​പ്പെ​ട്ട് ത​ട്ടി​പ്പു​കാ​ര​ൻ പോ​കുകയായിരുന്നു. നെ​ന്മാ​റ ടൗ​ണി​ൽ നി​ന്നും അ​ഞ്ചു കി​ലോ​മീ​റ്റ​ർ അ​ക​ലെ​യു​ള്ള ഗ്രാ​മീ​ണ മേ​ഖ​ല​യാ​യ വ​ക്കാ​വി​ൽ ന​ട​ന്ന ത​ട്ടി​പ്പി​നെ കു​റി​ച്ച് പോ​ലീ​സ് പ്ര​ദേ​ശ​ത്തെ സിസി ടിവി​ക​ൾ പ​രി​ശോ​ധി​ച്ചെ​ങ്കി​ലും കാ​ര്യ​മാ​യ തെ​ളി​വു​ക​ൾ ല​ഭി​ച്ചി​ല്ല. എ​ങ്കി​ലും ഗ്രാ​മീ​ണ മേ​ഖ​ല കേ​ന്ദ്രീ​ക​രി​ച്ച് ന​ട​ത്തു​ന്ന ത​ട്ടി​പ്പ് സം​ഘ​ങ്ങ​ളെ കു​റി​ച്ച് ഊ​ർ​ജ്ജി​ത​മാ​യി അ​ന്വേ​ഷി​ക്കു​ന്നു​ണ്ടെ​ന്ന് നെ​ന്മാ​റ പോ​ലീ​സ് പ​റ​ഞ്ഞു.

സ​മാ​ന​രീ​തി​യി​ൽ കൂ​ടു​ത​ൽ മേ​ഖ​ല​യി​ൽ ത​ട്ടി​പ്പ് ന​ട​ന്നി​ട്ടു​ണ്ടോ എ​ന്നു​ള്ള കാ​ര്യ​വും വ്യ​ക്ത​മ​ല്ല. വ്യ​ക്തി​കേ​ന്ദ്രീ​കൃ​ത​മ​ല്ലാ​തെ സം​ഘ​ടി​ത​മാ​യ ത​ട്ടി​പ്പു​കാ​രാ​ണ് മു​ൻ​കൂ​ട്ടി വീ​ടു​ക​ളി​ൽ എ​ത്തി സൗ​ഹൃ​ദം ന​ടി​ച്ച് വീ​ട്ടു​കാ​രു​ടെ വി​വ​ര​ങ്ങ​ൾ അ​ന്വേ​ഷി​ച്ച് ത​ട്ടി​പ്പ് സം​ഘ​ത്തി​ലെ മ​റ്റു​ള്ള​വ​ർ​ക്ക് വിവരങ്ങൾ ന​ൽ​കു​ന്ന​തെന്ന് പോ​ലീ​സ് പ​റ​ഞ്ഞു.

Copyright @ 2022 , Rashtra Deepika Ltd.