കു​വൈ​റ്റ് ദു​ര​ന്തം പ​ത്ത​നം​തി​ട്ട​യ്ക്കു തേ​ങ്ങ​ലാ​യി
Friday, June 14, 2024 4:03 AM IST
പ​ത്ത​നം​തി​ട്ട: കു​വൈ​റ്റ് ദു​ര​ന്തം പ​ത്ത​നം​തി​ട്ട​യെ അ​ക്ഷ​രാ​ർ​ഥ​ത്തി​ൽ ദുഃ​ഖ​സാ​ന്ദ്ര​മാ​ക്കി. ജി​ല്ല​യി​ൽനി​ന്നു​ള്ള ആ​റു​പേ​രു​ടെ മ​ര​ണ​മാ​ണ് ഇ​തേ​വ​രെ സ്ഥി​രീ​ക​രി​ച്ചി​രി​ക്കു​ന്ന​ത്. ഇ​തി​ലൊ​രാ​ൾ നി​ല​വി​ൽ ആ​ല​പ്പു​ഴ ജി​ല്ല​യി​ലെ പാ​ണ്ട​നാ​ട്ടാ​ണ് താ​മ​സ​മെ​ങ്കി​ലും നി​ര​ണം സ്വ​ദേ​ശി​യാ​യ ഇ​ദ്ദേ​ഹ​ത്തി​ന്‍റെ കു​ടും​ബ​ബ​ന്ധം പ​ത്ത​നം​തി​ട്ട​യി​ലാ​ണ്.

ജി​ല്ല​ക്കാ​രാ​യ നി​ര​വ​ധി​യാ​ളു​ക​ൾ തീ​പി​ടി​ത്ത​ത്തി​ൽ പൊ​ള്ള​ലേ​റ്റും വീ​ഴ്ച​യി​ലും മ​റ്റും പ​രി​ക്കേ​റ്റും ചി​കി​ത്സ​യി​ലു​ണ്ട്. പ​ത്ത​നം​തി​ട്ട സ്വ​ദേ​ശി​ക​ളാ​യ നി​ര​വ​ധി​യാ​ളു​ക​ൾ ജോ​ലി ചെ​യ്തി​രു​ന്ന സ്ഥാ​പ​ന​മാ​ണ് എ​ൻ​ബി​ടി​സി ക​ന്പ​നി. ഇ​വ​ർ താ​മ​സി​ച്ചി​രു​ന്ന ഫ്ലാ​റ്റി​ലാ​ണ് തീ​പി​ടി​ത്ത​മു​ണ്ടാ​യ​ത്.

തി​രു​വ​ല്ല മേ​പ്രാ​ൽ സ്വ​ദേ​ശി തോ​മ​സ് സി. ​ഉ​മ്മ​ൻ (ജോ​ബി, 37), മ​ല്ല​പ്പ​ള്ളി കീ​ഴ് വാ​യ്പൂ​ര് തേ​വ​രോ​ട്ട് സി​ബി​ൻ ടി. ​ഏ​ബ്ര​ഹാം (31), നി​ര​ണം സ്വ​ദേ​ശി മാ​ത്യു ജോ​ർ​ജ് (54), പ​ന്ത​ളം ഐ​രാ​ണി​ക്കു​ഴി ശോ​ഭാ​ല​യ​ത്തി​ൽ ആ​കാ​ശ് എ​സ്. നാ​യ​ര്‍ (31) കോ​ന്നി അ​ട്ട​ച്ചാ​ക്ക​ല്‍ ചെ​ന്ന​ശേ​രി​ൽ സ​ജു വ​ര്‍​ഗീ​സ് (56),

വാ​ഴ​മു​ട്ടം പു​ളി​നി​ൽ​ക്കു​ന്ന​തി​ൽ വ​ട​ക്കേ​തി​ൽ പി.​വി. മു​ര​ളീ​ധ​ര​ന്‍ നാ​യ​ർ (61) എ​ന്നി​വ​രു​ടെ മ​ര​ണ​മാ​ണ് ഇ​തേ​വ​രെ സ്ഥി​രീ​ക​രി​ക്ക​പ്പെ​ട്ടി​ട്ടു​ള്ള​ത്. മ​ന്ത്രി വീ​ണാ ജോ​ർ​ജ് പ​ന്ത​ള​ത്ത് ആ​കാ​ശി​ന്‍റെ വീ​ട് സ​ന്ദ​ർ​ശി​ച്ച് അ​നു​ശോ​ച​നം അ​റി​യി​ച്ചു.

ജി​ല്ലാ ക​ള​ക്ട​ർ എ​സ്. പ്രേം ​കൃ​ഷ്ണ​ൻ വൈ​കു​ന്നേ​രം എ​ല്ലാ വീ​ടു​ക​ളി​ലും എ​ത്തി. സ​ർ​ക്കാ​രു​മാ​യി ബ​ന്ധ​പ്പെ​ട്ട ന​ട​പ​ടി​ക്ര​മ​ങ്ങ​ൾ വേ​ഗ​ത്തി​ൽ നീ​ങ്ങു​ക​യാ​ണെ​ന്ന് ക​ള​ക്ട​ർ പ​റ​ഞ്ഞു. സാ​ന്ത്വ​ന വാ​ക്കു​ക​ളു​മാ​യി ജ​ന​പ്ര​തി​നി​ധി​ക​ള​ട​ക്കം നി​ര​വ​ധി​യാ​ളു​ക​ൾ എ​ത്തി​യെ​ങ്കി​ലും പ്രി​യ​പ്പെ​ട്ട​വ​രെ ന​ഷ്ട​മാ​യ കു​ടും​ബ​ങ്ങ​ൾ​ക്ക് ഇ​തൊ​ങ്ങും മ​തി​യാ​കു​ന്ന​വ​യാ​യി​രു​ന്നി​ല്ല.

മ​രി​ച്ച​വ​രു​ടെ കു​ടും​ബാം​ഗ​ങ്ങ​ൾ​ക്കൊ​പ്പം ദുഃ​ഖം പ​ങ്കി​ട്ട് ബ​ന്ധു​ക്ക​ളും നാ​ട്ടു​കാ​രും സു​ഹൃ​ത്തു​ക്ക​ളു​മെ​ല്ലാം എ​ല്ലാ വീ​ടു​ക​ളി​ലും ഒ​ത്തു​കൂ​ടി.

ന​ട​പ​ടി​ക​ൾ വേ​ഗ​ത്തി​ലാ​ക്കാ​ൻ അ​ഭ്യ​ർ​ഥി​ച്ച​താ​യി ആ​ന്‍റോ ആ​ന്‍റ​ണി എംപി

മ​ല്ല​പ്പ​ള്ളി: കു​വൈ​റ്റ് ദു​ര​ന്ത​ത്തെത്തു​ട​ർ​ന്ന് ദുഃ​ഖ​ത്തി​ലാ​യ കു​ടും​ബ​ങ്ങ​ൾ​ക്ക് സാ​ധ്യ​മാ​യ എ​ല്ലാ സ​ഹാ​യ​വും വേ​ഗ​ത്തി​ൽ ല​ഭ്യ​മാ​ക്കാ​നും മ​രി​ച്ച​വ​രു​ടെ മൃ​ത​ദേ​ഹ​ങ്ങ​ൾ വേ​ഗ​ത്തി​ൽ നാ​ട്ടി​ലെ​ത്തി​ക്കാ​നും കേ​ന്ദ്ര സ​ർ​ക്കാ​രി​നോ​ട് അ​ഭ്യ​ർ​ഥി​ച്ച​താ​യി ആ​ന്‍റോ ആ​ന്‍റ​ണി എം​പി. കു​വൈ​റ്റ് ദു​ര​ന്ത​ത്തി​ൽ മ​രി​ച്ച കീ​ഴ്‌വായ്പൂ​ര് സ്വ​ദേ​ശി സി​ബി​ൻ ടി. ​ഏ​ബ്ര​ഹാ​മി​ന്‍റെ ഭ​വ​ന​ത്തി​ൽ സ​ന്ദ​ർ​ശ​ന​ത്തി​യ​താ​യി​രു​ന്നു എം​പി.

സി​ബി​ന്‍റെ പി​താ​വി​നെ​യും ഭാ​ര്യ​യും കു​ടും​ബാം​ഗ​ങ്ങ​ളെ​യും ആ​ശ്വ​സി​പ്പി​ച്ചു. രാ​ജ്യ​സ​ഭ മു​ൻ ഉ​പാ​ധ്യ​ക്ഷ​ൻ പ്ര​ഫ.​പി.​ജെ. കു​ര്യ​ൻ, മു​ൻ എം​എ​ൽ​എ ജോ​സ​ഫ് എം.​പു​തു​ശേ​രി, യു​ഡി​എ​ഫ് ജി​ല്ലാ ചെ​യ​ർ​മാ​ൻ വ​ർ​ഗീ​സ് മാ​മ്മ​ൻ, വി​വി​ധ രാ​ഷ്ട്രീ​യ​ക​ക്ഷി നേ​താ​ക്ക​ളാ​യ കു​ഞ്ഞു​കോ​ശി പോ​ൾ, എ​ബി മേ​ക്ക​രി​ങ്ങാ​ട്ട് , ബെ​ൻ​സി അ​ല​ക്സ്, സു​ഭാ​ഷ് കു​മാ​ർ, കെ.​ജി. സാ​ബു തു​ട​ങ്ങി​യ​വ​രും എം​പി​ക്കൊ​പ്പ​മു​ണ്ടാ​യി​രു​ന്നു.

സി​ബി​ന്‍റെ പി​താ​വ് 18 വ​ർ​ഷം കു​വൈ​റ്റി​ൽ ജോ​ലി നോ​ക്കി​യ​ശേ​ഷം ഇ​പ്പോ​ൾ നാ​ട്ടി​ലു​ണ്ട്. ഏ​ക സ​ഹോ​ദ​രി ഷീ​ബ ന​ഴ്സാ​യി കു​വൈ​റ്റി​ൽ കു​ടും​ബ​സ​മേ​തം നാ​ലു​വ​ർ​ഷ​മാ​യി താ​മ​സി​ച്ചു വ​രി​ക​യാ​ണ്.

Copyright @ 2022 , Rashtra Deepika Ltd.