കൊ​ല​വി​ളി പ്ര​സം​ഗം ന​ട​ത്തി​യ​വ​ർ​ക്കെ​തി​രേ നടപടിയില്ല: പോ​സ്റ്റ് ഷെ​യ​ർ ചെ​യ്ത കോ​ൺ​ഗ്ര​സ് നേ​താ​വി​നെ​തി​രേ കേ​സ്
Monday, October 14, 2024 4:53 AM IST
നാ​ദാ​പു​രം: എ​ട​ച്ചേ​രി മ​ണ്ഡ​ലം കോ​ൺ​ഗ്ര​സ് നേ​താ​വി​നെ​തി​രേ കൊ​ല​വി​ളി പ്ര​സം​ഗം ന​ട​ത്തി​യ ഡി​വൈ​എ​ഫ്ഐ പ്ര​വ​ർ​ത്ത​ക​ർ​ക്കെ​തി​രേ കേ​സെ​ടു​ക്കാ​തെ പ​രാ​തി​ക്കാ​ര​നെ​തി​രേ കേ​സെ​ടു​ത്ത്എ​ട​ച്ചേ​രി പോ​ലീ​സ്. ക​ഴി​ഞ്ഞ മാ​സം 30 നാ​ണ് കേ​സി​നാ​സ്പ​ദ​മാ​യ സം​ഭ​വം ന​ട​ന്ന​ത്.

കൂ​ത്തു​പ​റ​മ്പ് സ​മ​ര​നാ​യ​ക​ൻ പു​ഷ്പ​ൻ മ​രി​ച്ച ദി​വ​സം വാ​ട്സാ​പ്പ് ഗ്രൂ​പ്പി​ൽ വ​ന്ന പോ​സ്റ്റ് എ​ട​ച്ചേ​രി​യി​ലെ പ്രാ​ദേ​ശി​ക വാ​ട്സാ​പ്പ് ഗ്രൂ​പ്പി​ൽ ഷെ​യ​ർ ചെ​യ്ത് പ്ര​ച​രി​പ്പി​ച്ചെ​ന്ന് പ​റ​ഞ്ഞാ​ണ് എ​ട​ച്ചേ​രി ക​ച്ചേ​രി ആ​റാം വാ​ർ​ഡി​ലെ മു​ൻ മെ​മ്പ​റും മ​ണ്ഡ​ലം യൂ​ത്ത് കോ​ൺ​ഗ്ര​സ് മു​ൻ പ്ര​സി​ഡ​ന്‍റു​മാ​യ നി​ജേ​ഷ് ക​ണ്ടി​യി​ലി​നെ​തി​രേ എ​ട​ച്ചേ​രി പോ​ലീ​സ് കേ​സെ​ടു​ത്തി​രി​ക്കു​ന്ന​ത്.

ഇ​തേ തു​ട​ർ​ന്ന് നി​ജേ​ഷി​ന്‍റെ വീ​ട്ടി​ലേ​ക്ക് സെ​പ്റ്റം​ബ​ർ 29ന് ​ഡി​വൈ​എ​ഫ്ഐ പ്ര​വ​ർ​ത്ത​ക​ർ പ്ര​കോ​പ​ന​മു​ദ്രാ​വാ​ക്യം വി​ളി​ച്ച് പ്ര​ക​ട​നം ന​ട​ത്തി​യി​രു​ന്നു. ഇ​തി​നു പി​ന്നാ​ലെ 30 ന് ​ന​ട​ത്തി​യ പ്ര​തി​ഷേ​ധ​യോ​ഗ​ത്തി​ലാ​ണ് കൊ​ല​വി​ളി പ്ര​സം​ഗം ന​ട​ന്ന​ത്. "വീ​ട്ടി​ൽ ക​യ​റി ത​ല്ലും വേ​ണ​മെ​ങ്കി​ൽ കൈ​യും കാ​ലും വെ​ട്ടു​മെ​ന്നും' പോ​സ്റ്റ് ക​ണ്ട് പു​ള​കം കൊ​ള്ളു​ന്ന കോ​ൺ​ഗ്ര​സു​കാരെ ​കൈ​കാ​ര്യം ചെ​യ്യു​മെ​ന്ന മു​ന്ന​റി​പ്പു​മാ​ണ് പ്ര​സം​ഗ​ത്തി​ലു​ട​നീ​ളം ഉ​ണ്ടാ​യി​രു​ന്ന​ത്.


ഇ​തി​ന്‍റെ വീ​ഡി​യോ ഉ​ൾ​പ്പെ​ടെ ഒ​ക്ടേ​ബ​ർ ഒ​ന്നി​ന് എ​ട​ച്ചേ​രി പോ​ലീ​സ് സ്റ്റേ​ഷ​നി​ൽ ഹാ​ജ​രാ​ക്കി​യി​ട്ടാ​ണ് നി​ജേ​ഷ് കേ​സെ​ടു​ക്ക​ണ​മെ​ന്ന് ആ​വ​ശ്യ​പ്പെ​ട്ട​ത്. അ​ന്ന് ത​ന്നെ സ്റ്റേ​ഷ​നി​ൽ എ​ത്തി​യ കോ​ൺ​ഗ്ര​സ് നേ​താ​ക്ക​ളോ​ട് ര​ണ്ട് പ​രാ​തി​ക​ളും പ​രി​ശോ​ധി​ച്ചു വ​രു​ന്ന​താ​യാ​ണ് പോ​ലീ​സ് അ​റി​യി​ച്ച​ത്.

എ​ന്നാ​ൽ പ്ര​കോ​പ​ന പ്ര​സം​ഗ​ത്തി​ന്‍റെ പേ​രി​ൽ കേ​സെ​ടു​ക്കാ​ൻ ക​ഴി​യി​ല്ലെ​ന്നും കോ​ട​തി​യെ സ​മീ​പി​ക്കാ​നാ​ണ് എ​ട​ച്ചേ​രി പോ​ലീ​സ് അ​ധി​കാ​രി​ക​ൾ പി​ന്നീ​ട് നി​ജേ​ഷി​നോ​ട് പ​റ​ഞ്ഞ​ത്.ക​ലാ​പാ​ഹ്വാ​നം ന​ട​ത്തി​യെ​ന്ന് പ​റ​ഞ്ഞ് സെ​പ്റ്റം​ബ​ർ 29 ന് ​ത​ന്നെ നി​ജേ​ഷ് ക​ണ്ടി​യി​ലി​നെ​തി​രേ എ​ട​ച്ചേ​രി പോ​ലീ​സ് കേ​സ് ര​ജി​സ്റ്റ​ർ ചെ​യ്തി​രു​ന്നു. പോ​ലീ​സ് ന​ട​പ​ടി വി​വാ​ദ​മാ​യി​ട്ടു​ണ്ട്.