പൗ​ർണ​മി​ക്കാ​വി​ൽ അ​ഗ്നി​ക്കാ​വ​ടി ഇ​ന്ന്
Monday, October 14, 2024 5:58 AM IST
വി​ഴി​ഞ്ഞം: വെ​ങ്ങാ​നൂ​ർ പൗ​ർ​ണ​മി​ക്കാ​വ് ശ്രീ ​ബാ​ലാ​ത്രി​പു​ര സു​ന്ദ​രി​ദേ​വീ ക്ഷേ​ത്ര​ത്തി​ൽ പൗ​ർ​ണ​മി മ​ഹോ​ത്സ​വ​ത്തി​ന്‍റെ ഭാ​ഗ​മാ​യി വി​ജ​യ​ദ​ശ​മി ദി​ന​ത്തി​ൽ മ​ല​യാ​ള​ത്തി​ലെ മ​ഹാ​ര​ഥ​ൻ​മാ​രു​ടെ കാ​ർ​മി​ക​ത്വ​ത്തി​ൽ​നി​ര​വ​ധി കു​രു​ന്നു​ക​ൾ​ക്ക് ആ​ദ്യാ​ക്ഷ​രം കു​റി​ച്ചു.

ക്ഷേ​ത്രം മ​ഠാ​ധി​പ​തി സി​ൻ​ഹാ ഗാ​യ​ത്രി, ജി​ല്ലാ​ക​ള​ക്ട​ർ അ​നു കു​മാ​രി, ട്രാ​ൻ​സ്പോ​ർ​ട്ട് ക​മ്മീ​ഷ​ണ​ർ സി.​എ​ച്ച്. നാ​ഗ​രാ​ജു, ഡെ​പ്യൂ​ട്ടി ക​മ്മീ​ഷ​ണ​ർ അ​ജി​ത് മോ​ഹ​ൻ, ഐ​എ​സ്ആ​ർ​ഒ മു​ൻ ചെ​യ​ർ​മാ​ൻ ഡോ. ​മാ​ധ​വ​ൻ​നാ​യ​ർ, ഭാ​ഗ​വ​ത​ചൂ​ഡാ​മ​ണി പ​ള്ളി​ക്ക​ൽ സു​നി​ൽ തു​ട​ങ്ങി​യ​വ​രാ​ണ് അ​ക്ഷ​രാ​രം​ഭ​ത്തി​ന് കാ​ർ​മി​ക​ത്വം വ​ഹി​ച്ച​ത്.

സം​ഗീ​ത സം​വി​ധാ​യ​ക​നാ​യ അ​നി​ൽ ഗോ​പാ​ൽ സം​ഗീ​ത​ത്തി​ന്‍റേ​യും സം​ഗീ​ത ഉ​പ​ക​ര​ണ​ങ്ങ​ളു​ടേ​യും വി​ദ്യാ​രം​ഭ​വും ചെ​ന്നൈ ക​ലാ​കേ​ന്ദ്രം നി​ര​വ​ധി നൃ​ത്ത വി​ഭാ​ഗ​ങ്ങ​ളു​ടെ വി​ദ്യാ​രം​ഭ​വും കു​റി​ച്ചു. ക​ള​രി​പ്പ​യ​റ്റ് പോ​ലു​ള്ള ആ​യോ​ധ​ന ക​ല​ക​ളു​ടേ​യും ക്യാ​മ​റ​യു​ടേ​യും വി​ദ്യാ​രം​ഭ​വും പൗ​ർ​ണ​മി​ക്കാ​വി​ൽ ന​ട​ന്നു.


ഇ​ന്നു പ​ള്ളി​ക്ക​ൽ സു​നി​ലി​ന്‍റെ ദേ​വീ മാ​ഹാ​ത്മ്യ ന​വാ​ഹ​യ​ജ്ഞ​വും സൗ​ന്ദ​ര്യ ല​ഹ​രി പാ​രാ​യ​ണ​വും ഉ​ണ്ടാ​യി​രി​ക്കും. വൈ​കു​ന്നേ​രം 4.30 മു​ത​ൽ കൈ​ക്കൊ​ട്ടി​ക്ക​ളി​ക്കു പു​റ​മെ നൃ​ത്ത​സം​ഗീ​ത പ​രി​പാ​ടി​ക​ളും ഉ​ണ്ടാ​യി​രി​ക്കും.

വൈ​കു​ന്നേ​രം ആ​റി​ന് നെ​ല്ലി​മൂ​ട് ദേ​വീ ക്ഷേ​ത്ര​ത്തി​ൽ നി​ന്നാ​രം​ഭി​ക്കു​ന്ന കാ​വ​ടി ഘോ​ഷ​യാ​ത്ര പൗ​ർ​ണ​മി​ക്കാ​വി​ലെ​ത്തി​ച്ചേ​രും തു​ട​ർ​ന്ന് അ​ഗ്നി​ക്കാ​വ​ടി അ​ഭി​ഷേ​കം, അ​ഗ്നി​വി​ള​യാ​ട്ടം, ഇ​ടു​മ്പ​ൻ പൂ​ജ തു​ട​ങ്ങി​യ​വ​യും ഉ​ണ്ടാ​യി​രി​ക്കും. ഗു​രു​സ്വാ​മി മു​രു​ക​ൻ കാ​ച്ചാ​ണി​യു​ടെ കാ​ർ​മി​ക​ത്വ​ത്തി​ൽ കാ​വ​ടി പൂ​ജ​ക​ൾ ന​ട​ക്കും. 21 ട​ൺ പു​ളി​വി​റ​ക് ക​ത്തി​ച്ച ക​ന​ലി​ലാ​ണ് അ​ഗ്നി​ക്കാ​വ​ടി ന​ട​ക്കു​ന്ന​ത്.

ഫോട്ടോ : വെ​ങ്ങാ​നൂ​ർ പൗ​ർ​ണ​മി​ക്കാ​വ് ബാ​ലാ​ത്രി​പു​ര സു​ന്ദ​രി​ദേ​വീ ക്ഷേ​ത്ര​ത്തി​ൽ ന​ട​ന്ന വി​ദ്യാ​രം​ഭ​ച്ച​ട​ങ്ങി​ൽ ജി​ല്ലാ ക​ള​ക്ട​ർ അ​നു​കു​മാ​രി കു​രു​ന്നി​ന് ആ​ദ്യാ​ക്ഷ​രം കു​റി​ക്കു​ന്നു.