കെഎസ്‌യു മാ​ർ​ച്ചി​ൽ സം​ഘ​ർ​ഷം; ര​ണ്ട് വ​നി​താ പ്ര​വ​ർ​ത്ത​ക​ർ​ക്ക് പ​രി​ക്ക്
Saturday, March 2, 2024 6:12 AM IST
തി​രു​വ​ന​ന്ത​പു​രം: വ​യ​നാ​ട് പൂ​ക്കോ​ട് വെ​റ്ററിന​റി സ​ർ​വ​ക​ലാ​ശാ​ല​യി​ലു​ണ്ടാ​യ റാ​ഗിങ്ങിനെ​തു​ട​ർ​ന്ന് മ​ര​ണ​പ്പെ​ട്ട സി​ദ്ധാ​ർ​ഥന് നീ​തി​ ല​ഭി​ക്ക​ണ​മെ​ന്നാ​വ​ശ്യ​പ്പെ​ട്ട് കെഎസ്‌യു തി​രു​വ​ന​ന്ത​പു​രം ജി​ല്ലാ ക​മ്മി​റ്റി ന​ട​ത്തി​യ സെ​ക്ര​ട്ടേ​റി​യ​റ്റ് മാ​ർ​ച്ചി​ൽ സം​ഘ​ർ​ഷം.

സെ​ക്ര​ട്ടേ​റി​യ​റ്റി​നു മു​ന്നി​ലെ​ത്തി​യ പ്ര​വ​ർ​ത്ത​ക​ർ ബാ​രി​ക്കേ​ഡു​ക​ൾ ത​ള്ളി​മ​റി​ക്കാ​ൻ ശ്ര​മി​ച്ച​തോ​ടെ പോ​ലീ​സ് ര​ണ്ടു ത​വ​ണ ജ​ല​പീ​ര​ങ്കി പ്ര​യോ​ഗി​ച്ചു. ജ​ല​പീ​ര​ങ്കി പ്ര​യോ​ഗ​ത്തി​ൽ തെ​റി​ച്ചു വീ​ണു ര​ണ്ടു വ​നി​താ പ്ര​വ​ർ​ത്ത​ക​ർ​ക്കു പ​രി​ക്കേ​റ്റു. തു​ട​ർ​ന്ന് പോ​ലീ​സും പ്ര​വ​ർ​ത്ത​ക​രും ത​മ്മി​ൽ ഉ​ന്തും ത​ള്ളും ഉ​ണ്ടാ​യി.

പ​രി​ക്കേ​റ്റ​വ​രെ ഉ​ട​നെ പോ​ലീ​സ് വാ​ഹ​ന​ത്തി​ൽ ആ​ശു​പ​ത്രി​യി​ലേ​ക്ക് മാ​റ്റി. അ​ര​മ​ണി​ക്കു​റോ​ളം പ്ര​വ​ർ​ത്ത​ക​ർ റോ​ഡ് ത​ട​ഞ്ഞ് പ്ര​തി​ഷേ​ധി​ച്ചു. പ്ര​തി​ഷേ​ധം ക​ഴി​ഞ്ഞ് പി​രി​ഞ്ഞു പോ​വു​ക​യാ​യി​രു​ന്ന പ്ര​വ​ർ​ത്ത​ക​ർ​ക്കു അ​ഭി​മു​ഖ​മാ​യി പ​ന്ന്യ​ൻ ര​വീ​ന്ദ്ര​ന്‍റെ റോ​ഡ് ഷോ ​ക​ട​ന്നു വ​രു​ന്നു​ണ്ടാ​യി​രു​ന്നെ​ങ്കി​ലും പ്ര​വ​ർ​ത്ത​ക​ർ യൂണി​വേ​ഴ്സി​റ്റി കോ​ള​ജി​നു മു​ന്നി​ലൂ​ടെ മ​ട​ങ്ങു​കയാ​യി​രു​ന്നു.

മാ​ത്യു കു​ഴ​ൽ​നാ​ട​ൻ എം​എ​ൽ​എ മാ​ർ​ച്ച് ഉ​ദ് ഘാ​ട​നം ചെ​യ്തു. കെഎസ്‌യു ജി​ല്ലാ പ്ര​സി​ഡ​ന്‍റ് ഗോ​പു നെ​യ്യാർ, സം​സ്ഥാ​ന ക​മ്മി​റ്റി​യം​ഗം ആ​ദേ​ഷ് സു​ധ​ർ​മ​ൻ, എം.​എ​സ്. അ​ഭി​ജി​ത് തു​ട​ങ്ങി​യ​വ​ർ പ്ര​സം​ഗി​ച്ചു.

Copyright @ 2022 , Rashtra Deepika Ltd.