സ്വ​പ്ന​ങ്ങ​ൾ ബാ​ക്കി​യാ​ക്കി ജോ​ബി​യു​ടെ മ​ട​ക്കം, സ​ങ്ക​ട​ക്ക​ട​ലി​ൽ ജി​നു
Saturday, June 15, 2024 4:03 AM IST
തി​രു​വ​ല്ല: സ്വ​ന്ത​മാ​യി പ​ണി​ത വീ​ടി​ന്‍റെ വെ​ഞ്ചെ​രി​പ്പും പാ​ലു​കാ​ച്ചു​മെ​ല്ലാം ഒ​രു സ്വ​പ്നം പോ​ലെ ബാ​ക്കി​യാ​ക്കി മ​ട​ങ്ങി​യ ജോ​ബി​യു​ടെ മൃ​ത​ദേ​ഹ​ത്തി​ന​രി​കി​ൽ പൊ​ട്ടി​ക്ക​ര​ഞ്ഞ് ഭാ​ര്യ ജി​നു. മേ​പ്രാ​ൽ മ​രോ​ട്ടി​മൂ​ട്ടി​ൽ തോ​മ​സ് സി. ​ഉ​മ്മ​ന്‍റെ (ജോ​ബി) മൃ​ത​ദേ​ഹം ഇ​ന്ന​ലെ തി​രു​വ​ല്ല പു​ഷ്പ​ഗി​രി മെ​ഡി​ക്ക​ൽ കോ​ള​ജി​ലെ​ത്തി​ച്ച​പ്പോ​ഴ​ത്തെ രം​ഗം ഹൃ​ദ​യ​ഭേ​ദ​ക​മാ​യി​രു​ന്നു.

പ്രി​യ​ത​മ​ന്‍റെ മൃ​ത​ദേ​ഹം വ​രു​ന്ന​തും കാ​ത്ത് ഒ​റ്റ​പ്പെ​ട്ടി​രു​ന്ന ഭാ​ര്യ ജി​നു ഏ​വ​ർ​ക്കും വേ​ദ​ന​യാ​യി മാ​റി. ഒ​ടു​വി​ൽ ആം​ബു​ല​ൻ​സ് എ​ത്തി​യ​പ്പോ​ഴേ​ക്കും ജി​നു​വി​നെ സ​മാ​ധാ​നി​പ്പി​ക്കാ​ൻ ആ​ർ​ക്കു​മാ​യി​ല്ല.

മേ​പ്രാ​ൽ പ​ടി​ഞ്ഞാ​റ് കി​ട​ങ്ങ​റ റോ​ഡ് വ​ശ​ത്ത് ജോ​ബി​യു​ടെ വീ​ട് പൂ​ർ​ത്തി​യാ​യി വ​രി​ക​യാ​ണ്. ആ​റു​മാ​സം മു​ന്പ് നാ​ട്ടി​ലെ​ത്തി മ​ട​ങ്ങി​യ​പ്പോ​ഴേ​ക്കും ഒ​ട്ടു​മി​ക്ക പ​ണി​ക​ളും പൂ​ർ​ത്തീ​ക​രി​ച്ചി​രു​ന്നു. അ​വസാ​ന പ​ണി​ക​ൾ പൂ​ർ​ത്തീ​ക​രി​ച്ച് അ​ടു​ത്ത വ​ര​വി​ന് കൂ​ദാ​ശ ന​ട​ത്താ​ൻ ഇ​രി​ക്കു​ക​യാ​യി​രു​ന്നു.

സെ​പ്റ്റം​ബ​റി​ൽ സ​ഹോ​ദ​ര​ൻ ജേ​ക്ക​ബ് സി. ​ഉ​മ്മ​നും നാ​ട്ടി​ലെ​ത്തു​ന്പോ​ൾ ഗൃ​ഹ​പ്ര​വേ​ശം ന​ട​ത്താ​നാ​യി​രു​ന്നു തീ​രു​മാ​നം. അ​പ്പോ​ഴേ​ക്കും താ​നും എ​ത്താ​മെ​ന്ന ഉ​റ​പ്പാ​ണ് ജി​നു​വി​നും ഏ​ക​മ​ക​ൾ ജ​സീ​ക്ക​യ്ക്കും ജോ​ബി ന​ൽ​കി​യി​രു​ന്ന​ത്.

മ​ക​ൾ ജ​സീ​ക്ക തി​രു​വ​ല്ല സെ​ന്‍റ് മേ​രീ​സ് പ​ബ്ലി​ക് സ്കൂ​ളി​ലെ എ​ൽ​കെ​ജി വി​ദ്യാ​ർ​ഥി​നി​യാ​ണ്. ജോ​ബി​യു​ടെ സം​സ്കാ​രം നാ​ളെ മേ​പ്രാ​ൽ സെ​ന്‍റ് ജോ​ൺ​സ് ഓ​ർ​ത്ത​ഡോ​ക്സ് പ​ള്ളി​യി​ൽ ന​ട​ക്കും.

Copyright @ 2022 , Rashtra Deepika Ltd.