കാ​സ​ര്‍​ഗോ​ഡ്: സാ​മാ​ന്യം ന​ല്ലൊ​രു മ​ഴ ക​ഴി​ഞ്ഞ​യു​ട​ന്‍ കാ​സ​ര്‍​ഗോ​ഡ്-​കാ​ഞ്ഞ​ങ്ങാ​ട് സം​സ്ഥാ​ന​പാ​ത​യി​ല്‍ അ​ങ്ങി​ങ്ങാ​യി രൂ​പ​പ്പെ​ട്ട കു​ഴി​ക​ള്‍ അ​പ​ക​ട​ഭീ​ഷ​ണി​യാ​കു​മെ​ന്ന് പ​ല​രും ചൂ​ണ്ടി​ക്കാ​ട്ടി​യി​ട്ടും, ക​ണ്ണ​ട​ച്ച പൊ​തു​മ​രാ​മ​ത്ത് വ​കു​പ്പ് അ​ധി​കൃ​ത​ര്‍ ക​ഴി​ഞ്ഞ ദി​വ​സം ഒ​രു വി​ദ്യാ​ര്‍​ഥി​നി​യു​ടെ മ​ര​ണ​ത്തി​നി​ട​യാ​ക്കി​യ അ​പ​ക​ട​ത്തി​നു പി​ന്നാ​ലെ കു​ഴി​ക​ള്‍ അ​ടി​യ​ന്തര​മാ​യി മ​ണ്ണും ജി​ല്ലി​യു​മി​ട്ട് നി​ക​ത്തി.

ച​ന്ദ്ര​ഗി​രി​പ്പാ​ലം ക​ട​ന്ന് കാ​സ​ര്‍​ഗോ​ഡ് ന​ഗ​ര​ത്തി​നു സ​മീ​പ​ത്തെ ആ​ഴ​മേ​റി​യ കു​ഴി​യി​ല്‍ ബൈ​ക്ക് നി​യ​ന്ത്ര​ണം​വി​ട്ടു മ​റി​ഞ്ഞു​ണ്ടാ​യ അ​പ​ക​ട​ത്തി​ലാ​ണ് മ​ണി​പ്പാ​ല്‍ സ​ര്‍​വ​ക​ലാ​ശാ​ല​യി​ലെ ബി​കോം വി​ദ്യാ​ര്‍​ഥി​നി ക​ണ്ണൂ​ര്‍ സ്വ​ദേ​ശി​നി​യാ​യ ശി​വാ​നി ബാ​ലി​ഗ (20) മ​രി​ച്ച​ത്. ഞാ​യ​റാ​ഴ്ച വൈ​കു​ന്നേ​രം ഏ​ഴോ​ടെ​യാ​യി​രു​ന്നു അ​പ​ക​ടം.

ഇ​തി​നു​ശേ​ഷ​വും തി​ങ്ക​ളാ​ഴ്ച ഉ​ച്ച​വ​രെ ഇ​തേ റോ​ഡി​ല്‍ എ​ട്ട് ഇ​രു​ച​ക്ര​വാ​ഹ​ന​ങ്ങ​ള്‍ ചെ​റി​യ അ​പ​ക​ട​ങ്ങ​ളി​ല്‍ പെ​ട്ടി​രു​ന്നു. മം​ഗ​ളൂ​രു​വി​ലെ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ചി​രു​ന്ന പെ​ണ്‍​കു​ട്ടി മ​ര​ണ​പ്പെ​ട്ട വാ​ര്‍​ത്ത ഉ​ച്ച​യോ​ടെ അ​റി​ഞ്ഞ​തി​നു പി​ന്നാ​ലെ​യാ​ണ് പൊ​തു​മ​രാ​മ​ത്ത് അ​ധി​കൃ​ത​ര്‍ കു​തി​ച്ചെ​ത്തി കു​ഴി​ക​ള്‍ നി​ക​ത്തി​യ​ത്. അ​ടി​യി​ല്‍ മ​ണ്ണും മു​ക​ളി​ല്‍ ബേ​ബി ജി​ല്ലി​യും നി​റ​ച്ച് നി​ക​ത്തി​യ കു​ഴി​ക​ള്‍ മ​ഴ മാ​റി​നി​ന്നാ​ലു​ട​ന്‍ ടാ​റി​ട്ടു മൂ​ടാ​നാ​ണ് തീ​രു​മാ​നം.

പ​ക്ഷേ അ​തി​ന് ഒ​രു ജീ​വ​ന്‍ വി​ല​യാ​യി ന​ല്കേ​ണ്ടി​വ​ന്നെ​ന്നു മാ​ത്രം. നി​ക​ത്തി​യ കു​ഴി​യു​ടെ ഒ​രു വ​ശ​ത്ത് അ​നാ​ഥ​മാ​യി വീ​ണു​കി​ട​ക്കു​ന്ന പെ​ണ്‍​കു​ട്ടി​യു​ടെ ചെ​രി​പ്പു​ക​ളും വെ​ള്ള​ക്കു​പ്പി​യും യാ​ത്ര​ക്കാ​ര്‍​ക്ക് സ​ങ്ക​ട​ക്കാ​ഴ്ച​യാ​യി.