അ​ലൈ​ന്‍​മെ​ന്‍റ് മാ​റ്റം നി​ഷേ​ധി​ച്ച് മ​ന്ത്രി​; നി​യ​മന​ട​പ​ടി സ്വീ​ക​രി​ക്കു​മെ​ന്ന് മു​ന്ന​റി​യി​പ്പ്
Friday, June 14, 2024 4:03 AM IST
പ​ത്ത​നം​തി​ട്ട: ഏ​ഴം​കു​ളം - കൈ​പ്പ​ട്ടൂ​ര്‍ റോ​ഡ് നി​ര്‍​മാ​ണ​ത്തി​ല്‍ കൊ​ടു​മ​ണ്‍ ഭാ​ഗ​ത്ത് അ​ലൈ​ന്‍​മെ​ന്‍റ് മാ​റ്റം ഉ​ണ്ടാ​യി​ട്ടി​ല്ലെ​ന്ന് മ​ന്ത്രി വീ​ണാ ജോ​ര്‍​ജ്. ചി​ല മാ​ധ്യ​മ​ങ്ങ​ളും പ്രാ​ദേ​ശി​ക കോ​ണ്‍​ഗ്ര​സ് നേ​താ​ക്ക​ളും ത​നി​ക്കും കു​ടും​ബ​ത്തി​നും നേ​രെ ന​ട​ത്തു​ന്ന​ത് അ​സ​ത്യ പ്ര​ചാ​ര​ണ​ങ്ങ​ളാ​ണെ​ന്ന് മ​ന്ത്രി വീ​ണാ ജോ​ര്‍​ജ് ഫേ​സ്ബു​ക്ക് കു​റി​പ്പി​ല്‍ വ്യ​ക്ത​മാ​ക്കി.

പി​ഡ​ബ്ല്യുഡി​യു​ടെ അ​ലൈ​ന്‍​മെ​ന്‍റ് ത​ന്‍റെ ഭ​ര്‍​ത്താ​വ് ഡോ.​ ജോ​ര്‍​ജ് ജോ​സ​ഫ് ഇ​ട​പെ​ട്ട് മാ​റ്റം വ​രു​ത്തി​യെ​ന്ന​ത് തീ​ര്‍​ത്തും അ​സ​ത്യ​മാ​യ പ്ര​ചാ​ര​ണ​മാ​ണെ​ന്ന് മ​ന്ത്രി വി​ശ​ദീ​ക​രി​ച്ചു. താ​ന്‍ എം​എ​ല്‍​എ ആ​കു​ന്ന​തി​നും എ​ത്ര​യോ വ​ര്‍​ഷം മു​മ്പ് തന്‍റെ ഭ​ര്‍​ത്താ​വി​ന്‍റെ ഉ​ട​മ​സ്ഥ​ത​യി​ലു​ണ്ടാ​യി​രു​ന്ന​താ​ണ് കൊ​ടു​മ​ണ്ണി​ലെ 22.5 സെ​ന്‍റ് സ്ഥ​ല​മെ​ന്ന് മ​ന്ത്രി വ്യ​ക്ത​മാ​ക്കി.

1.89 കോ​ടി രൂ​പ ബാ​ങ്ക് വാ​യ്പ​യെ​ടു​ത്താ​ണ് കെ​ട്ടി​ടം വ​ച്ച​ത്. ഇ​തി​നു മു​ന്നി​ലൂ​ടെ​യു​ള്ള ഏ​ഴം​കു​ളം - കൈ​പ്പ​ട്ടൂ​ര്‍ റോ​ഡി​ന്‍റെ നി​ര്‍​മാ​ണ​ത്തി​ന് 2020ലാ​ണ് കി​ഫ്ബി അ​നു​മ​തി ന​ല്‍​കി​യ​ത്. വി​വാ​ദ​മാ​യ സ്ഥ​ല​ത്ത് റോ​ഡി​ന്‍റെ വീ​തി 17 മീ​റ്റ​റാ​ണ്. റോ​ഡി​ന് ഇ​ത്ര​യും വീ​തി മ​റ്റൊ​രി​ട​ത്തു​മി​ല്ല.

2020ല്‍ ​കെ​ആ​ര്‍​എ​ഫ്ബി നി​ശ്ച​യി​ച്ച അ​ലൈ​ന്‍​മെ​ന്‍റിലാ​ണ് നി​ര്‍​മാ​ണം. ഇ​തി​ല്‍ ഒ​രു മാ​റ്റ​വും വ​രു​ത്തി​യി​ട്ടി​ല്ല. സ്ഥ​ല​ത്തെ അ​ലൈ​ന്‍​മെ​ന്‍റില്‍ മാ​റ്റ​മു​ണ്ടാ​യി​ട്ടി​ല്ലെ​ന്ന് ഉ​ദ്യോ​ഗ​സ്ഥ​ര്‍ രേ​ഖ​ക​ള്‍ സ​ഹി​തം വ്യ​ക്ത​മാ​ക്കു​ക​യും സ്ഥ​ലം അ​ള​ന്നു കാ​ണി​ക്കു​ക​യും ചെ​യ്തി​ട്ടും പ്രാ​ദേ​ശി​ക കോ​ണ്‍​ഗ്ര​സ് നേ​താ​ക്ക​ള്‍ സ്ഥ​ല​ത്തു കൊ​ടി നാ​ട്ടു​ക​യാ​യി​രു​ന്നു.

അ​ലൈ​ന്‍​മെ​ന്‍റ് മാ​റ്റിയെന്ന് ​അ​പ​കീ​ര്‍​ത്തി​പ്പെ​ടു​ത്തി​യ​തി​നെ​തി​രേ മാ​ന​ന​ഷ്ട​ക്കേ​സ് ന​ല്‍​കു​മെ​ന്നും മ​ന്ത്രി​യു​ടെ കു​റി​പ്പി​ല്‍ പ​റ​യു​ന്നു.റോ​ഡി​നോ​ടു ചേ​ര്‍​ന്ന് എ​തി​ര്‍​വ​ശ​ത്തു​ള്ള കോ​ണ്‍​ഗ്ര​സ് ഓ​ഫീ​സ് പു​റ​മ്പോ​ക്കി​ലാ​ണെ​ന്നും ഇ​വി​ടെ റോ​ഡി​നു 14 മീ​റ്റ​ര്‍ മാ​ത്ര​മേ വീ​തി​യു​ള്ളൂ​വെ​ന്നും മ​ന്ത്രി​യു​ടെ കു​റി​പ്പി​ല്‍ പ​റ​യു​ന്നു.

കോ​ണ്‍​ഗ്ര​സ് ഓ​ഫീ​സി​നെ സം​ര​ക്ഷി​ക്കാ​ന്‍ ത​ന്നെ‍യും ഭ​ര്‍​ത്താ​വി​നെ​യും വി​വാ​ദ​ത്തി​ലേ​ക്കു വ​ലി​ച്ചി​ഴ​ച്ച് അ​പ​മാ​നി​ക്കാ​ന്‍ ചി​ല​ര്‍ ശ്ര​മി​ച്ച​താ​യും മ​ന്ത്രി​യു​ടെ കു​റി​പ്പി​ല്‍ പ​റ​യു​ന്നു. റോ​ഡി​നു സ​മീ​പ​ത്തു​ള്ള മു​ഴു​വ​ന്‍ പു​റ​മ്പോ​ക്കു​ക​ളും അ​ള​ക്കു​ക​യും ഒ​ഴി​പ്പി​ക്കു​ക​യും വേ​ണ​മെ​ന്നും വീ​ണാ ജോ​ര്‍​ജ് ഫേ​സ്ബു​ക്ക് കു​റി​പ്പി​ലൂ​ടെ ആ​വ​ശ്യ​പ്പെ​ട്ടി​ട്ടു​ണ്ട്.

Copyright @ 2022 , Rashtra Deepika Ltd.