ഉ​ദു​മ: സൗ​ജ​ന്യ​മാ​യി സാ​ധ​ന​ങ്ങ​ള്‍ ന​ല്‍​കാ​ന്‍ വി​സ​മ്മ​തി​ച്ച​തി​ന്‍റെ വൈ​രാ​ഗ്യ​ത്തി​ല്‍ ഫ്‌​ളോ​ര്‍ മി​ല്‍ അ​ടി​ച്ചു​ത​ക​ര്‍​ക്കു​ക​യും ക​ട​യു​ട​മ​യ്ക്കും ജീ​വ​ന​ക്കാ​ര​നും നേ​രെ ഗു​ണ്ടാ ആ​ക്ര​മ​ണം ന​ട​ത്തു​ക​യും ചെ​യ്ത​താ​യി പ​രാ​തി.
പാ​ല​ക്കു​ന്ന് തി​രു​വ​ക്കോ​ളി​യി​ല്‍ ഫ്ലോ​ര്‍ മി​ല്‍ ന​ട​ത്തു​ന്ന ഷൈ​ന്‍ (44), ജീ​വ​ന​ക്കാ​ര​ന്‍ മ​നോ​ഹ​ര​ന്‍ (36) എ​ന്നി​വ​രെ​യാ​ണ് ക്രൂ​ര​മാ​യി ത​ല്ലി​ച്ച​ത​ച്ച​തെ​ന്നാ​ണ് പ​രാ​തി. ക​ഴി​ഞ്ഞ ദി​വ​സം ഉ​ച്ച​യോ​ടെ​യാ​ണ് സം​ഭ​വം. മ​ര്‍​ദ​ന​ത്തി​ന്‍റെ വീ​ഡി​യോ പു​റ​ത്തു​വ​ന്ന​തോ​ടെ വി.​വി.​സ​ജി​ത്ത് (27), സ​ര്‍​ഷി​ല്‍ ഹ​ര്‍​ഷി​ത് (22), പി.​കി​ര​ണ്‍​കു​മാ​ര്‍ (30) എ​ന്നി​വ​രെ ബേ​ക്ക​ല്‍ ഇ​ന്‍​സ്‌​പെ​ക്ട​ര്‍ യു.​പി.​വി​പി​നും സം​ഘ​വും അ​റ​സ്റ്റ് ചെ​യ്തു.
ഫ്ളോ​ര്‍ മി​ല്ലി​ലെ സാ​ധ​ങ്ങ​ള്‍ പ്ര​തി​ക​ള്‍​ക്ക് സൗ​ജ​ന്യ​മാ​യി കൊ​ടു​ക്കാ​ത്ത​തി​ന്‍റെ പേ​രി​ല്‍ പ്ര​തി​ക​ള്‍ കൈ​കൊ​ണ്ടും ഫൈ​ബ​ര്‍ ക​സേ​ര കൊ​ണ്ടും ക്രൂ​ര​മാ​യി ആ​ക്ര​മി​ക്കു​ക​യാ​യി​രു​ന്നു​വെ​ന്നാ​ണ് കേ​സ്. ഫ്‌​ളോ​ര്‍ മി​ല്‍ ത​ല്ലി​ത്ത​ക​ര്‍​ത്ത​തിനെ തുടർന്ന് 35,000 രൂ​പ​യു​ടെ ന​ഷ്ടം ക​ണ​ക്കാ​ക്കു​ന്നു​വെ​ന്ന് ഉ​ട​മ പ​റ​ഞ്ഞു. ഷൈ​നി​ന്‍റെ ഭാ​ര്യ​യു​ടെ പ​രാ​തി​യി​ലാ​ണ് ബേ​ക്ക​ല്‍ പൊ​ലീ​സ് കേ​സെ​ടു​ത്ത​ത്. പ​രി​ക്കേ​റ്റ ഷൈ​നും മ​നോ​ഹ​ര​നും കാ​സ​ര്‍​ഗോ​ഡ് ജ​ന​റ​ല്‍ ആ​ശു​പ​ത്രി​യി​ല്‍ ചി​കി​ത്സ തേ​ടി. പ്ര​തി​ക​ള്‍​ക്കെ​തി​രേ ന​ര​ഹ​ത്യശ്ര​മ​മ​ട​ക്കം ജാ​മ്യ​മി​ല്ലാ വ​കു​പ്പ് പ്ര​കാ​ര​മാ​ണ് കേ​സ് ര​ജി​സ്റ്റ​ര്‍ ചെ​യ്ത​ത്.