ഭാ​ഷ​യും സം​സ്കാ​ര​വും മ​നു​ഷ്യ​ർ​ക്കു സ്വ​ന്തം വേ​രു​ക​ൾ ഉ​റ​പ്പി​ക്കാ​നു​ള്ള മ​ണ്ണ്: ഡോ. എഴുമറ്റൂർ
Monday, May 27, 2024 1:37 AM IST
തി​രു​വ​ന​ന്ത​പു​രം: ഭാ​ഷ​യും സം​സ്കാ​ര​വും മ​നു​ഷ്യ​ർ​ക്കു സ്വ​ന്തം വേ​രു​ക​ൾ ഉ​റ​പ്പി​ക്കാ​നു​ള്ള മ​ണ്ണാ​ണെ​ന്ന് എ​ഴു​ത്തു​കാ​ര​നും ഭാ​ഷാ പ​ണ്ഡി​ത​നു​മാ​യ ഡോ. ​എ​ഴു​മ​റ്റൂ​ർ രാ​ജ​രാ​ജ​വ​ർ​മ.

നി​ത്യ​ഹ​രി​ത ക​ൾ​ച്ച​റ​ൽ ആ​ന്‍​ഡ് ചാ​രി​റ്റ​ബി​ൾ സൊ​സൈ​റ്റി സം​ഘ​ടി​പ്പി​ച്ച കൈ​യെ​ഴു​ത്ത് മ​ത്സ​രം ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം. സ്റ്റാ​ച്യൂ പ​ദ്മാ​ക​ഫേ വി​നാ​യ​ക ഹാ​ളി​ലാ​യി​രു​ന്നു ച​ട​ങ്ങ്. വെ​ള്ള​വും വ​ള​വും ന​ൽ​കി​യാ​ലും ചെ​ടി​ക​ൾ ഉ​റ​ച്ചു​നി​ന്ന് വ​ള​ര​ണ​മെ​ങ്കി​ലും വ​ൻ​മ​ര​ങ്ങ​ളാ​യി തീ​ര​ണ​മെ​ങ്കി​ലും താ​ങ്ങി​നി​ർ‌​ത്തു​വാ​ൻ മ​ണ്ണു​ത​ന്നെ വേ​ണം.

ഭാ​ഷ​യും സം​സ്കാ​ര​വും ഒ​ലി​ച്ചു​പോ​യി​ക്കൊ​ണ്ടി​രി​ക്കു​ന്ന ഇ​ക്കാ​ല​ത്ത് മ​ല​യാ​ള ഭാ​ഷാസം​സ്കാ​ര​ത്തോ​ട് ആ​ദ​ര​വ് വ​ള​ർ​ത്തു​വാ​ൻ സ​ഹാ​യ​ക​ര​മാ​യ ഇ​ത്ത​ര​ത്തി​ലെ കൈ​യെ​ഴു​ത്ത് മ​ത്സ​ര​ങ്ങ​ൾ അ​നി​വാ​ര്യ​മാ​ണ്. മ​ല​യാ​ള കൈ​യെ​ഴു​ത്ത് മ​ത്സ​ര​ത്തി​ൽ കു​ട്ടി​ക​ളും മു​തി​ർ​ന്ന​വ​രും ഒ​രു​പോ​ലെ പ​ങ്കാ​ളി​ക​ളാ​കു​ന്ന കാ​ഴ്ച മ​ല​യാ​ള ഭാ​ഷ​യു​ടെ ഭാ​വി​യെ​ക്കു​റി​ച്ച് പ്ര​ത്യാ​ശ​ന​ൽ​കു​ന്നു​വെ​ന്നും ഡോ. ​എ​ഴു​മ​റ്റൂ​ർ രാ​ജാ​രാ​ജ​വ​ർ​മ ചൂ​ണ്ടി​ക്കാ​ട്ടി.

പു​തി​യ ത​ല​മു​റ മ​ല​യാ​ളം എ​ഴു​തു​ന്ന​തു​കാ​ണു​ന്പോ​ൾ ഒ​ര​മ്മ​യ്ക്കു സ്വ​ന്തം കു​ഞ്ഞി​ന്‍റെ പു​ഞ്ചി​രി​കാ​ണു​ന്പോ​ഴു​ണ്ടാ​കു​ന്ന ആ​ന​ന്ദ​മാ​ണ് ത​നി​ക്കു​ണ്ടാ​കു​ന്ന​ത്. ഭാ​ഷ​യും സം​സ്കാ​ര​വും ഇ​ല്ലാ​തെ​യാ​കു​ന്ന​തു​കൊ​ണ്ടാ​ണ് മു​തി​ർ​ന്ന​വ​രു​ടെ പു​ഞ്ചി​രി വ​റ്റു​ന്ന​ത് എ​ന്നും അ​ദ്ദേ​ഹം പ​റ​ഞ്ഞു.


പ​ല രാ​ജ്യ​ങ്ങ​ളി​ലും മ​ഹാ​ന്മാ​രു​ടെ കൈ​പ്പ​ട അ​മൂ​ല്യ​നി​ധി​യാ​യി സം​ര​ക്ഷി​ക്ക​പ്പെ​ടു​ന്നു​ണ്ട്. ന​മ്മ​ൾ മ​ല​യാ​ളി​ക​ൾ മ​ല​യാ​ള​ത്തി​ൽ ഒ​പ്പി​ട്ട് പ​ഠി​ക്കേ​ണ്ട​തു​ണ്ടെ​ന്നും എ​ഴു​മ​റ്റൂ​ർ പ​റ​ഞ്ഞു. വേ​ദി​യി​ലെ ബോ​ർ​ഡി​ൽ ന​മ​സ്കാ​രം എ​ന്നെ​ഴു​തി​യാ​ണ് എ​ഴു​മ​റ്റൂ​ർ ച​ട​ങ്ങ് ഉ​ദ്ഘാ​ട​നം ചെ​യ്ത​ത്. ച​ട​ങ്ങി​ൽ ച​ല​ച്ചി​ത്ര-​ടി​വി ന​ട​നും കാ​ഥി​ക​നും നി​ത്യ​ഹ​രി​ത സൊ​സൈ​റ്റി ര​ക്ഷാ​ധി​കാ​രി​യു​മാ​യ വ​ഞ്ചി​യൂ​ർ പ്ര​വീ​ൺ​കു​മാ​ർ അ​ധ്യ​ക്ഷ​ത വ​ഹി​ച്ചു.

ക​ലാ​നി​ധി ചെ​യ​ർ​പേ​ഴ്സ​ൺ ഗീ​ത രാ​ജേ​ന്ദ്ര​ൻ, മ​ത​മൈ​ത്രി സം​ഗീ​ത​ജ്ഞ​ൻ ഡോ. ​വാ​ഴ​മു​ട്ടം ച​ന്ദ്ര​ബാ​ബു, പ്രേം​ന​സീ​ർ സു​ഹൃ​ദ്സ​മി​തി സം​സ്ഥാ​ന സെ​ക്ര​ട്ട​റി തെ​ക്ക​ൻ​സ്റ്റാ​ർ ബാ​ദു​ഷ, ക​വി പ്ര​ദീ​പ് തൃ​പ്പ​ര​പ്പ്, റെഡ് ക്രോസ് സൊസൈറ്റി വൈസ് ചെയർമാ ൻ മു​ക്കം പാ​ല​മൂ​ട് രാ​ധാ​കൃ​ഷ്ണ​ൻ തു​ട​ങ്ങി​യ​വ​ർ പ്ര​സം​ഗി​ച്ചു. നി​ത്യ​ഹ​രി​ത ക​ൾ​ച്ച​റ​ൽ സൊ​സൈ​റ്റി പ്ര​സി​ഡ​ന്‍റ് റ​ഹിം പ​ന​വൂ​ർ സ്വാ​ഗ​ത​വും ച​ല​ച്ചി​ത്ര നി​രൂ​പ​ക​ൻ ഗോ​പ​ൻ ശാ​സ്ത​മം​ഗ​ലം ന​ന്ദി​യും പ​റ​ഞ്ഞു.

Copyright @ 2022 , Rashtra Deepika Ltd.