മാര്‍ അപ്രേം സജീവമായിരുന്ന ആത്മീയവ്യക്തിത്വം: കെസിബിസി
Tuesday, July 8, 2025 2:18 AM IST
കൊച്ചി : കല്‍ദായ സുറിയാനി സഭയുടെ ഇന്ത്യയിലെ വലിയ മെത്രാപ്പോലീത്തയായിരുന്ന മാര്‍ അപ്രേം തൃശൂരില്‍ മാത്രമല്ല, കേരള ക്രൈസ്തവസഭയിലാകെ നിറഞ്ഞുനിന്ന ആത്മീയ വ്യക്തിത്വമായിരുന്നെന്ന് കെസിബിസി.
അദ്ദേഹത്തിന്‍റെ സുദീര്‍ഘമായ മെത്രാന്‍ശുശ്രൂഷ കല്‍ദായ സുറിയാനി സഭയ്ക്കും കേരളത്തിലെ ക്രൈസ്തവ സഭകള്‍ക്കും ആത്മീയ ഉണര്‍വും ചൈതന്യവുമേകി. നിരവധി ആത്മീയ ഗ്രന്ഥങ്ങളിലൂടെ സഭയ്ക്ക് അദ്ദേഹം വിശ്വാസവെളിച്ചം പകര്‍ന്നു.
പിന്‍ഗാമിയായ മാര്‍ ഔഗേന്‍ മെത്രാപ്പോലീത്തയോടും കല്‍ദായ സുറിയാനി സഭയോടും കെസിബിസിയുടെ ആഴമായ അനുശോചനവും പ്രാര്‍ഥനകളും അറിയിക്കുന്നതായി കെസിബിസി ഡെപ്യൂട്ടി സെക്രട്ടറി ജനറൽ ഫാ. തോമസ് തറയില്‍ പറഞ്ഞു.