മെ​ഡി​ക്ക​ൽ കോ​ള​ജ്: തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ രോ​ഗി​ക​ൾ​ക്കു​ള്ള ബ്ര​ഡും പാ​ലും പ​ദ്ധ​തി നി​ർ​ത്ത​ലാ​ക്കി​യ​തി​ൽ വ്യാ​പ​ക പ്ര​തി​ഷേ​ധം.

വ​ർ​ഷ​ങ്ങ​ളാ​യി ആ​രോ​ഗ്യ​വ​കു​പ്പി​ന്‍റെ കീ​ഴി​ൽ സ​ർ​ക്കാ​ർ ആ​ശു​പ​ത്രി​ക​ളി​ൽ ന​ട​പ്പാ​ക്കി വ​ന്നി​രു​ന്ന പ​ദ്ധ​തി​യാ​ണ് ഇ​പ്പോ​ൾ മെ​ഡി​ക്ക​ൽ കോ​ള​ജ് ഉ​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ൽ പി​ൻ​വ​ലി​ച്ചി​രി​ക്കു​ന്ന​ത്. ഇ​തി​നെ​തി​രേ കോ​ൺ​ഗ്ര​സ് പ്ര​വ​ർ​ത്ത​ക​ർ ഇ​ന്ന​ലെ രോ​ഗി​ക​ൾ​ക്ക് ബ്രെ​ഡും പാ​ലും ന​ൽ​കി പ്ര​തി​ഷേ​ധം സം​ഘ​ടി​പ്പി​ച്ചി​രു​ന്നു.

തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജി​ൽ 40 ഓ​ളം വാ​ർ​ഡു​ക​ളി​ലു​ള്ള 500 ലേ​റെ രോ​ഗി​ക​ൾ​ക്കാ​യി 1000 ക​വ​ർ പാ​ലാ​ണ് ദി​നം​പ്ര​തി നൽകിയിരുന്നത്. ഇ​തു​കൂ​ടാ​തെ ബ്ര​ഡും ബി​സ്ക​റ്റും ന​ൽ​കി​യി​രു​ന്നു. യാ​തൊ​രു മു​ന്ന​റി​യി​പ്പും കൂ​ടാ​തെ പ​ദ്ധ​തി നി​ർ​ത്ത​ലാ​ക്കി​യ​തി​നെ​തി​രേ​യാ​ണ് വി​വി​ധ കോ​ണു​ക​ളി​ൽ നി​ന്ന് പ്ര​തി​ഷേ​ധം ഉ​യ​രു​ന്ന​ത്.

അ​തേ​സ​മ​യം ഫ​ണ്ടി​ന്‍റെ അ​പ​ര്യാ​പ്ത​ത​യാ​ണ് പ​ദ്ധ​തി പെ​ട്ടെ​ന്ന് നി​ർ​ത്ത​ലാ​ക്കാ​ൻ കാ​ര​ണ​മെ​ന്നാ​ണ് സൂ​ച​ന. ആ​രോ​ഗ്യ​വ​കു​പ്പ് ഓ​രോ വ​ർ​ഷ​വും ബ്ര​ഡും പാ​ലും പ​ദ്ധ​തി​ക്കാ​യി നി​ശ്ചി​ത ഫ​ണ്ട് അ​നു​വ​ദി​ച്ചു വ​രി​ക​യാ​ണ് പ​തി​വ്.

തി​രു​വ​ന​ന്ത​പു​രം ജി​ല്ല​യി​ൽനി​ന്നും അ​ന്യ ജി​ല്ല​ക​ളി​ൽ നി​ന്നും അ​ന്യ​സം​സ്ഥാ​ന​ങ്ങ​ളി​ൽ നി​ന്നുപോ​ലും നി​ര​വ​ധി രോ​ഗി​ക​ളാ​ണ് തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ചി​കി​ത്സ തേ​ടി എ​ത്തു​ന്ന​ത്. ഇ​വ​ർ​ക്കു​ള്ള അ​ടി​സ്ഥാ​ന ആ​വ​ശ്യ​മാ​ണ് നി​ഷേ​ധി​ക്ക​പ്പെ​ട്ടി​രി​ക്കു​ന്ന​ത്. പ​ദ്ധ​തി നി​ർ​ത്ത​ലാ​ക്കി​യ​ത് ആ​രോ​ഗ്യ​വ​കു​പ്പും സ​ർ​ക്കാ​രും പു​നഃ​പ​രി​ശോ​ധി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്.