പിട്ടാപ്പിള്ളില്‍ ഏജന്‍സീസ് ഓണസമ്മാന പദ്ധതിയിൽ 10,000 വിജയികൾ
Saturday, November 16, 2024 11:22 PM IST
കൊച്ചി: പിട്ടാപ്പിള്ളില്‍ ഏജന്‍സീസില്‍ ഉപഭോക്താക്കള്‍ക്കായി നടത്തിയ ഓണസമ്മാന പദ്ധതിയിൽ 10,000 വിജയികളുടെ നറുക്കെടുപ്പ് നടത്തി. പിട്ടാപ്പിള്ളില്‍ ഇടപ്പള്ളി ഷോറൂമില്‍ നടന്ന നറുക്കെടുപ്പിൽ ഹാഷിംഗ് എന്‍കോഡിംഗ് വഴിയാണു വിജയികളെ തെരഞ്ഞെടുത്തത്.
നഗരസഭ കൗണ്‍സിലര്‍ സഹന സാംജി, കരീം- റുക്കിയ ദന്പതികൾ എന്നിവർ ചേര്‍ന്നാണ് നറുക്കെടുപ്പ് നിര്‍വഹിച്ചത്. ഗൃഹോപകരണങ്ങളും ഗിഫ്റ്റ് വൗച്ചറുകളും വിജയികള്‍ക്ക് സമ്മാനമായി ലഭിക്കും. പിട്ടാപ്പിള്ളില്‍ ഏജന്‍സീസിന്‍റെ പുതിയ സമ്മാനപദ്ധതിയായ വണ്ടേഴ്സ് ഓഫ് വിന്‍റര്‍ വൗ സെയിൽ സ്കീമിന്‍റെ ലോഞ്ചും ഇതോടൊപ്പം നടന്നു. ഇലക്ട്രിക് കാറാണ് ബംപര്‍ സമ്മാനം.
പിട്ടാപ്പിള്ളില്‍ ഏജന്‍സീസ് മാനേജിംഗ് ഡയറക്ടര്‍ പീറ്റര്‍ പോള്‍, ഡയറക്ടര്‍മാരായ കിരണ്‍ വര്‍ഗീസ്, മരിയ പോള്‍, അജോ തോമസ്, ഫ്രാന്‍സിസ് പിട്ടാപ്പിള്ളില്‍, ഡോ. ബോബി പാനികുളം, മുന്‍ കൗണ്‍സിലര്‍ മാര്‍ട്ടിന്‍ തായങ്കരി തുടങ്ങിയവര്‍ പങ്കെടുത്തു.
വിജയികളുടെ പേരു വിവരങ്ങള്‍ പിട്ടാപ്പിള്ളില്‍ ഏജന്‍സീസിന്‍റെ വെബ്സൈറ്റില്‍ പ്രസിദ്ധീകരിച്ചിട്ടുണ്ട്. 35 വര്‍ഷമായി പ്രവര്‍ത്തിക്കുന്ന പിട്ടാപ്പിള്ളില്‍ ഗ്രൂപ്പിന് 81 ഷോറൂമുകളാണ് കേരളത്തിലുള്ളത്.