ന്യൂ​ഡ​ൽ​ഹി: യൂ​ണി​വേ​ഴ്സി​റ്റി ഗ്രാ​ന്‍റ്സ് ക​മ്മീ​ഷ​ൻ (യു​ജി​സി) പു​റ​പ്പെ​ടു​വി​ക്കു​ന്ന ച​ട്ട​ങ്ങ​ളും നി​ർ​ദേ​ശ​ങ്ങ​ളും എ​ല്ലാ സ​ർ​വ​ക​ലാ​ശാ​ല​ക​ളും പാ​ലി​ക്ക​ണ​മെ​ന്ന് സു​പ്രീം​കോ​ട​തി. ജാ​മി​യ മി​ല്ലി​യ ഇ​സ്‌​ലാ​മി​യ സ​ർ​വ​ക​ലാ​ശാ​ല​യി​ൽ ചി​ല അ​ധ്യാ​പ​ക​രെ സ്ഥി​ര​പ്പെ​ടു​ത്തു​ന്ന​തു​മാ​യി ബ​ന്ധ​പ്പെ​ട്ട കേ​സി​ലാ​ണ് കോ​ട​തി​യു​ടെ നി​ർ​ദേ​ശം.

നി​ർ​ദി​ഷ്ട യോ​ഗ്യ​ത​യു​ള്ള​വ​രെ സ്ഥി​ര​പ്പെ​ടു​ത്ത​ണ​മെ​ന്ന യു​ജി​സി​യു​ടെ നി​ർ​ദേ​ശം പാ​ലി​ക്കാ​തി​രു​ന്ന സ​ർ​വ​ക​ലാ​ശാ​ല​യു​ടെ ന​ട​പ​ടി​ക്കെ​തി​രേ​യാ​ണ് കോ​ട​തി​യു​ടെ നി​ർ​ദേ​ശം. അ​ധ്യാ​പ​ക​രെ സ്ഥി​ര​പ്പെ​ടു​ത്തി നി​യ​മ​നം ന​ട​ത്താ​നും കോ​ട​തി ഉ​ത്ത​ര​വി​ട്ടു. യു​ജി​സി ച​ട്ട​ങ്ങ​ൾ എ​ല്ലാ സ​ർ​വ​ക​ലാ​ശാ​ല​ക​ൾ​ക്കും ബാ​ധ​ക​മാ​ണെ​ന്ന് ജ​സ്റ്റീ​സ് അ​ഭ​യ് എ​സ്. ഓ​ക്ക, ജ​സ്റ്റീ​സ് പ​ങ്ക​ജ് മി​ത്ത​ൽ എ​ന്നി​വ​രു​ടെ ബെ​ഞ്ച് നി​രീ​ക്ഷി​ച്ചു.


യു​ജി​സി നി​ഷ്ക​ർ​ഷി​ച്ചി​ട്ടു​ള്ള വി​ദ്യാ​ഭ്യാ​സയോ​ഗ്യ​ത​ക​ളും മ​റ്റ് അ​വ​ശ്യ​യോ​ഗ്യ​ത​ക​ളു​മു​ള്ള അ​ധ്യാ​പ​ക​രെ സ്ഥി​ര​പ്പെ​ടു​ത്ത​ണ​മെ​ന്ന നി​ർ​ദേ​ശ​ത്തോ​ടെ യു​ജി​സി സ​ർ​വ​ക​ലാ​ശാ​ല​യ്ക്ക് ക​ത്ത​യ​ച്ചി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ നി​യ​മം ഉ​റ​പ്പാ​ക്കു​ക​യാ​യി​രു​ന്നു. എ​ന്നാ​ൽ, അ​ധ്യാ​പ​ക​രെ സ്ഥി​ര​പ്പെ​ടു​ത്താ​ൻ സർവകലാശാല ത​യാ​റാ​യി​ല്ല. ഇ​തി​നെ​തി​രേ ഹൈ​ക്കോ​ട​തി​യെ സ​മീ​പി​ച്ചെ​ങ്കി​ലും വി​ധി അ​ധ്യാ​പ​ക​ർ​ക്ക് അ​നു​കൂ​ല​മാ​യി​രു​ന്നി​ല്ല. തു​ട​ർ​ന്ന് സു​പ്രീം​കോ​ട​തി​യെ സ​മീ​പി​ച്ച അ​ധ്യാ​പ​ക​രു​ടെ നി​യ​മ​നം യു​ജി​സി ച​ട്ട​ങ്ങ​ൾ അ​നു​സ​രി​ച്ച് ന​ട​പ്പാ​ക്കാ​ൻ കോ​ട​തി നി​ർ​ദേ​ശി​ച്ചു.