ഷ​ട്ട​റി​ല്ല, റെ​ഗു​ലേ​റ്റ​ർ കം ​ബ്രി​ഡ്ജ് നോ​ക്കു​കു​ത്തി
Saturday, September 30, 2023 12:40 AM IST
മു​ക്കം: ഷ​ട്ട​ർ നി​ർ​മി​ക്കാ​ൻ ന​ട​പ​ടി​യി​ല്ലാ​ത്ത​തി​നാ​ൽ കാ​ര​മൂ​ല തോ​ട്ട​ക്ക​ട​വി​ൽ ചെ​റു​പു​ഴ​യി​ൽ നി​ർ​മി​ച്ച റെ​ഗു​ലേ​റ്റ​ർ ഉ​പ​യോ​ഗ​ശൂ​ന്യ​മാ​യി കി​ട​ക്കു​ന്നു. പ​ദ്ധ​തി കാ​ൽ നൂ​റ്റാ​ണ്ടാ​യി പ്ര​യോ​ജ​ന​പ്പെ​ട്ടി​ട്ടി​ല്ല.

കൂ​ട​ര​ഞ്ഞി പ​ഞ്ചാ​യ​ത്തി​ലെ 13ാം വാ​ർ​ഡി​ൽ​പെ​ട്ട ക​ൽ​പ്പൂ​ര്, കൊ​ട്ടാ​ര​പ്പ​റ്റ, പ​ട്ടോ​ത്ത്, കോ​വി​ല​ക​ത്തും​ക​ട​വ്, കാ​ര​ശേ​രി പ​ഞ്ചാ​യ​ത്തി​ലെ മൂ​ന്നാം വാ​ർ​ഡി​ൽ​പെ​ട്ട കാ​ര​മൂ​ല, തോ​ട്ട​ക്ക​ട​വ്, ക​ൽ​പ്പൂ​ര്, ആ​റാം ബ്ലോ​ക്ക്, മാ​ങ്കു​ന്ന് ഭാ​ഗ​ങ്ങ​ളി​ൽ താ​മ​സി​ക്കു​ന്ന ഭൂ​രി​ഭാ​ഗം ജ​ന​ങ്ങ​ളു​ടെ​യും കു​ടി​വെ​ള്ള സ്രോ​ത​സാ​ണ് ചെ​റു​പു​ഴ.

ക​ടു​ത്ത ജ​ല​ക്ഷാ​മം അ​നു​ഭ​വ​പ്പെ​ടു​ന്ന പ്ര​ദേ​ശ​ങ്ങ​ളാ​ണി​തെ​ല്ലാം. മാ​ത്ര​മ​ല്ല, മ​ഴ​ക്കാ​ല​ത്തും വെ​ള്ളം ല​ഭി​ക്കാ​ത്ത​തി​നാ​ൽ കു​ടി​വെ​ള്ള വി​ത​ര​ണ​ത്തെ മാ​ത്രം ആ​ശ്ര​യി​ക്കു​ന്ന താ​ളി​പ്പ​റ​മ്പ് ഉ​ൾ​പ്പെ​ടെ​യു​ള്ള പ്ര​ദേ​ശ​ങ്ങ​ളു​മു​ണ്ട്.

ഷ​ട്ട​റി​ട്ട് വെ​ള്ളം സം​ഭ​രി​ച്ചു നി​ർ​ത്തി കു​ടി​വെ​ള്ള പ​ദ്ധ​തി​ക​ളു​ടെ കി​ണ​റു​ക​ൾ വ​റ്റാ​തെ നി​ല​നി​ർ​ത്തു​ക​യും പു​ഴ​യോ​ര ഗ്രാ​മ​ങ്ങ​ളിലെ ​കി​ണ​റു​ക​ളി​ലും കു​ള​ങ്ങ​ളി​ലു​മെ​ല്ലാം ജ​ല​ല​ഭ്യ​ത വ​ർ​ധി​പ്പി​ക്കു​ക​യാ​യി​രു​ന്നു ല​ക്ഷ്യം.

കൂ​ട​ര​ഞ്ഞി, കാ​ര​ശേ​രി പ​ഞ്ചാ​യ​ത്തു​ക​ളി​ലൂ​ടെ ഒ​ഴു​കി മു​ക്കം ക​ട​വി​ൽ ഇ​രു​വ​ഞ്ഞി​പ്പു​ഴ​യി​ൽ സം​ഗ​മി​ക്കു​ന്ന​താ​ണ് ചെ​റു​പു​ഴ. അ​ടു​ത്ത കാ​ല​ത്ത് മ​ഴ​യു​ടെ ല​ഭ്യ​ത വ​ള​രെ​ക്കു​റ​യു​ക​യും ചെ​യ്ത​തോ​ടെ പ​ദ്ധ​തി പ്ര​ദേ​ശ​ത്തെ വ​ര​ൾ​ച്ചാ ഭീ​ഷ​ണി ജ​ന​ങ്ങ​ളെ കൂ​ടു​ത​ൽ ആ​ശ​ങ്കയി​ലാ​ക്കി​യി​ട്ടു​മു​ണ്ട്.

പ​ദ്ധ​തി​ക്ക് ഷ​ട്ട​ർ നി​ർ​മി​ച്ച് ജ​ല സം​ര​ക്ഷ​ണം ഉ​റ​പ്പു​വ​രു​ത്ത​ണം എ​ന്ന നാ​ട്ടു​കാ​രു​ടെ വ​ർ​ഷ​ങ്ങ​ളാ​യു​ള്ള ആ​വ​ശ്യം എ​ന്ന് സ​ഫ​ല​മാ​കു​മെ​ന്നു മാ​ത്രം അ​റി​യി​ല്ല.2010 ൽ ​റെ​ഗു​ലേ​റ്റ​ർ കം ​ബ്രി​ഡ്ജി​ന് ഷ​ട്ട​ർ നി​ർ​മി​ക്ക​ണ​മെ​ന്ന ആ​വ​ശ്യ​വു​മാ​യി കാ​ര​ശേ​രി പഞ്ചാ​യ​ത്ത് ചെ​റു​കി​ട ജ​ല​സേ​ച​ന വ​കു​പ്പ് അ​ധി​കൃ​ത​രെ സ​മീ​പി​ച്ചി​രു​ന്നെ​ങ്കി​ലും ഒ​രു ന​ട​പ​ടി​യും ഉ​ണ്ടാ​യി​ല്ലെ​ന്ന് സ്റ്റാ​ൻ​ഡിം​ഗ് ക​മ്മി​റ്റി ചെ​യ​ർ​പേ​ഴ്സ​ൺ ശാ​ന്താ​ദേ​വി മൂ​ത്തേ​ട​ത്ത് പ​റ​ഞ്ഞു.

ആ​ദ്യ​കാ​ല​ത്ത് മ​രം കൊ​ണ്ടു​ള്ള പ​ല​ക ഉ​പ​യോ​ഗി​ച്ച് ഷ​ട്ട​ർ ഉ​ണ്ടാ​ക്കി ജ​ല​സം​ഭ​ര​ണം ന​ട​ത്തി നോ​ക്കി​യി​രു​ന്നു. ഇ​ത് വ​ർ​ഷ​കാ​ല​ത്തെ മ​ല​വെ​ള്ള​പ്പാ​ച്ചി​ലി​ന്‍റെ കു​ത്തൊ​ഴു​ക്കി​ൽ ഒ​ലി​ച്ചു​പോ​യി. തു​ട​ർ​ന്ന് വ​ർ​ഷ​ങ്ങ​ളാ​യി നാ​ട്ടു​കാ​ർ ചാ​ക്കി​ൽ മ​ണ​ലോ, മ​ണ്ണോ നി​റ​ച്ച് താ​ത്കാ​ലി​ക ത​ട​യ​ണ നി​ർ​മി​ച്ചാ​ണ് ഇ​തി​നൊ​രു പ​രി​ഹാ​രം ക​ണ്ട​ത്.

എ​ന്നാ​ൽ പു​ഴ​യു​ടെ ഇ​രു ക​ര​ക​ളി​ലും സം​ര​ക്ഷ​ണ ഭി​ത്തി കെ​ട്ടാ​ത്ത​തി​നാ​ൽ ഈ ​താ​ത്കാ​ലി​ക ത​ട​യ​ണ നി​ർ​മാ​ണം മ​ഴ​ക്കാ​ല​ത്ത് വ​ശ​ങ്ങ​ളി​ലേ​ക്കു​ള്ള വെ​ള്ള​ത്തി​ന്‍റെ ത​ള്ള​ൽ മൂ​ലം ക​ര​യി​ടി​ച്ചി​ലും, കൃ​ഷി നാ​ശ​വും ഉ​ണ്ടാ​വു​ന്ന​താ​യി സ​മീ​പ​ത്തു​ള്ള ക​ർ​ഷ​ക​ർ പ​റ​യു​ന്നു.

ഇ​വ​ർ താ​ത്കാ​ലി​ക ത​ട​യ​ണ നി​ർ​മി​ക്കു​ന്ന​തി​ൽ എ​തി​ർ​പ്പ് പ്ര​ക​ടി​പ്പി​ക്കു​ന്നു​മു​ണ്ട്. എ​ന്നാ​ൽ ബ്രി​ഡ്ജി​ൽ ഷ​ട്ട​ർ നി​ർ​മി​ച്ചാ​ൽ ആ​വ​ശ്യ​മു​ള്ള​പ്പോ​ൾ താ​ഴ്ത്തി ഇ​ടാ​നും ഉ​യ​ർത്തി ​വ​യ്ക്കാ​നും ക​ഴി​യു​മെ​ന്ന​തി​നാ​ൽ ക​ര​യി​ടി​ച്ചി​ൽ ഒ​ഴി​വാ​ക്കാ​നാ​കും.

Copyright @ 2022 , Rashtra Deepika Ltd.