സോഫ്റ്റ് ബേസ്‌ബോള്‍: മലപ്പുറം ചാമ്പ്യന്‍മാര്‍
1480092
Monday, November 18, 2024 6:56 AM IST
കോടഞ്ചേരി: കോടഞ്ചേരി സെന്‍റ് ജോസഫ് സ്റ്റേഡിയത്തില്‍ സമാപിച്ച സംസ്ഥാന സബ് ജൂണിയര്‍ സോഫ്റ്റ്‌ബേസ്‌ബോള്‍ ബോയ്‌സ് ചാമ്പ്യന്‍ഷിപ്പില്‍ പാലക്കാടിനെ 37- 38 നു തോല്‍പ്പിച്ച് മലപ്പുറം ജില്ല ചാമ്പ്യന്‍മാരായി. ഇടുക്കി, പത്തനംതിട്ട ജില്ലകള്‍ മൂന്നാം സ്ഥാനം പങ്കിട്ടു.
ഓര്‍ഗനൈസിംഗ് കമ്മറ്റി ചെയര്‍മാനും കോടഞ്ചേരി പഞ്ചായത്ത് മെമ്പറുമായ വാസുദേവന്‍ ഞാറ്റുകാലയില്‍ വിജയികള്‍ക്ക് ട്രോഫികള് വിതരണം ചെയ്തു. കോടഞ്ചേരി സെന്‍റ് ജോസഫ് ഹയര്‍ സെക്കന്‍ഡറി സ്‌കൂള്‍ പിടിഎ പ്രസിഡന്‍റ് റോക്കച്ചന്‍ പുതിയേടത്ത് അധ്യക്ഷത വഹിച്ചു. പി.എം എഡ്വേര്‍ഡ്, കെ. ഹംസ, സിജി എന്‍.എം, വിപിന്‍ സോജന്‍, കെ. അക്ഷയ്, വിബില്‍ വി. ഗോപാല്‍, എബി സെബാസ്റ്റ്യന്‍, ജാബിര്‍ ഫവാസ് എന്നിവര്‍ പ്രസംഗിച്ചു.