കൂ​രാ​ച്ചു​ണ്ട്: പ​ഞ്ചാ​യ​ത്ത് പ്ര​സി​ഡ​ന്‍റ് പു​റ​ത്താ​യ സം​ഭ​വ​ത്തി​ൽ ജി​ല്ലാ കോ​ൺ​ഗ്ര​സ് ക​മ്മി​റ്റി​യെ​ടു​ത്ത തീ​രു​മാ​ന​ത്തി​ൽ കൂ​രാ​ച്ചു​ണ്ടി​ലെ കോ​ൺ​ഗ്ര​സി​ൽ പ്ര​തി​ഷേ​ധം. മു​സ്ലീം ലീ​ഗ് - എ​ൽ​ഡി​എ​ഫ് അ​വി​ശ്വാ​സ പ്ര​മേ​യ​ത്തെ അ​നു​കൂ​ലി​ച്ച് വോ​ട്ട് ചെ​യ്യ​ണ​മെ​ന്ന് ആ​വ​ശ്യ​പ്പെ​ട്ട് കോ​ൺ​ഗ്ര​സി​ലെ അ​ഞ്ച് അം​ഗ​ങ്ങ​ൾ​ക്ക് ജി​ല്ലാ കോ​ൺ​ഗ്ര​സ് പ്ര​സി​ഡ​ന്‍റ് വി​പ്പ് ന​ൽ​കി​യ​ത് വേ​ദ​നാ​ജ​ന​ക​മാ​ണ്. ഈ ​വി​ഷ​യ​ത്തി​ൽ മ​ണ്ഡ​ലം ഭാ​ര​വാ​ഹി​ക​ളി​ലും പ്ര​വ​ർ​ത്ത​ക​ർ​ക്കി​ട​യി​ലും പ്ര​തി​ഷേ​ധ​മു​യ​ർ​ന്നി​രു​ന്നു.

പു​തി​യ പ​ഞ്ചാ​യ​ത്ത് പ്ര​സി​ഡ​ന്‍റി​നെ തെ​ര​ഞ്ഞെ​ടു​ക്കാ​നി​രി​ക്കെ കോ​ൺ​ഗ്ര​സി​ലെ പ്ര​ശ്ന​ങ്ങ​ൾ​ക്ക് പ​രി​ഹാ​രം കാ​ണാ​ൻ ഡി​സി​സി ത​യാ​റാ​കു​ന്നി​ല്ലെ​ന്ന് കൂ​രാ​ച്ചു​ണ്ട് കോ​ൺ​ഗ്ര​സ് മ​ണ്ഡ​ലം ഭാ​ര​വാ​ഹി​ക​ൾ വാ​ർ​ത്താ സ​മ്മേ​ള​ന​ത്തി​ൽ ആ​രോ​പി​ച്ചു.

പാ​ർ​ട്ടി​യു​ടെ മു​ഴു​വ​ൻ സ​മ​യ പ്ര​വ​ർ​ത്ത​ക​രാ​യ മ​ണ്ഡ​ലം പ്ര​സി​ഡ​ന്‍റ് ജോ​ൺ​സ​ൺ താ​ന്നി​ക്ക​ലി​നെ​യും പ​ഞ്ചാ​യ​ത്ത് പ്ര​സി​ഡ​ന്‍റാ​യി​രു​ന്ന പോ​ളി കാ​ര​ക്ക​ട​യെ​യും പാ​ർ​ട്ടി​യി​ൽ നി​ന്നും സ​സ്പെ​ൻ​ഡ് ചെ​യ്ത ഡി​സി​സി​യു​ടെ ന​ട​പ​ടി​യി​ൽ അ​ന്വേ​ഷ​ണം ന​ട​ത്തി ശ​ക്ത​മാ​യ നി​ല​പാ​ട് സ്വീ​ക​രി​ക്ക​ണ​മെ​ന്നും പ​ഞ്ചാ​യ​ത്ത് പ്ര​സി​ഡ​ന്‍റ് പ​ദ​വി മു​സ്ലീം ലീ​ഗി​ന് ന​ൽ​കാ​ൻ ക​ഴി​യി​ല്ലെ​ന്നും അ​റി​യി​ച്ചു.

ഇ​ക്കാ​ര്യ​ങ്ങ​ൾ സൂ​ചി​പ്പി​ച്ച് പ​ഞ്ചാ​യ​ത്തി​ലെ 9 കോ​ൺ​ഗ്ര​സ് വാ​ർ​ഡ് പ്ര​സി​ഡ​ന്‍റു​മാ​രും 6 മ​ണ്ഡ​ലം ഭാ​ര​വാ​ഹി​ക​ളും, പോ​ക്ഷ​ക സം​ഘ​ട​നാ ഭാ​ര​വാ​ഹി​ക​ളും ഒ​പ്പി​ട്ടു​ള്ള പ​രാ​തി കെ​പി​സി​സി പ്ര​സി​ഡ​ന്‍റി​ന് ന​ൽ​കി​യ​താ​യും നേ​താ​ക്ക​ൾ പ​റ​ഞ്ഞു.

ഈ ​വി​ഷ​യ​ത്തി​ൽ മു​സ്ലീം ജി​ല്ലാ നേ​തൃ​ത്വം ജി​ല്ലാ കോ​ൺ​ഗ്ര​സ് നേ​തൃ​ത്വ​ത്തി​ൽ സ്വാ​ധീ​നം ചെ​ലു​ത്തി​യു​ണ്ടാ​ക്കി​യ വ്യാ​ജ എ​ഗ്രി​മെ​ന്‍റി​ന്‍റെ മ​റ​വി​ൽ കൂ​രാ​ച്ചു​ണ്ടി​ലെ കോ​ൺ​ഗ്ര​സി​നെ ഇ​ല്ലാ​യ്മ ചെ​യ്യാ​ൻ ന​ട​ത്തു​ന്ന ശ്ര​മ​ത്തെ കെ​പി​സി​സി ഗൗ​ര​വ​ത്തോ​ടെ കാ​ണ​ണം. 2020-ലെ ​തെ​ര​ഞ്ഞെ​ടു​പ്പി​ൽ കൂ​രാ​ച്ചു​ണ്ടി​ലെ യു​ഡി​എ​ഫി​ൽ ഉ​ണ്ടാ​യ അ​ഭി​പ്രാ​യ​ഭി​ന്ന​ത ഡി​സി​സി ഗൗ​ര​വ​ത്തോ​ടെ കൈ​കാ​ര്യം ചെ​യ്യാ​തി​രു​ന്ന​താ​ണ് പ്ര​തി​സ​ന്ധി​ക്ക് കാ​ര​ണ​മെ​ന്നും നേ​താ​ക്ക​ൾ അ​ഭി​പ്രാ​യ​പ്പെ​ട്ടു.

പാ​ർ​ട്ടി​യി​ൽ നി​ന്നും പു​റ​ത്താ​ക്കി​യ നേ​താ​ക്ക​ളെ തി​രി​ച്ചെ​ടു​ത്തു​കൊ​ണ്ട് ഡി​സി​സി നീ​തി കാ​ണി​ക്ക​ണ​മെ​ന്ന് മ​ണ്ഡ​ലം കോ​ൺ​ഗ്ര​സ് സെ​ക്ര​ട്ട​റി​മാ​രാ​യ കെ.​സി. മൊ​യ്തീ​ൻ, സി​ബി കാ​ര​ക്ക​ട, മ​ണ്ഡ​ലം വൈ​സ് പ്ര​സി​ഡ​ന്‍റ് സു​നീ​ർ പു​ന​ത്തി​ൽ, ഒ​മ്പ​താം വാ​ർ​ഡ് കോ​ൺ​ഗ്ര​സ് പ്ര​സി​ഡ​ന്‍റ് തോ​മ​സ് ആ​നി​ക്കാ​ട്ട് എ​ന്നി​വ​ർ വാ​ർ​ത്താ സ​മ്മേ​ള​ന​ത്തി​ൽ ആ​വ​ശ്യ​പ്പെ​ട്ടു.