ആ​ർ​ദ്ര കേ​ര​ളം പു​ര​സ്‌​കാ​രം : സം​സ്ഥാ​ന​ത​ല​ത്തി​ൽ ര​ണ്ടാ​മ​താ​യി കണ്ണൂർ ജി​ല്ലാ പ​ഞ്ചാ​യ​ത്ത്
Tuesday, August 13, 2024 1:48 AM IST
ക​ണ്ണൂ​ർ: ആ​രോ​ഗ്യ മേ​ഖ​ല​യി​ൽ മി​ക​ച്ച പ്ര​വ​ർ​ത്ത​ന​ങ്ങ​ൾ ന​ട​ത്തി​യ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ൾ​ക്കു​ള്ള 2022-23 ലെ ​ആ​ർ​ദ്ര കേ​ര​ളം പു​ര​സ്‌​കാ​ര​ത്തി​ൽ മി​ക​ച്ച നേ​ട്ട​വു​മാ​യി ക​ണ്ണൂ​ർ ജി​ല്ലാ പ​ഞ്ചാ​യ​ത്ത്.

ജി​ല്ലാ പ​ഞ്ചാ​യ​ത്തു​ക​ളു​ടെ വി​ഭാ​ഗ​ത്തി​ൽ സം​സ്ഥാ​ന​ത​ല​ത്തി​ൽ ര​ണ്ടാം സ്ഥാ​ന​മാ​ണ് ക​ണ്ണൂ​ർ നേ​ടി​യ​ത്. അ​ഞ്ചു​ല​ക്ഷം രൂ​പ​യാ​ണ് സ​മ്മാ​ന തു​ക. ജി​ല്ലാ​ത​ല​ത്തി​ൽ പ​ഞ്ചാ​യ​ത്ത് വി​ഭാ​ഗ​ത്തി​ൽ ക​തി​രൂ​ർ പ​ഞ്ചാ​യ​ത്ത് ഒ​ന്നാം​സ്ഥാ​നം ക​ര​സ്ഥ​മാ​ക്കി. ര​ണ്ടാം​സ്ഥാ​നം കോ​ട്ട​യം പ​ഞ്ചാ​യ​ത്തും (മൂ​ന്നു ല​ക്ഷം) മൂ​ന്നാം സ്ഥാ​നം അ​ഞ്ച​ര​ക്ക​ണ്ടി പ​ഞ്ചാ​യ​ത്തും (ര​ണ്ടു ല​ക്ഷം) നേ​ടി.

ആ​രോ​ഗ്യ വ​കു​പ്പി​ന്‍റെ പ​ങ്കാ​ളി​ത്ത​ത്തോ​ടെ ത​ദ്ദേ​ശ സ്വ​യം​ഭ​ര​ണ സ്ഥാ​പ​ന​ങ്ങ​ളു​ടെ നേ​തൃ​ത്വ​ത്തി​ൽ ആ​വി​ഷ്‌​ക​രി​ച്ച് ന​ട​പ്പി​ലാ​ക്കി വ​രു​ന്ന സ​മ​ഗ്ര ആ​രോ​ഗ്യ പ​ദ്ധ​തി ന​ട​ത്തി​പ്പ് സം​ബ​ന്ധി​ച്ച പ്ര​വ​ർ​ത്ത​ന​ത്തി​നാ​ണ് അ​വാ​ർ​ഡ്.


ക​ണ്ണൂ​ർ ജി​ല്ലാ പ​ഞ്ചാ​യ​ത്തി​ന് ല​ഭി​ക്കു​ന്ന നാ​ലാ​മ​ത്തെ സം​സ്ഥാ​ന പു​ര​സ്‌​കാ​ര​മാ​ണി​ത്. ഏ​റ്റ​വും മി​ക​ച്ച ജി​ല്ലാ പ​ഞ്ചാ​യ​ത്തി​നു​ള്ള സ്വ​രാ​ജ് ട്രോ​ഫി, ഏ​റ്റ​വും മി​ക​ച്ച വ​യോ​ജ​ന പ​ദ്ധ​തി ന​ട​പ്പി​ലാ​ക്കി​യ​തി​ന് സം​സ്ഥാ​ന​ത്ത് ഒ​ന്നാം സ്ഥാ​നം, ഭി​ന്ന​ശേ​ഷി മേ​ഖേ​ല​യി​ൽ ഏ​റ്റ​വും മി​ക​ച്ച പ​ദ്ധ​തി ന​ട​പ്പി​ലാ​ക്കി​യ​തി​ന് സാ​മൂ​ഹ്യ​നീ​തി വ​കു​പ്പി​ന്‍റെ സം​സ്ഥാ​ന​ത​ല പു​ര​സ്‌​കാ​രം എ​ന്നി​വ​യാ​ണ് ഇ​തി​നു മു​മ്പ് ക​ണ്ണൂ​ർ ജി​ല്ലാ പ​ഞ്ചാ​യ​ത്ത് സ്വ​ന്ത​മാ​ക്കി​യ​ത്.