ഗ്രാമീണ മേഖലയില്‍നിന്ന് കായികതാരങ്ങളെ കണ്ടെത്തണമെന്ന്
1481871
Monday, November 25, 2024 4:26 AM IST
കടമ്പനാട്: ഗ്രാമീണ മേഖലയില്‍ കായികതാരങ്ങളെ വളര്‍ത്തിയെടുക്കുകയെന്നാണ് സര്‍ക്കാര്‍ ലക്ഷ്യമെന്ന് ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍. കടമ്പനാട് ഗ്രാമപഞ്ചായത്തില്‍ ചിറ്റയം ഗോപകുമാറിന്‍റെ മണ്ഡല ആസ്തി വികസനഫണ്ടില്‍ നിന്നുള്ള 50 ലക്ഷം രൂപയും കായിക വകുപ്പിന്‍റെ 50 ലക്ഷം രൂപയും വിനിയോഗിച്ച് നിര്‍മിക്കുന്ന പഞ്ചായത്ത് സ്റ്റേഡിയത്തിന്‍റെ നിര്‍മാണോദ്ഘാടനം നിര്‍വഹിച്ചു പ്രസംഗിക്കുകയായിരുന്നു അദ്ദേഹം.
ഗ്രാമപഞ്ചായത്ത് പ്രസിഡന്‍റ് പ്രിയങ്ക പ്രതാപ് അധ്യക്ഷത വഹിച്ചു. ദേശീയ ഫുട്ബാള്‍ താരം കെ.ടി. ചാക്കോ മുഖ്യാതിഥി ആയിരുന്നു. വൈസ് പ്രസിഡന്‍റ് എസ്. രാധാകൃഷ്ണന്‍, സ്റ്റാന്‍ഡിംഗ് കമ്മിറ്റി അധ്യക്ഷരായ സിന്ധു ദിലീപ്, മണിയമ്മ മോഹന്‍,
നെല്‍സണ്‍ ജോയ്‌സ്, മുന്‍ ഗ്രാമപഞ്ചായത്ത് പ്രസിഡന്‍റുമാരായ എ.ആര്‍. അജീഷ് കുമാര്‍, സുരേഷ് കുമാര്‍, ഗ്രാമ പഞ്ചായത്ത് മെംബര്‍മാരായ ചിത്ര, സിന്ധു, ഷീജ കൃഷ്ണന്‍, ലിന്‍റോ, പ്രസന്ന ടീവര്‍, ഷീജ ഷാനവാസ്, ജോസ് തോമസ് തുടങ്ങിയവര്‍ പ്രസംഗിച്ചു.