കോ​ന്നി: പ​യ്യ​നാ​മ​ണ്‍ താ​ഴം വി​ല്ലേ​ജി​ലെ ചെ​ങ്ങ​ളം പാ​റ​മ​ട അ​പ​ക​ട​ത്തി​ൽ​പ്പെ​ട്ട് മ​രി​ച്ച ര​ണ്ടാ​മ​ത്തെആ​ളു​ടെ​യും മൃ​ത​ദേ​ഹം ക​ണ്ടെ​ത്തി. പാ​റ​പൊ​ട്ടി​ക്കു​ന്ന യ​ന്ത്ര​ത്തി​ന്‍റെ ഡ്രൈ​വ​ർ ബി​ഹാ​ർ സി​മ​ർ​ല ജ​മു​യ് സ്വ​ദേ​ശി അ​ജ​യ് റാ​യി​യെ (38)ന്‍റെ മൃ​ത​ദേ​ഹ​മാ​ണ് ഇ​ന്ന​ലെ രാ​ത്രി പു​ന​രാ​രം​ഭി​ച്ച തെ​ര​ച്ച​ലി​ൽ ക​ണ്ടെ​ത്തി​യ​ത്. മൃ​ത​ദേ​ഹം‍ ഹി​റ്റാ​ച്ചി​യി​ല്‍ കു​ടു​ങ്ങി​ക്കി​ട​ക്കു​കയായിരുന്നു.

ദു​ര​ന്തം ന​ട​ന്ന സ്ഥ​ല​ത്ത് ഒ​ട്ടേ​റെ ത​വ​ണ പാ​റ​യി​ടി​ഞ്ഞു വീ​ണ​ത് ര​ക്ഷാ​പ്ര​വ​ർ​ത്ത​ന​ത്തെ പ്ര​തീ​കു​ല​മാ​ക്കി​യി​രു​ന്നു. ഇ​തേ തു​ട​ർ​ന്ന് നി​ർ​ത്തി വെ​ച്ച പ​രി​ശോ​ധ​ന ഇ​ന്ന​ലെ രാ​ത്രി ഏ​ഴോ​ടെ​യാ​ണ് വീ​ണ്ടും തു​ട​ങ്ങി​യ​ത്.

ഇ​ന്ന​ലെ രാ​വി​ലെ ഫ​യ​ര്‍ഫോ​ഴ്‌​സും എ​ന്‍ഡി​ആ​ര്‍എ​ഫും സം​ഘ​വും ചേ​ർ​ന്നു പ്ര​ത്യേ​ക മാ​സ്റ്റ​ർ​പ്ലാ​ൻ ത​യാ​റാ​ക്കി തെ​ര​ച്ചി​ൽ പു​ന​രാ​രം​ഭി​ച്ചു​വെ​ങ്കി​ലും ഒ​ന്ന​ര മ​ണി​ക്കൂ​റി​നു​ശേ​ഷം നി​ർ​ത്തി​വ​യ്ക്കേ​ണ്ടി​വ​ന്നു. പാ​റ​മ​ട​യി​ൽ വീ​ണ്ടും പാ​റ​ക്ക​ല്ലു​ക​ൾ ഇ​ടി​ഞ്ഞു​വീ​ണ​താ​ണ് ര​ക്ഷാ​ദൗ​ത്യ​ത്തി​നു ത​ട​സ​മാ​യ​ത്. സ​മാ​ന​ത​ക​ളി​ല്ലാ​ത്ത ദൗ​ത്യ​മാ​ണ് ഇ​ന്ന​ലെ രാ​വി​ലെ 8.55ന് ​ആ​രം​ഭി​ച്ച​ത്.

മു​ക​ളി​ല്‍ ക്രെ​യി​നി​ല്‍ ഘ​ടി​പ്പി​ച്ച ക​യ​റി​ല്‍ നാ​ല് ദൗ​ത്യ​സം​ഘാം​ഗ​ങ്ങ​ളെ കു​ടു​ക്കി​യാ​ണ് താ​ഴേ​ക്ക് ഇ​റ​ക്കി​യ​ത്.‍ പാ​റ​ക്ക​ഷ​ണ​ങ്ങ​ൾ നീ​ക്കി കു​ടു​ങ്ങി​ക്കി​ട​ക്കു​ന്ന ഹി​റ്റാ​ച്ചി ഉ​യ​ർ​ത്തു​ക​യാ​യി​രു​ന്നു ല​ക്ഷ്യം. മ​നു​ഷ്യ​സാ​ധ്യ​മാ​യ ജോ​ലി​ക​ൾ നി​ർ​വ​ഹി​ക്കു​ന്ന​തി​നി​ടെ പ​ല​യി​ട​ങ്ങ​ളി​ലും പാ​റ​ക്ക​ല്ലു​ക​ൾ​ക്ക് ഇ​ള​ക്കം ക​ണ്ടു. ഇ​തോ​ടെ ര​ക്ഷാ​പ്ര​വ​ർ​ത്ത​നം ത​ത്കാ​ലം നി​ർ​ത്തു​ക​യാ​യി​രു​ന്നു. സം​ഘാം​ഗ​ങ്ങ​ളെ മു​ക​ളി​ലെ​ത്തി​ച്ച​തി​നു പി​ന്നാ​ലെ വ​ൻ​തോ​തി​ൽ പാ​റ ഇ​ടി​ഞ്ഞു.


പി​ന്നീ​ട് വ​ലി​യ ക്രെ​യി​ൻ എ​ത്തി​ച്ച് ഹി​റ്റാ​ച്ചി ത​ള്ളി താ​ഴെ​യി​ടാ​ൻ ആ​ലോ​ചി​ച്ചെ​ങ്കി​ലും വൈ​കു​ന്നേ​രം വ​രെ ഈ ​ശ്ര​മ​വും വി​ജി​യി​ച്ചി​ല്ല. പാ​റ​മ​ട പ്ര​ദേ​ശ​ങ്ങ​ളി​ല്‍ ക​ര്‍ശ​ന നി​യ​ന്ത്ര​ണം ഏ​ര്‍പ്പെ​ടു​ത്തി​യാ​ണ് ര​ക്ഷാ​ദൗ​ത്യം ന​ട​ത്തി​യ​ത്.

പാ​റ​മ​ട​യി​ല്‍ ജോ​ലി ചെ​യ്തി​രു​ന്ന ഒ​ഡീ​ഷ സ്വ​ദേ​ശി മ​ഹാ​ദേ​വി​ന്‍റെ (51) മൃ​ത​ദേ​ഹം തി​ങ്ക​ളാ​ഴ്ച വൈ​കു​ന്നേ​രം ക​ണ്ടെ​ടു​ത്തി​രു​ന്നു. ര​ക്ഷാ​ദൗ​ത്യ സം​ഘം ഏ​റെ പ​ണി​പ്പെ​ട്ടാ​ണ് മ​ഹാ​ദേ​വി​ന്‍റെ മൃ​ത​ദേ​ഹം പു​റ​ത്തെ​ടു​ത്ത​ത്. വ​ലി​യ പാ​റ ദേ​ഹ​ത്തേ​ക്കു വീ​ണു ച​ത​ഞ്ഞ​ര​ഞ്ഞ നി​ല​യി​ലാ​യി​രു​ന്നു. മൃ​ത​ദേ​ഹം മു​ക​ളി​ലെ​ത്തി​ച്ച് മി​നി​റ്റുക​ൾ​ക്ക​കം ഇ​തേ സ്ഥ​ല​ത്ത് വീ​ണ്ടും പാ​റ​യി​ടി​ച്ചി​ൽ ഉ​ണ്ടാ​യി. ഉ​ദ്യോ​ഗ​സ്ഥ​സം​ഘം ഉ​ൾ​പ്പെ​ടെ ഭാ​ഗ്യം കൊ​ണ്ടാ​ണ് ര​ക്ഷ​പ്പെട്ട​ത്. തി​ങ്ക​ളാ​ഴ്ച ഉ​ച്ച​ക​ഴി​ഞ്ഞ് 2.45ന് ചെ​ങ്കു​ള​ത്ത് പാ​റ​മ​ട​യി​ല്‍ ഹി​റ്റാ​ച്ചി ഉ​പ​യോ​ഗി​ച്ചു​ള്ള ജോ​ലി ന​ട​ക്കു​ന്ന​തി​നി​ടെ​യാ​ണ് അ​പ​ക​ടം.

ഹി​റ്റാ​ച്ചി​യു​ടെ ഓ​പ്പ​റേ​റ്റ​റും സ​ഹാ​യി​യു​മാ​യ ഇ​ത​ര സം​സ്ഥാ​ന സ്വ​ദേ​ശി​ക​ളാ​ണ് അ​പ​ക​ട​ത്തി​ല്‍പെ​ട്ട​ത്. മ​ല​മു​ക​ളി​ല്‍നി​ന്നും വീ​ണ​ത് വ​ലി​യ പാ​റ​ക​ളാ​യ​ിരുന്നത് ദു​ര​ന്ത​ത്തി​ന്‍റെ ആ​ഴം വ​ര്‍ധി​പ്പി​ച്ചു.