ഗാ​ന​മേ​ള​യ്ക്കി​ടെ കൊ​ല​പാ​ത​കം: മു​ഖ്യ​പ്ര​തി​യെ കൊ​ച്ചി​യി​ലെ​ത്തി​ച്ചു
Friday, September 30, 2022 12:04 AM IST
കൊ​ച്ചി: ക​ലൂ​രി​ല്‍ ഗാ​ന​മേ​ള​യ്ക്കി​ടെ​യു​ണ്ടാ​യ കൊ​ല​പാ​ത​കം പെ​ട്ടെ​ന്നു​ണ്ടാ​യ ദേ​ഷ്യ​ത്തി​ല്‍ ചെ​യ്ത​തെ​ന്ന് മു​ഖ്യ​പ്ര​തി കാ​സ​ര്‍​ഗോ​ഡ് സ്വ​ദേ​ശി കെ.​എ.​മു​ഹ​മ്മ​ദ് ഹ​സ​ന്‍. ഗാ​ന​മേ​ള​യി​ല്‍ നി​ന്ന് പു​റ​ത്താ​ക്കി​യ​പ്പോ​ഴു​ണ്ടാ​യ പെ​ട്ടെ​ന്നു​ള്ള വി​കാ​ര​ത്തി​ന്‍റെ പു​റ​ത്താ​ണ് രാ​ജേ​ഷി​നെ ആ​ക്ര​മി​ച്ച​തെ​ന്നും ആ​സൂ​ത്രി​ത​മ​ല്ലെ​ന്നും പോ​ലീ​സി​ന്‍റെ ചോ​ദ്യം ചെ​യ്യ​ലി​ല്‍ മു​ഹ​മ്മ​ദ് ഹ​സ​ന്‍ വ്യ​ക്ത​മാ​ക്കി. ഒ​ളി​വി​ല്‍​പോ​യ മു​ഹ​മ്മ​ദ് ഹ​സ​നെ മൈ​സൂ​രി​ല്‍ നി​ന്നാ​ണ് പോ​ലീ​സ് ക​സ്റ്റ​ഡി​യി​ലെ​ടു​ത്ത​ത്. ഇ​ന്ന​ലെ രാ​വി​ലെ​യോ​ടെ കൊ​ച്ചി​യി​ലെ​ത്തി​ച്ച ഇ​യാ​ളു​ടെ അ​റ​സ്റ്റ് രേ​ഖ​പ്പെ​ടു​ത്തി.
സം​ഭ​വ​ത്തെ​ക്കു​റി​ച്ച് മു​ഹ​മ്മ​ദ് ഹ​സ​ന്‍ പോ​ലീ​സി​നോ​ടു പ​റ​ഞ്ഞ​തി​ങ്ങ​നെ: യു​വ​തി​യോ​ട് അ​പ​മ​ര്യാ​ദ​യാ​യി പെ​രു​മാ​റി​യെ​ന്ന കാ​ര​ണ​ത്താ​ല്‍ പ​രി​പാ​ടി​യി​ല്‍ നി​ന്ന് പു​റ​ത്താ​ക്കി​യ ശേ​ഷം ആ​ലു​വ​യി​ലെ​ത്തി രാ​ജേ​ഷി​നെ ആ​ക്ര​മി​ക്കാ​നു​ള്ള ക​ത്തി​യു​മാ​യി തി​രി​കെ വ​ന്നു. ആ​ക്ര​മ​ണ​ത്തി​ന് മു​മ്പ് കേ​സി​ല്‍ ആ​ദ്യം അ​റ​സ്റ്റി​ലാ​യ സ​ഹോ​ദ​ര​ന്‍ ഉ​ള്‍​പ്പെ​ടെ​യു​ള്ള​വ​രെ​യും വി​ളി​ച്ചു​വ​രു​ത്തി​യി​രു​ന്നു. രാ​ജേ​ഷി​നെ കു​ത്തി​വീ​ഴ്ത്തി​യ ശേ​ഷം താ​നും സം​ഘ​വും നേ​രെ ആ​ലു​വ​യി​ലേ​ക്കാ​ണ് പോ​യ​ത്. താ​ടി​യും മു​ട​യും വെ​ട്ടി രൂ​പ​മാ​റ്റം വ​രു​ത്തി​യ ശേ​ഷ​മാ​ണ് വ​യ​നാ​ട്ടി​ലേ​ക്ക് ക​ട​ന്നു ക​ള​ഞ്ഞ​ത്. മു​ത്ത​ങ്ങ വ​രെ കേ​സി​ല്‍ പി​ടി​യി​ലാ​യ അ​ഭി​ജി​ത്തും ഒ​പ്പ​മു​ണ്ടാ​യി​രു​ന്നു. മു​ത്ത​ങ്ങ​യി​ല്‍ നി​ന്ന് അ​ഭി​ജി​ത്ത് തി​രി​ച്ചു പോ​രു​ക​യും മു​ഹ​മ്മ​ദ് ഹ​സ​ന്‍ മൈ​സൂ​രി​ലേ​ക്ക് ക​ട​ക്കു​ക​യു​മാ​യി​രു​ന്നു.
ര​ക്ഷ​പ്പെ​ടാ​നു​പ​യോ​ഗി​ച്ച കാ​ര്‍ കേ​ന്ദ്രീ​ക​രി​ച്ച് ന​ട​ത്തി​യ അ​ന്വേ​ഷ​ണ​മാ​ണ് പ്ര​തി​ക​ളെ പി​ടി​കൂ​ടാ​ന്‍ സ​ഹാ​യിച്ച​ത്. കൊ​ച്ചി പ​ന​യ​പ്പി​ള്ളി അ​മ്മ​ന്‍​കോ​വി​ല്‍ പ​റ​മ്പി​ല്‍ ചെ​ല്ല​മ്മ വീ​ട്ടി​ല്‍ രാ​ധാ​കൃ​ഷ്ണ​ന്‍റെ മ​ക​ന്‍ എം.​ആ​ര്‍.​രാ​ജേ​ഷ്(27) ആ​ണ് 24ന് ​രാ​ത്രി കു​ത്തേ​റ്റ് മ​രി​ച്ച​ത്.

Copyright @ 2022 , Rashtra Deepika Ltd.