കോ​ഴ​ഞ്ചേ​രി: ക​ഥ​ക​ളി മ്യൂ​സി​യം പ്ര​ഖ്യാ​പ​ന​ത്തി​ലൊ​തു​ങ്ങി; സ്ഥ​ലം കാ​ടു​ക​യ​റി ന​ശി​ക്കു​ന്നു. ജി​ല്ലാ ക​ഥ​ക​ളി ക്ല​ബ്ബി​ന് സ്വ​ന്തം ആ​സ്ഥാ​ന​മ​ന്ദി​രം നി​ര്‍​മി​ക്കു​ന്ന​തി​നു​വേ​ണ്ടി വാ​ങ്ങി​യ സ്ഥ​ല​മാ​ണ് ക​ഥ​ക​ളി മ്യൂ​സി​യത്തി​നാ​യി അ​യി​രൂ​ര്‍ ഗ്രാ​മ​പ​ഞ്ചാ​യ​ത്തി​ന് ന​ല്കി​യ​ത്. ക​ഥ​ക​ളി ഗ്രാ​മ​മെ​ന്ന് ഔ​ദ്യോ​ഗി​ക​മാ​യി അം​ഗീ​ക​രി​ച്ച അ​യി​രൂ​രി​ല്‍ ക​ഥ​ക​ളി​യു​ടെ പ്രോ​ത്സാ​ഹ​ന​ത്തി​നു​വേ​ണ്ടി ത​യാ​റാ​ക്കി​യ പ​ദ്ധ​തി​ക​ളി​ലാ​ണ് മ്യൂ​സി​യ​വും ഉ​ള്‍​പ്പെ​ട്ടി​രു​ന്ന​ത്.

അ​യി​രൂ​ര്‍ കേ​ന്ദ്ര​മാ​ക്കി പ്ര​വ​ര്‍​ത്തി​ക്കു​ന്ന ജി​ല്ലാ ക​ഥ​ക​ളി ക്ല​ബ്ബ് 24 ല​ക്ഷം രൂ​പ മു​ട​ക്കി​യാ​ണ് പ​ത്തു വ​ര്‍​ഷ​ങ്ങ​ള്‍​ക്കു​മു​ന്‍​പ് കോ​ഴ​ഞ്ചേ​രി - റാ​ന്നി റോ​ഡി​ല്‍ ചെ​റു​കോ​ല്‍​പ്പു​ഴ പാ​ല​ത്തി​നു​ സ​മീ​പം പ​മ്പാ​ന​ദി​ക്ക​ര​യി​ല്‍ ആ​സ്ഥാ​ന​മ​ന്ദി​ര​ത്തി​നു​വേ​ണ്ടി സ്ഥ​ലം വാ​ങ്ങി​യ​ത്.

ക​ലാ​ഗ്രാ​മം എ​ന്ന നി​ല​യി​ല്‍ സം​സ്ഥാ​ന വി​നോ​ദ സ​ഞ്ചാ​ര​വ​കു​പ്പ് ആ​രം​ഭി​ച്ച ത​ദ്ദേ​ശ സ്ഥാ​പ​ന​ങ്ങ​ളി​ല്‍ ഒ​രു ഡെ​സ്റ്റി​നേ​ഷ​ന്‍ എ​ന്ന പ​ദ്ധ​തി​യി​ല്‍ ജി​ല്ലാ ക​ഥ​ക​ളി ക്ല​ബ്ബിനെ ഉ​ള്‍​പ്പെ​ടു​ത്തി ക​ഥ​ക​ളി മ്യൂ​സി​യം നി​ര്‍​മി​ക്കു​ന്ന​തി​നു​വേ​ണ്ടി​യാ​ണ് ക്ല​ബ്ബ് വാ​ങ്ങി​യ സ്ഥ​ലം ഗ്രാ​മ​പ​ഞ്ചാ​യ​ത്തി​നു കൈ​മാ​റു​ക​യാ​യി​രു​ന്നു. ഒ​ന്ന​ര​ക്കോ​ടി രൂ​പ ചെ​ല​വി​ല്‍ മ്യൂ​സി​യ​ത്തി​ന്‍റെ നി​ര്‍​മാ​ണ​പ്ലാ​ന്‍ ആ​റ​ന്മു​ള വാ​സ്തു​വി​ദ്യാ ഗു​രു​കു​ലം ത​യാ​റാ​ക്കു​ക​യും ചെ​യ്തി​രു​ന്നു.

മ്യൂ​സി​യ​ത്തി​നു​വേ​ണ്ടി​വ​രു​ന്ന തു​ക​യു​ടെ പ​കു​തി വി​നോ​ദ സ​ഞ്ചാ​ര​വ​കു​പ്പും ശേ​ഷി​ക്കു​ന്ന തു​ക ത്രി​ത​ല പ​ഞ്ചാ​യ​ത്തു​ക​ളി​ല്‍നി​ന്നു ല​ഭ്യ​മാ​ക്കാ​നു​മാ​യി​രു​ന്നു തീ​രു​മാ​നി​ച്ചി​രു​ന്ന​ത്. ആ​ന്‍റോ ആ​ന്‍റ​ണി എം​പി 25 ല​ക്ഷം രൂ​പ​യും പ്ര​മോ​ദ് നാ​രാ​യ​ണ്‍ എം​എ​ല്‍​എ 15 ല​ക്ഷം രൂ​പ​യും ത​ങ്ങ​ളു​ടെ ആ​സ്തി​വി​ക​സ​ന​ഫ​ണ്ടി​ല്‍നി​ന്നു മ്യൂ​സി​യം നി​ര്‍​മാ​ണ​ത്തി​നു ന​ല്കാ​മെ​ന്ന് വാ​ഗ്ദാ​ന​വും ന​ല്കി​യി​രു​ന്നു.

സാ​ങ്കേ​തി​ക​ത്വ​ത്തി​ല്‍ കു​ടു​ങ്ങി

മ്യൂ​സി​യം നി​ര്‍​മാ​ണ​ത്തി​നു​വേ​ണ്ടി മ​ണ്ണ് പ​രി​ശോ​ധ​ന​യും മ​റ്റു സാ​ങ്കേ​തി​ക ന​ട​പ​ടി​ക​ളും പൂ​ര്‍​ത്തീ​ക​രി​ച്ച​പ്പോ​ഴാ​ണ് മ്യൂ​സി​യ​ത്തി​ല്‍ ഒ​ന്നി​ല്‍​ക്കൂ​ടു​ത​ല്‍ വാ​ഹ​ന​ങ്ങ​ള്‍ പാ​ര്‍​ക്ക് ചെ​യ്യാ​ന്‍ സ്ഥ​ല​മി​ല്ലെ​ന്നും ഫ​യ​ര്‍ ആ​ന്‍​ഡ് സേ​ഫ്റ്റി​യു​ടെ വാ​ഹ​ന​ങ്ങ​ള്‍​ക്ക് എ​ത്താ​ന്‍ ക​ഴി​യി​ല്ലെ​ന്നും ഇ​ത്ത​രം സ്ഥാ​പ​ന​ങ്ങ​ള്‍ നി​ര്‍​മി​ക്കു​മ്പോ​ള്‍ പാ​ലി​ക്കേ​ണ്ട നി​ബ​ന്ധ​ന​ക​ള്‍ പാ​ലി​ക്കാ​തെ​യാ​ണ് പ​ദ്ധ​തി ത​യാ​റാ​ക്കി​യി​രി​ക്കു​ന്ന​തെ​ന്നും അ​തി​നാ​ല്‍ നി​ര്‍​മാ​ണ​ത്തി​നു​ള്ള അ​നു​മ​തി ന​ല്കാ​ന്‍ ക​ഴി​യി​ല്ലെ​ന്നു​മു​ള്ള നി​ല​പാ​ട് ഗ്രാ​മ​പ​ഞ്ചാ​യ​ത്ത് സെ​ക്ര​ട്ട​റി സ്വീ​ക​രി​ച്ച​ത്.

പ​ഞ്ചാ​യ​ത്തി​ലെ എ​ന്‍​ജി​നി​യ​റിം​ഗ് വി​ഭാ​ഗം ന​ട​ത്തി​യ പ​രി​ശോ​ധ​ന​യെത്തു​ട​ര്‍​ന്നു​ള്ള റി​പ്പോ​ര്‍​ട്ടി​ന്‍റെ അ​ടി​സ്ഥാ​ന​ത്തി​ലാ​ണ് സെ​ക്ര​ട്ട​റി ത​ട​സ​വാ​ദം ഉ​ന്ന​യി​ച്ച് അനുമതി നി​ഷേ​ധി​ച്ച​ത്. ഇ​തേ​ത്തു​ട​ര്‍​ന്ന് മ്യൂ​സി​യ​ത്തി​ന്‍റെ നി​ര്‍​മാ​ണ​പ്ര​വ​ര്‍​ത്ത​ന​ങ്ങ​ള്‍ സ്തം​ഭ​നാ​വ​സ്ഥ​യി​ലാ​യി. ത​ട​സ​വാ​ദം ഉ​ന്ന​യി​ച്ച സെ​ക്ര​ട്ട​റി സ്ഥ​ലം​മാ​റി​പ്പോ​യി പു​തി​യ ആ​ള്‍ വ​ന്നെ​ങ്കി​ലും നി​ല​പാ​ടി​ല്‍ മാ​റ്റ​മു​ണ്ടാ​യി​ല്ല. സ​ര്‍​ക്കാ​രി​ന്‍റെ പ്ര​ത്യേ​ക അ​നു​മ​തി വാ​ങ്ങി നി​ര്‍​മാ​ണം ന​ട​ത്താ​നു​ള്ള പ്ര​വ​ര്‍​ത്ത​ന​ങ്ങ​ളും എ​ങ്ങു​മെ​ത്തി​യി​ല്ല.

സ്വ​ന്ത​മാ​യി ഉ​ണ്ടാ​യി​രു​ന്ന ഭൂ​മി മ്യൂ​സി​യ​ത്തി​നു​വേ​ണ്ടി ക​ഥ​ക​ളി ക്ല​ബ്ബ് ഗ്രാ​മ​പ​ഞ്ചാ​യ​ത്തി​ന് സ്വ​മേ​ധ​യാ ന​ല്കു​ക​യാ​യി​രു​ന്നു. ഈ ​ഭൂ​മി തി​രി​ച്ച് ക്ല​ബ്ബിന് എ​ഴു​തി ന​ല്കാ​ന്‍ സാ​ങ്കേ​തി​ക കാ​ര​ണ​ങ്ങ​ളാ​ല്‍ പ​ഞ്ചാ​യ​ത്തി​നു ക​ഴി​യു​ക​യി​ല്ല.

ക​ഥ​ക​ളി ക്ല​ബ്ബിനും ആ​സ്ഥാ​ന​മാ​യി​ല്ല

ജി​ല്ലാ ക​ഥ​ക​ളി ക്ല​ബ്ബി​ന്‍റെ അ​ഭ്യ​ര്‍​ഥ​ന​പ്ര​കാ​രം അ​യി​രൂ​ര്‍ ഗ്രാ​മ​പ​ഞ്ചാ​യ​ത്തി​നെ ക​ഥ​ക​ളി ഗ്രാ​മം എ​ന്ന് പു​ന​ര്‍​നാ​മ​ക​ര​ണം ചെ​യ്തു​കൊ​ണ്ട് സ​ര്‍​ക്കാ​ര്‍ ഗ​സ​റ്റ് വി​ജ്ഞാ​പ​നം ഇ​റ​ക്കി​യി​ട്ടും ക​ഥ​ക​ളി ക്ല​ബ്ബിന് ആ​സ്ഥാ​ന​മ​ന്ദി​രം ഉ​ണ്ടാ​ക്കാ​നാ​യി​ട്ടി​ല്ല. ക​ഥ​ക​ളി മേ​ള അ​ട​ക്കം പ​രി​പാ​ടി​ക​ളി​ലൂ​ടെ പ്ര​വ​ര്‍​ത്ത​നം സ​ജീ​വ​മാ​ണ്. അ​യി​രൂ​ര്‍ ഗ്രാ​മ​ത്തെ ക​ഥ​ക​ളി​യു​ടെ പേ​രി​ലാ​ക്കി മാ​റ്റു​ന്ന​തി​ല്‍ ക്ല​ബ് വ​ഹി​ച്ച പ​ങ്കും വ​ലു​താ​ണ്.

നി​ല​വി​ല്‍ ഭൂ​മി​യും ന​ഷ്ട​പ്പെ​ട്ട് മ്യൂ​സി​യ​വും ഇ​ല്ലാ​താ​യി എ​ന്ന അ​വ​സ്ഥ​യി​ലാ​ണ് ക​ഥ​ക​ളി ക്ല​ബ്ബ്. ക​ഥ​ക​ളി ക്ല​ബ്ബി​ന്‍റെ ആ​സ്ഥാ​ന​മ​ന്ദി​ര​ത്തി​നു​വേ​ണ്ടി വാ​ങ്ങി​യ സ്ഥ​ലമാണ് ഗ്രാ​മ​പ​ഞ്ചാ​യ​ത്തി​നു കൈ​മാ​റി​യ​ത്. സം​സ്ഥാ​ന സ​ര്‍​ക്കാ​രി​ന്‍റെ നി​ബ​ന്ധ​ന​ക​ള്‍ പാ​ലി​ക്കാ​തെ​യാ​ണ് വാ​സ്തു​വി​ദ്യാ ഗു​രു​കു​ലം പ​ദ്ധ​തി​രേ​ഖ ത​യാ​റാ​ക്കി​യ​തെ​ന്ന വി​മ​ര്‍​ശ​ന​വും ക​ഥ​ക​ളി ആ​സ്വാ​ദ​ക​ര്‍​ക്കു​ണ്ട്.