ഭക്തിസാന്ദ്രമായി തളി ക്ഷേത്രത്തിലെ ലക്ഷാര്‍ച്ചന
1480087
Monday, November 18, 2024 6:56 AM IST
കോഴിക്കോട്: തളി ബ്രാഹ്‌മണ സമൂഹ മഠത്തില്‍ നടത്തിയ ശ്രീ ഹരിഹരപുത്ര ലക്ഷാര്‍ച്ചന ഭക്തിസാന്ദ്രമായി. വിവിധ പൂജാദി കര്‍മ്മങ്ങള്‍, ശാസ്താ ഭജന, ഉപനിഷത് പാരായണം എന്നിവ വീക്ഷിക്കുവാന്‍ നിരവധി ഭക്തജനങ്ങള്‍ തളി ബ്രാഹ്‌മണ സമൂഹമഠത്തില്‍ എത്തി. വിഘ്‌നേശ്വര പൂജ, ലക്ഷാര്‍ച്ചന, ദീപാരാധന, ഉപനിഷത് പാരായണം, ശാസ്താ ഭജന,സമാരാധന എന്നിവ നടന്നു.
പൂജാദി കര്‍മ്മങ്ങള്‍ക്ക് തളി ബ്രാഹ്‌മണ സമൂഹം മുഖ്യ പുരോഹിതന്‍ ബ്രഹ്‌മശ്രീ രാഹുല്‍ വാധ്യാര്‍ മുഖ്യകാര്‍മികത്വം വഹിച്ചു.
തളി ബ്രാഹ്‌മണ സമൂഹം പുരോഹിതന്മാരായ എന്‍.കെ. വെങ്കടാചല വാധ്യാര്‍, രഘു വാധ്യാര്‍, ബി. കൃഷ്ണമൂര്‍ത്തി വാധ്യാര്‍, ശ്രീനാഥ് ശര്‍മ്മ എന്നിവര്‍ സഹകാര്‍മ്മികത്വം വഹിച്ചു.