കോ​വ​ളം: തി​രു​വ​ന​ന്ത​പു​രം പാ​ച്ച​ല്ലൂ​രി​ൽ എ​ക്സൈ​സി​ന്‍റെ വ​ൻ ക​ഞ്ചാ​വ് വേ​ട്ട.​ ആ​ന്ധ്ര​യി​ൽനി​ന്നു കൊ​ണ്ടു​വ​ന്ന 60 കി​ലോ​യോ​ളം ക​ഞ്ചാ​വ് പി​ടി​കൂ​ടി.​ ക​ട​ത്തുകാ​രും വാ​ങ്ങാ​നെ​ത്തി​യ​വ​രു​മാ​യ നാ​ല് യു​വാ​ക്ക​ൾ ക​സ്റ്റ​ഡി​യി​ൽ. ര​ണ്ട് ആഢംബ​ര കാ​റു​ക​ളും എക്സൈസ് പി​ടി​കൂ​ടി.

നെ​ടു​മ​ങ്ങാ​ട് ചു​ള്ളി​മാ​നൂ​ർ സ്വ​ദേ​ശി ജെ​സിം, ബീ​മാ​പ​ള്ളി സ്വ​ദേ​ശി സ​ജീ​ർ, ക​ഞ്ചാ​വ് ഏ​റ്റു​വാ​ങ്ങാ​ൻവ​ന്ന​തും മു​ഖ്യ​സൂ​ത്ര​ധാ​ര​നു​മാ​യ ബീ​മാ​പ​ള്ളി സ്വ​ദേ​ശി മു​ജീ​ബ്, റാ​ഫി എ​ന്നി​വ​രെ​യാണ് പാ​ച്ച​ല്ലൂ​ർ അ​ഞ്ചാംക​ല്ലിൽനിന്നു പി​ടി​കൂ​ടി​യ​ത്.

സ്റ്റേ​റ്റ് എ​ക്സൈ​സ് എ​ൻ​ഫോ​ഴ്സ്മെന്‍റ് സ്‌​ക്വാഡ് മേ​ധാ​വി​ അ​സി​സ്റ്റ​ന്‍റ് എ​ക്സൈ​സ് ക​മ്മീ​ഷ​ണ​ർ അ​നി​കു​മാ​ർ ന​ൽ​കി​യ വി​വ​ര​ത്തി​ന്‍റെ അ​ടി​സ്ഥാ​ന​ത്തി​ലാ​യി​രു​ന്നു പ​രി​ശോ​ധ​ന. സം​ശ​യ​ക​ര​മാ​യിക്ക​ണ്ട കാ​റി​നെ​പി​ന്തു​ട​ർ​ന്ന എ​ക്സൈ​സ് സം​ഘം പാ​ച്ച​ല്ലൂ​രി​ൽനി​ന്ന് ക​ട​ത്തു​കാ​രെ പി​ടി​കൂ​ടു​ക​യാ​യി​രു​ന്നു.

പ്ര​തി​ക​ളി​ലൊരാ​ൾ മാ​സ​ങ്ങ​ൾ​ക്കുമു​ൻ​പ് വി​ഴി​ഞ്ഞം പോ​ലീ​സ് 55 കി​ലോ ക​ഞ്ചാ​വ് പി​ടി​കൂ​ടി​യ കേ​സി​ലും ഉ​ൾ​പ്പെ​ട്ടി​രു​ന്ന​താ​യി വി​വ​രം ല​ഭി​ച്ചു.

പ​രി​ശോ​ധ​ന​യി​ൽ തി​രു​വ​ന​ന്ത​പു​രം എ​ക്സൈ​സ് റേ​ഞ്ച് ഇ​ൻ​സ്പെ​ക്ട​ർ വി.​ജി. സു​നി​ൽ​കു​മാ​റി​നെ​യും പാ​ർ​ട്ടി​യെ​യും കൂ​ടാ​തെ സ്റ്റേ​റ്റ് എ​ക് സൈ​സ് എ​ൻ​ഫോ​ഴ്സ്മെ​ന്‍റ് സ്‌​ക്വാ​ഡി​ലെ അം​ഗ​ങ്ങ​ളാ​യ അ​സി​സ്റ്റ​ന്‍റ് എ​ക്സൈ​സ് ക​മ്മീ​ഷ​ണ​ർ ടി ​അ​നി​കു​മാ​ർ, എ​ക്സൈ​സ് സ​ർ​ക്കി​ൾ ഇ​ൻ​സ്പെ​ക്ട​ർ ജി. കൃ​ഷ്ണ​കു​മാ​ർ, എ​ക്സൈ​സ് ഇ​ൻ​സ്പെ​ക്ട​ർ​മാ​രാ​യ കെ.വി. വി​നോ​ദ്, ടി.​ആ​ർ. മു​കേ​ഷ് കു​മാ​ർ, ആ​ർ.ജി. ​രാ​ജേ​ഷ്, എ​സ്. മ​ധു​സൂ​ദ​ന​ൻ നാ​യ​ർ, പ്രിവന്‍റീവ് ഓ​ഫീ​സ​ർ പ്ര​കാ​ശ്, സി​വി​ൽ എ​ക്സൈ​സ് ഓ​ഫീ​സ​ർ​മാ​രാ​യ വി​ശാ​ഖ്, സു​ബി​ൻ, ര​ജി​ത്ത്, ശ​ര​ത്‌, മു​ഹ​മ്മ​ദ​ലി, കൃ​ഷ്ണ​കു​മാ​ർ ഡ്രൈ​വ​ർ​മാ​രാ​യ വി​നോ​ജ് ഖാ​ൻ സേ​ട്ട്, രാ​ജീ​വ്, അ​രു​ൺ എ​ന്നി​വ​ർ പ​ങ്കെ​ടു​ത്തു. ഗ​സ​റ്റ​ഡ് ഉ​ദ്യോ​ഗ​സ്ഥ​നാ​യ വി. ​സു​ഭാ​ഷിന്‍റെ സാ​ന്നി​ധ്യ​ത്തി​ൽ ആ​യി​രു​ന്നു പ്ര​തി​ക​ളു​ടെ ദേ​ഹപ​രി​ശോ​ധ​നാ ന​ട​പ​ടി​ക​ൾ പൂ​ർ​ത്തി​യാ​ക്കി​യ​ത്.