റോവര്‍ ആന്‍ഡ് ഗൈഡ്‌സ് യൂണിറ്റ് ക്യാമ്പ് സംഘടിപ്പിച്ചു
1480093
Monday, November 18, 2024 6:56 AM IST
കൂരാച്ചുണ്ട്: കല്ലാനോട് സെന്‍റ് മേരീസ് ഹയര്‍ സെക്കന്‍ഡറി സ്‌കൂളിലെ റോവര്‍ ആന്‍ഡ് ഗൈഡ്‌സ് യൂണിറ്റ് ക്യാമ്പ് 'കാമ്പിയോ 2024' സമാപിച്ചു. ക്യാമ്പിന്‍റെ ഉദ്ഘാടനം സ്‌കൂള്‍ മാനേജര്‍ ഫാ. ജിനോ ചുണ്ടയില്‍ നിര്‍വഹിച്ചു. പിടിഎ പ്രസിഡന്‍റ് ഷാജന്‍ കടുകന്‍മാക്കല്‍ അധ്യക്ഷത വഹിച്ചു.
താമരശേരി റെയ്ഞ്ചര്‍ ഡി.സി.കെ. ജ്യോതിലക്ഷ്മി മുഖ്യ പ്രഭാഷണം നടത്തി.
സ്‌കൂള്‍ പ്രിന്‍സിപ്പല്‍ ബിന്ദു മേരി പോള്‍, റോവേഴ്‌സ് ആന്‍ഡ് ഗൈഡ്‌സ് ലീഡര്‍മാരായ അന്നാ ഫ്രാങ്ക്‌ലിന്‍, സജിത്ത്, ഗൈഡ് ക്യാപ്റ്റന്‍ പി. ജിജിത എന്നിവര്‍ പ്രസംഗിച്ചു.
വടകര എഎസ്‌ഐ ഗിരീഷ് കുമാര്‍ ലഹരി ബോധവല്‍ക്കരണ ക്ലാസ് നല്‍കി. അഡ്വ. രാജീവ് മല്ലിശേരി നിയമ ബോധവല്‍ക്കരണ ക്ലാസ് നയിച്ചു. എല്‍ഇഡി ബള്‍ബ് നിര്‍മാണ പരിശീലനം നല്‍കി. റോവര്‍ സ്‌കൗട്ട് ലീഡര്‍ ജെസ്റ്റിന്‍ ജോസ് ക്യാമ്പിനെ കുറിച്ച് വിശദീകരിച്ചു.