വെ​ങ്ങോ​ളി പാ​ലം മു​ഖ്യ​മ​ന്ത്രി ഇ​ന്ന് നാ​ടി​ന് സ​മ​ർ​പ്പി​ക്കും
Tuesday, February 20, 2024 7:32 AM IST
കോ​ഴി​ക്കോ​ട്: മൂ​ന്ന് പ​ഞ്ചാ​യ​ത്തു​ക​ളെ​യും മു​ന്ന് നി​യോ​ജ​ക മ​ണ്ഡ​ല​ങ്ങ​ളെ​യും ബ​ന്ധി​പ്പി​ക്കു​ന്ന എ​ട​ച്ചേ​രി വെ​ങ്ങോ​ളി പാ​ലം യാ​ഥാ​ർ​ഥ്യ​മാ​യി. വ​ട​ക​ര മാ​ഹി ക​നാ​ലി​നു കു​റു​കെ നി​ർ​മി​ച്ച പാ​ലം ഏ​റാ​മ​ല പ​ഞ്ചാ​യ​ത്തി​ലെ കാ​ർ​ത്തി​ക​പ്പ​ള്ളി​യെ​യും പു​റ​മേ​രി, എ​ട​ച്ചേ​രി പ​ഞ്ചാ​യ​ത്തു​ക​ളെ​യും ത​മ്മി​ൽ ബ​ന്ധി​പ്പി​ക്കു​ന്നു. ഇ​ട​തു ക​ര​യി​ൽ വ​ട​ക​ര മ​ണ്ഡ​ല​വും വ​ല​തു​ക​ര​യി​ൽ കു​റ്റ്യാ​ടി, നാ​ദാ​പു​രം മ​ണ്ഡ​ല​ങ്ങ​ളു​മാ​ണ് ഉ​ൾ​പ്പെ​ടു​ന്ന​ത്.

പു​തി​യ പാ​ലം പൂ​ർ​ത്തി​യാ​യ​തോ​ടെ എ​ട​ച്ചേ​രി, പു​റ​മേ​രി നാ​ദാ​പു​രം ഭാ​ഗ​ങ്ങ​ളി​ലു​ള്ള​വ​ർ​ക്ക് വ​ട​ക​ര, വി​ല്ല്യാ​പ്പ​ള്ളി ഭാ​ഗ​ങ്ങ​ളി​ലേ​ക്കും തി​രി​ച്ചും വ​ള​രെ എ​ളു​പ്പ​ത്തി​ൽ എ​ത്തി​ച്ചേ​രാ​നു​ള്ള ഒ​രു മാ​ർ​ഗ​മാ​ണ് ഇ​തോ​ടെ യാ​ഥാ​ർ​ഥ്യ​മാ​യി​രി​ക്കു​ന്ന​ത്. പാ​ല​വും അ​പ്രോ​ച്ച് റോ​ഡും ര​ണ്ട് അ​ണ്ട​ർ പാ​സു​ക​ളും ഉ​ൾ​പ്പെ​ടെ​യു​ള്ള പ്ര​വൃ​ത്തി​ക്ക് 17.26 കോ​ടി രൂ​പ​യാ​ണ് ചെ​ല​വ​ഴി​ച്ചി​ട്ടു​ള്ള​ത്.

പാ​ലം ഇ​ന്ന് മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ഓ​ണ്‍​ലൈ​നാ​യി നാ​ടി​ന് സ​മ​ർ​പ്പി​ക്കും. മ​ന്ത്രി​മാ​രാ​യ പി.​എ.​മു​ഹ​മ്മ​ദ് റി​യാ​സ്, രാ​മ​ച​ന്ദ്ര​ൻ ക​ട​ന്ന​പ്പ​ള്ളി എ​ന്നി​വ​ർ മു​ഖ്യാ​തി​ഥി​ക​ളാ​വും. എം​എ​ൽ​എ ഇ.​കെ. വി​ജ​യ​ൻ അ​ധ്യ​ക്ഷ​ത വ​ഹി​ക്കു​ന്ന ച​ട​ങ്ങി​ൽ കെ.​മു​ര​ളീ​ധ​ര​ൻ എം​പി, എം​എ​ൽ​എ​മാ​രാ​യ കെ.​പി. കു​ഞ്ഞ​മ്മ​ദ് കു​ട്ടി, കെ.​കെ. ര​മ എ​ന്നി​വ​ർ സം​ബ​ന്ധി​ക്കും.