തൊ​ഴി​ലു​റ​പ്പ് പ​ദ്ധ​തി​യി​ൽ ആറായിരം തെ​ങ്ങി​ൻ തൈ​ക​ൾ ഉ​ത്പാ​ദി​പ്പി​ച്ചു
Thursday, June 13, 2024 4:31 AM IST
പ​ത്ത​നം​തി​ട്ട: ഓ​മ​ല്ലൂ​ർ ഗ്രാ​മ​പ​ഞ്ചാ​യ​ത്തി​ലെ തൊ​ഴി​ലു​റ​പ്പ് പ​ദ്ധ​തി​യി​ൽ ഉ​ൾ​പ്പെ​ടു​ത്തി 6,000 തെ​ങ്ങി​ൻ തൈ​ക​ൾ ഉ​ത്പാ​ദി​പ്പി​ച്ചു വി​ത​ര​ണം ന​ട​ത്തി. ലോ​ക പ​രി​സ്ഥി​തി​ദി​ന​ത്തോ​ട​നു​ബ​ന്ധി​ച്ചാ​ണ് തെ​ങ്ങി​ൻ​തൈ​ക​ളു​ടെ വി​ത​ര​ണം ന​ട​ന്ന​ത്. മ​ണ്ണാ​റ​മ​ല, പൈ​വ​ള്ളി, മ​ഞ്ഞ​നി​ക്ക​ര വാ​ർ​ഡു​ക​ളി​ലാ​യാ​ണ് തൊ​ഴി​ലു​റ​പ്പ് തൊ​ഴി​ലാ​ളി​ക​ൾ തെ​ങ്ങി​ൻ​തൈ​ക​ൾ ഉ​ത്പാ​ദി​പ്പി​ച്ച​ത്.

ഓ​രോ വാ​ർ​ഡി​ലും 331 തൈ​ക​ൾ വീ​ത​മാ​ണ് ന​ൽ​കു​ന്ന​ത്. ഗു​ണ​ഭോ​ക്താ​ക്ക​ൾ​ക്ക് തൊ​ഴി​ലു​റ​പ്പ് തൊ​ഴി​ലാ​ളി​ക​ൾ ത​ന്നെ ന​ട്ടു ന​ൽ​കും. പ​ത്തു​മാ​സം കൊ​ണ്ടാ​ണ് കു​റ്റ്യാ​ടി ഇ​ന​ത്തി​ൽ​പ്പെ​ട്ട തെ​ങ്ങിൻ തൈ​ക​ൾ വി​ക​സി​പ്പി​ച്ചെ​ടു​ത്ത​ത്. ഇ​തി​ലൂ​ടെ 30 തൊ​ഴി​ലാ​ളി​ക​ൾ​ക്കു നൂ​റ് തൊ​ഴി​ൽ​ദി​ന​ങ്ങ​ൾ പൂ​ർ​ത്തീ​ക​രി​ക്കാ​നു​മാ​യി. ഒ​രു ദി​വ​സം ഒ​രു തൊ​ഴി​ലാ​ളി ര​ണ്ടു തെ​ങ്ങി​ൻ തൈ​ക​ൾ വീ​ത​മാ​ണ് ന​ടേ​ണ്ട​ത്.

തൈ​ക​ളു​ടെ വി​ത​ര​ണോ​ദ്ഘാ​ട​നം ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റ് ജോ​ൺ​സ​ൺ വി​ള​വി​നാ​ൽ നി​ർ​വ​ഹി​ച്ചു. മ​ണ്ണാ​റ​മ​ല​യി​ൽ ന​ട​ന്ന ച​ട​ങ്ങി​ൽ വാ​ർ​ഡു​ത​ല ന​ടീ​ൽ ഉ​ദ്ഘാ​ട​നം ഇ​ല​ന്തൂ​ർ ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്‍റ് ജെ. ​ഇ​ന്ദി​രാ​ദേ​വി, പ​ഞ്ചാ​യ​ത്തം​ഗം ജി. ​സു​രേ​ഷ്കു​മാ​ർ എ​ന്നി​വ​ർ നി​ർ​വ​ഹി​ച്ചു.

വാ​ർ​ഡ് മെം​ബ​ർ​മാ​രാ​യ അ​ന്ന​മ്മ, എം.​ആ​ർ. അ​നി​ൽകു​മാ​ർ, സെ​ക്ര​ട്ട​റി ടി. ​ര​ഞ്ജി​മ, കു​ടും​ബ​ശ്രീ വൈ​സ് ചെ​യ​ർ​പേ​ഴ്സ​ൺ പി.​എ​സ്. മ​ണി​യ​മ്മ, സി​ഡി​എ​സ് മെം​ബ​ർ ശോ​ഭ​ന രാ​ജു തു​ട​ങ്ങി​യ​വ​ർ പ​ങ്കെ​ടു​ത്തു.

Copyright @ 2022 , Rashtra Deepika Ltd.