അറസ്റ്റിലായ ഫാം ഉടമയെ റിമാൻഡ് ചെയ്തു

കാ​ട്ടാ​ക്ക​ട: ജോ​ലി​ക്കി​ടെ വ​യോ​ധി​ക ഷോ​ക്കേ​റ്റ് മ​രി​ച്ചു. തൊ​ഴി​ലു​റ​പ്പ് തൊ​ഴി​ലാ​ളി​യാ​യ ചീ​നി​വി​ള അ​ഞ്ച​റ​വി​ള ല​ക്ഷം​വീ​ട്ടി​ൽ വ​ത്സ​ല (67) ആ​ണ് മ​രി​ച്ച​ത്. ശ​നി​യാ​ഴ്ച രാ​വി​ലെ 10.45 ടെ​യാ​ണ് സം​ഭ​വം.

ഊ​രു​ട്ട​മ്പ​ലം വെ​ള്ളൂ​ർ​ക്കോ​ണം സ​ഹ​ക​ര​ണ ബാ​ങ്കി​നു സ​മീ​പ​ത്ത് അം​ബി​കാ​ദേ​വി​യു​ടെ ഉ​ട​മ​സ്ഥ​യി​ലു​ള്ള പു​ര​യി​ട​ത്തി​ൽ മാ​റ​ന​ല്ലൂ​ർ കോ​ട്ട​മു​ക​ൾ സ്വ​ദേ​ശി ന​ട​ത്തു​ന്ന കോ​ഴി​ഫാ​മി​ലെ വൈ​ദ്യു​തി ക​ണ​ക്ഷ​നി​ൽ​നി​ന്നാ​ണ് ഇ​വ​ർ​ക്കു ഷോ​ക്കേ​റ്റ​ത്.

ഇ​തി​നു സ​മീ​പ​ത്തെ പു​ര​യി​ട​ത്തി​ൽ തെ​ങ്ങി​ൻ​തൈ ന​ടു​ന്ന​തി​നാ​യി എ​ത്തി​യ​താ​ണ് വ​ത്സ​ലയും മ​റ്റു ര​ണ്ടു തൊ​ഴി​ലാ​ളി​ക​ളും. തൈ ​ന​ടാ​ൻ കു​ഴി എ​ടു​ക്കു​ന്ന​തി​നു മു​ൻ​പാ​യി മ​ൺ​വെ​ട്ടി കൊ​ണ്ടു വെ​ട്ടി​യ​പ്പോ​ൾ കോ​ഴി ഫാ​മി​ലെ അ​ഴി​ക​ളി​ൽ മ​ൺ​വെ​ട്ടി കു​ടു​ങ്ങി​പ്പോ​ഴാ​ണ് ഷോ​ക്കേ​റ്റ​ത്. ഇ​ഴ​ജ​ന്തു​ക്ക​ൾ ക​യ​റാ​തെ​യി​രി​ക്കാ​ൻ ക​മ്പി വ​ല​യ്ക്കു​ള്ളി​ൽ വൈ​ദ്യു​തി ക​ട​ത്തി വി​ടു​ന്ന പ​തി​വു​ണ്ടാ​യി രു​ന്നു.

മു​ൻ​പ് പ്ര​ദേ​ശ​ത്ത് തൊ​ഴി​ലു​റ​പ്പ് പ​ണി ന​ട​ക്കു​ന്ന​തി​നു മു​ന്നേ​യാ​യി ഈ ​വൈ​ദ്യു​തി ഓ​ഫ് ചെ​യ്തു ന​ൽ​കു​മാ​യി​രു​ന്നു. എ​ന്നാ​ൽ ഇ​ന്ന​ലെ അവധി ദിവസമായി രുന്നതിനാൽ തൊ​ഴി​ലു​റ​പ്പു തൊ​ഴി​ൽ ന​ട​ത്തു​ന്ന വി​വ​രം അ​റി​ഞ്ഞി​രു​ന്നി​ല്ലെ​ന്നാ​ണ് ഫാ​മു​ട​മ​യു​ടെ വാ​ദം. വൈ​ദ്യു​താ​ഘാ​ത​മേ​റ്റ​യു​ട​ൻ ഇ​വ​ർ മ​രി​ച്ചു.

ഷോ​ക്കേ​റ്റു വീ​ഴു​ന്ന​തി​നി​ട​യി​ൽ ര​ക്ഷി​ക്കാ​നെ​ത്തി​യ മറ്റൊരു തൊ ഴിലാളിയായ സ​ര​സ്വ​തി​ക്കും ഷോ​ക്കേ​റ്റി​രു​ന്നു. നാ​ട്ടു​കാ​ർ കെ​എ​സ്ഇ​ബി അ​ധി​കൃ​ത​രെ അ​റി​യ​ിച്ച​പ്പോ​ഴാ​ണ് വൈ​ദ്യു​തി ബ​ന്ധം വി​ച്ചേ​ദി​ച്ച​ത്.

സ്ഥ​ല​ത്ത് പോ​ലീ​സെ​ത്തി മേ​ൽ ന​ട​പ​ടി​ക​ൾ സ്വീ​ക​രി​ച്ചു. കോ​ഴി ഫാം ​ന​ട​ത്തി​പ്പു​കാ​ര​ൻ ശം​ഭു എ​ന്ന അ​ര​വി​ന്ദി​നെ മാ​റ​ന​ല്ലൂ​ർ പോ​ലീ​സ് അ​റ​സ്റ്റ് ചെ​യ്തു. ഇ​യാ​ളെ കോടതി റി​മാ​ൻ​ഡ്ചെ​യ്തു. ക​മ്പിവേ​ലി​ കെ​ട്ടി അ​ന​ധി​കൃ​ത​മാ​യി വൈ​ദ്യു​തി ക​ട​ത്തി​വി​ട്ട​തു​വ​ഴി ഷേ​ക്കേ​റ്റു മ​ര​ണം സം​ഭ​വ​ിച്ചി​നാ​ണ് ഇ​യാ​ളെ പ്ര​തി​യാ​ക്കി​യി​രി​ക്കു​ന്ന​ത്.

അ​പ്പു​ക്കു​ട്ട​നാ​ണ് വ​ത്സ​ലയു​ടെ ഭ​ർ​ത്താ​വ്. ഗീ​ത, ഗി​രി​ജ, സി​ന്ധു എ​ന്നി​വ​ർ മ​ക്ക​ളാ​ണ്. മൃ​ത​ദേ​ഹ സംസ് കാരം നടത്തി.