കാ​ന്ത​ല്ലൂ​രി​ൽ കാ​ട്ടാ​ന ശ​ല്യം രൂ​ക്ഷം: ജ​ന​ജീ​വി​തം ദു​രി​ത​ത്തി​ൽ
Thursday, July 4, 2024 10:46 PM IST
മ​റ​യൂ​ർ: ജ​ന​വാ​സ​മേ​ഖ​ല​യി​ൽ നി​ര​ന്ത​ര​മാ​യ കാ​ട്ടാ​നശ​ല്യം മൂ​ലം ക​ർ​ഷ​ക​രു​ടെ ജീ​വി​തം ദു​രി​ത​മാ​യി. റോ​ഡി​ലൂ​ടെ പോ​കു​ന്ന വാ​ഹ​ന​ങ്ങ​ൾ​ക്കും കാ​ൽ​ന​ട​യാ​ത്ര​ക്കാ​ർ​ക്കും പൊ​തു​ജ​ന​ങ്ങ​ൾ​ക്കും ഇ​വി​ടെ വ​ന്നെ​ത്തു​ന്ന ടു​റി​സ്റ്റ്ക​ൾ​ക്കും കാ​ട്ടാ​ന​ക​ൾ ഭീ​ഷ​ണി​യാ​ണ്. ക​ഴി​ഞ്ഞ ര​ണ്ട് മാ​സ​ങ്ങ​ളാ​യി മു​പ്പ​തോ​ളം വ​രു​ന്ന കാ​ട്ടാ​ന കൂ​ട്ടം പ​ല ഇ​ട​ങ്ങ​ളി​ലാ​യി ഇ​വി​ടെ നി​ല ഉ​റ​പ്പി​ച്ചി​രി​ക്കു​ക​യാ​ണ്.
മു​ൻ​പെ​ല്ലാം വൈ​കു​ന്നേ​രം ഏ​ഴി​നു ശേ​ഷ​മാ​ണ് കാ​ട്ടാ​ന​ക​ൾ കൂ​ട്ട​ത്തോ​ടെ കാ​ടി​റ​ങ്ങി​യി​രു​ന്ന​ത്. ഇ​പ്പോ​ൾ ഇ​വി​ടെ​യെ​ത്തു​ന്ന കാ​ട്ടാ​ന​ക്കൂ​ട്ടം മ​ട​ങ്ങി പോ​കു​ന്നി​ല്ല .

കാ​ന്ത​ല്ലൂ​രി​ലെ പെ​രു​മ​ല , ത​ല​ച്ചോ​ർ ക​ട​വ്, കു​ള​ത്താ​മ​ല, വെ​ട്ടു​കാ​ട് ,പെ​ര​ടി​പ്പ​ള്ളം , കു​ള​ച്ചി​വ​യ​ൽ , ഇ​ട​ക്ക​ട​വ് തു​ട​ങ്ങി​യി​ട​ങ്ങ​ളി​ലും കാ​ട്ടാ​ന ശ​ല്യം ദി​നം​പ്ര​തി ഏ​റി വ​രി​ക​യാ​ണ്. സാ​ധാ​ര​ണ​ഗ​തി​യി​ൽ വേ​ന​ൽ​കാ​ല​ങ്ങ​ളി​ലാ​ണ് കാ​ട്ടാ​ന​ക​ൾ ഇ​റ​ങ്ങാ​റു​ള്ള​തെ​ങ്കി​ൽ നി​ല​വി​ൽ തു​ട​രെ​ത്തു​ട​രെ കാ​ട്ടാ​ന​ക​ൾ നാ​ട്ടി​ലി​റ​ങ്ങി കൃ​ഷി ന​ശി​പ്പി​ക്കു​ക​യാ​ണ്.

വി​നോ​ദ​സ​ഞ്ചാ​രി​ക​ൾ
ര​ക്ഷ​പ്പെ​ട്ട​ത് ത​ല​നാ​രി​ഴ​ക്ക്

കാ​ന്ത​ല്ലൂ​രി​ൽ ജ​ന​വാ​സ മേ​ഖ​ല​യി​ൽ ത​മ്പ​ടി​ച്ചി​രി​ക്കു​ന്ന കാ​ട്ടാ​ന​ക്കൂ​ട്ടം ഇ​ന്ന​ലെ പ​ക​ൽ വി​നോ​ദ​സ​ഞ്ചാ​രി​ക​ളെ ഓ​ടി​ച്ചു. സി​നി​മ സം​വി​ധാ​യ​ക​ൻ ജി​ജു ജേ​ക്ക​ബ് കാ​റി​ന്‍റെ മു​ക​ളി​ലേ​ക്ക് തു​മ്പി​ക്കൈ കൊ​ണ്ട് അ​ടി​ച്ചു. കാ​ന്ത​ല്ലൂ​ർ ത​ല​ച്ചോ​ർ ക​ട​വി​ൽ ര​മേ​ശി​ന്‍റെ കൃ​ഷി​യി​ട​ത്തി​ൽ ദി​വ​സ​ങ്ങ​ളാ​യി നി​ൽ​ക്കു​ന്ന കാ​ട്ടാ​ന​ക​ൾ വ്യാ​പ​ക​മാ​യി കൃ​ഷി​വി​ള​ക​ൾ ന​ശി​പ്പി​ച്ചു​വ​രി​ക​യാ​ണ്. കാ​ന്ത​ല്ലൂ​ർ വൃ​ന്ദാ​വ​ൻ മ​ല നി​ര​ക​ളി​ൽ പ​ക​ൽ മു​ഴു​വ​നും ത​മ്പ​ടി​ച്ച് കൃ​ഷി​ത്തോ​ട്ട​ങ്ങ​ളി​ലെ വി​ള​ക​ൾ തി​ന്നും ന​ശി​പ്പി​ക്കു​ക​യാ​ണ്.

ഇ​വി​ടെ റി​സോ​ർ​ട്ടി​ൽ താ​മ​സി​ച്ചി​രു​ന്ന വി​നോ​ദ​സ​ഞ്ചാ​രി​ക​ൾ ചാ​യ കു​ടി​ക്കാ​ൻ കാന്‍റീ​നി​ൽ എ​ത്തു​ന്ന​തി​നി​ടെ ര​ണ്ടു കൊ​മ്പ​ന്മാ​ർ ഇ​വ​രെ ഓ​ടി​ച്ചു. തു​ട​ർ​ന്ന് റി​സോ​ർ​ട്ട് മാ​നേ​ജ​രെ വി​ളി​ച്ചു​വ​രു​ത്തി ആ​ന​ക​ളെ ഓ​ടി​ച്ചു​വി​ട്ടാ​ണ് ഇ​വ​ർ ര​ക്ഷ​പ്പെ​ട്ട​ത്. പ്ര​ദേ​ശ​ത്ത് പ​ക​ൽ മു​ഴു​വ​നും ത​മ്പ​ടി​ച്ചി​രു​ന്ന നാ​ല് കാ​ട്ടാ​ന​ക​ൾ രാ​ത്രി​യും ഈ ​പ്ര​ദേ​ശ​ത്തി​ൽ ത​ന്നെ ഉ​ള്ള​താ​യും പ​റ​യു​ന്നു. കാ​ട്ടാ​ന​ക​ളെ വ​ന​ത്തി​ലേ​ക്ക് തു​ര​ത്താ​നും സൗ​രോ​ർ​ജ വേ​ലി ഉ​ൾ​പ്പെ​ടെ​യു​ള്ള സം​വി​ധാ​നം ഒ​രു​ക്ക​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ട്ടു.
Copyright @ 2018 , Rashtra Deepika Ltd.