കോ​ഴി​ക്കോ​ട്: എ​ഐ കാ​മ​റ ക​ണ്ടെ​ത്തു​ന്ന നി​യ​മ​ലം​ഘ​ന​ങ്ങ​ളു​ടെ എ​ണ്ണം വ​ർ​ധി​ക്കു​ന്ന​തി​നാ​ൽ പി​ഴ​ക്കു​ള്ള നോ​ട്ടീ​സ് അ​യ​യ്ക്കു​ന്ന കാ​ര്യ​ത്തി​ൽ കാ​ല​താ​മ​സ​മു​ണ്ടാ​കാ​റു​ണ്ടെ​ന്ന് റീ​ജി​യ​ണ​ൽ ട്രാ​ൻ​സ്പോ​ർ​ട്ട് ഓ​ഫീ​സ​ർ മ​നു​ഷ്യാ​വ​കാ​ശ ക​മ്മീ​ഷ​നെ അ​റി​യി​ച്ചു. നോ​ട്ടീ​സ് ല​ഭി​ക്കാ​ൻ കാ​ല​താ​മ​സ​മു​ണ്ടാ​യെ​ന്ന് പ​റ​ഞ്ഞ് നി​യ​മ​ലം​ഘ​നം സാ​ധൂ​ക​രി​ക്കാ​ൻ ക​ഴി​യി​ല്ലെ​ന്നും റി​പ്പോ​ർ​ട്ടി​ൽ പ​റ​യു​ന്നു.

സീ​റ്റ് ബെ​ൽ​റ്റ് നി​ർ​ബ​ന്ധ​മാ​ക്കി​യ വാ​ഹ​ന​ങ്ങ​ളി​ൽ സ​ഞ്ച​രി​ക്കു​ന്ന​വ​ർ കൃ​ത്യ​മാ​യും സീ​റ്റ് ബെ​ൽ​റ്റ് ധ​രി​ച്ചി​രി​ക്ക​ണ​മെ​ന്നും റി​പ്പോ​ർ​ട്ടി​ൽ പ​റ​യു​ന്നു. പി​ഴ അ​ട​യ്ക്ക​ണ​മെ​ന്ന് ആ​വ​ശ്യ​പ്പെ​ട്ട് കൊ​ണ്ടു​ള്ള നോ​ട്ടീ​സ് ല​ഭി​ക്കാ​ൻ കാ​ല​താ​മ​സ​മു​ണ്ടാ​യ​തു കാ​ര​ണം ഭീ​മ​മാ​യ പി​ഴ​ത്തു​ക അ​ട​യ്ക്കേ​ണ്ടി വ​ന്നു എ​ന്ന പ​രാ​തി​യി​ൽ ദൃ​ശ്യ​മാ​ധ്യ​മ വാ​ർ​ത്ത​യു​ടെ അ​ടി​സ്ഥാ​ന​ത്തി​ൽ ക​മ്മീ​ഷ​ൻ സ്വ​മേ​ധ​യാ ര​ജി​സ്റ്റ​ർ ചെ​യ്ത കേ​സി​ലാ​ണ് കോ​ഴി​ക്കോ​ട് ആ​ർ​ടി​ഒ റി​പ്പോ​ർ​ട്ട് സ​മ​ർ​പ്പി​ച്ച​ത്. റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ൽ ക​മ്മീ​ഷ​ൻ ആ​ക്ടിംഗ് ചെ​യ​ർ​പേ​ഴ്സ​ണും ജു​ഡീ​ഷ്യ​ൽ അം​ഗ​വു​മാ​യ കെ. ​ബൈ​ജു​നാ​ഥ് കേ​സ് തീ​ർ​പ്പാ​ക്കി.

എ​ഐ കാ​മ​റ നി​യ​മ​ലം​ഘ​നം ക​ണ്ടെ​ത്തു​മ്പോ​ൾ ത​ന്നെ ഇ-​ചെ​ല്ലാ​ൻ സ്വ​യ​മേ​വ പു​റ​പ്പെ​ടു​വി​ക്കാ​റു​ണ്ടെ​ന്ന് റി​പ്പോ​ർ​ട്ടി​ൽ പ​റ​യു​ന്നു. ഈ ​ന​ട​പ​ടി​ക​ൾ പൂ​ർ​ത്തി​യാ​യാ​ൽ, വാ​ഹ​ന ഉ​ട​മ​യു​ടെ മൊ​ബൈ​ൽ ഫോ​ണി​ലേ​ക്ക് എ​സ്എം​എ​സ് പോ​കും. തു​ട​ർ​ന്ന് ചെ​ല്ലാ​ൻ കോ​പ്പി​യും നി​യ​മ​ലം​ഘ​ന​ത്തി​ന്‍റെ ഫോ​ട്ടോ​യും വാ​ഹ​ന ഉ​ട​മ​യ്ക്ക് അ​യ​ച്ചു​കൊ​ടു​ക്കു​മെ​ന്നും റി​പ്പോ​ർ​ട്ടി​ൽ പ​റ​യു​ന്നു.