കോൽക്കത്തയിൽ ഇടത്-കോൺഗ്രസ് സംയുക്ത റാലി
Thursday, March 30, 2023 1:54 AM IST
കോൽക്കത്ത: ബംഗാളിലെ മമത സർക്കാരിനും കേന്ദ്രത്തിലെ മോദി സർക്കാരിനും എതിരേ കോൽക്കത്തയിൽ ഇടതു പാർട്ടികളും കോൺഗ്രസും സംയുക്തമായി റാലി നടത്തി. രാഹുൽഗാന്ധിയുടെ ലോക്സഭാംഗത്വം റദ്ദാക്കിയത്, അദാനി വിഷയത്തിൽ ജെപിസി അന്വേഷണം , സംസ്ഥാനഭരണത്തിലെ അഴിമതി തുടങ്ങിയ വിഷയങ്ങളിലായിരുന്നു പ്രതിഷേധറാലി.
ഇടതുമുന്നണി ചെയർമാൻ ബിമൻ ബോസ്, സിപിഎം സംസ്ഥാന സെക്രട്ടറി മുഹമ്മദ് സലിം, ആർഎസ്പി നേതാവ് മനോജ് ഭട്ടാചാര്യ, കോൺഗ്രസ് നേതാക്കളായ അശുതോഷ് ചാറ്റർജി, കൗതസവ് ബാഗ്ചി എന്നിവർ റാലിക്കു നേതൃത്വം നല്കി.