കോ​ട്ട​യം: ജ​ന​പ്രി​യ സാ​ഹി​ത്യ​കാ​ര​ന്‍ മു​ട്ട​ത്തു വ​ര്‍ക്കി​യു​ടെ മാ​സ്റ്റ​ര്‍പീ​സ് നോ​വ​ലു​ക​ളായ പാ​ടാ​ത്ത പൈ​ങ്കി​ളി​യും ഇ​ണ​പ്രാ​വും മൈ​ലാ​ടും​കു​ന്നു​മൊ​ക്കെ ചൂ​ടോ​ടെ ആ​ദ്യം വാ​യി​ച്ച​യാ​ള്‍ ഇ​ന്ന​ലെ അ​ന്ത​രി​ച്ച പി.​എം. ജോ​സ​ഫ് പ​യ്യ​നാ​ട്ടാ​യി​രു​ന്നു. ദീ​പി​ക പ​ത്രാ​ധി​പ​സ​മി​തി​യം​ഗ​മാ​യി​രു​ന്ന മു​ട്ട​ത്തു വ​ര്‍ക്കി ദീ​പി​കയുടെ കോ​ട്ട​യം ഓ​ഫീ​സി​ലി​രു​ന്ന് വി​ഖ്യാ​ത നോ​വ​ലു​കളും ക​ഥ​ക​ളും എ​ഴു​തി​യി​രു​ന്ന കാ​ലം.

ന്യൂ​സ് പ്രി​ന്‍റി​ല്‍ വ​ടി​വി​ല്ലാ​ത്ത വ​ലി​യ അ​ക്ഷ​ര​ത്തി​ല്‍ എ​ഴു​തു​ന്ന ഓ​രോ താ​ളും വ​ര്‍ക്കി പി.​എം. ജോ​സ​ഫി​ന് കൈ​മാ​റും. ഒ​റ്റ നി​ല്‍പ്പി​ന് അ​തു വാ​യി​ച്ച​ശേ​ഷം ജോ​സ​ഫ് ഈ​യ​ത്തി​ല്‍ ക​ട​ഞ്ഞ അ​ക്ഷ​ര​ങ്ങ​ള്‍ പെ​റു​ക്കി ഹാ​ന്‍ഡ് കം​പോ​സ് ചെ​യ്യാ​ന്‍ തു​ട​ങ്ങും.

നോ​വ​ലു​ക​ളും ക​ഥ​ക​ളും മാ​ത്ര​മ​ല്ല വ​ര്‍ക്കി എ​ഡി​റ്റോ​റി​യ​ല്‍ വി​ഭാ​ഗ​ത്തി​ല്‍ ത​യാ​റാ​ക്കു​ന്ന വാ​ര്‍ത്ത​ക​ളു​ടെ പ്ര​ധാ​ന കം​പോ​സി​റ്റ​റു​മാ​യി​രു​ന്നു ജോ​സ​ഫ്.

വി​ദേ​ശ​വാ​ര്‍ത്ത​ക​ളു​ടെ മൊ​ഴി​മാ​റ്റം പ്ര​ധാ​ന​മാ​യും മു​ട്ട​ത്ത് വ​ര്‍ക്കി​യാ​ണ് ന​ട​ത്തി​യി​രു​ന്ന​ത്. പ​തി​ന​ഞ്ചാം വ​യ​സി​ല്‍ ദീ​പി​ക​യി​ലെ​ത്തി അ​ക്കാ​ല​ത്തെ സി​ലി​ണ്ട​ര്‍ പ്ര​സി​ല്‍ അ​ക്ഷ​ര​ങ്ങ​ള്‍ നി​ര​ത്തു​ന്ന ജോ​ലി​യി​ല്‍ തു​ട​ങ്ങി​യ​താ​ണ് പി.​എം. ജോ​സ​ഫി​ന്‍റെ ദീ​പി​ക സേ​വ​നം. പി​ല്‍ക്കാ​ല​ത്ത് പ്ര​സി​ലെ ഫോ​ര്‍മാ​നാ​യി കം​പോ​സിം​ഗ് മേ​ല്‍നോ​ട്ടം വ​ഹി​ച്ചു. അ​ച്ചു നി​ര​ത്ത​ലി​ന്‍റെ അ​ച്ച​ടി ലോ​കം ഫോ​ട്ടോ കം​പോ​സിം​ഗി​ലേ​ക്കും ഡി​ടി​പി​യി​ലേ​ക്കും പു​രോ​ഗ​മി​ച്ച​പ്പോ​ള്‍ ലേ ​ഔ​ട്ട് ബോ​ര്‍ഡി​ല്‍ പ്രി​ന്‍റു​ക​ള്‍ മു​റി​ച്ച് പേ​സ്റ്റ് ന​ട​ത്തു​ന്ന ജോ​ലി​യി​ല്‍ തു​ട​ര്‍ന്നു.

കാ​ലം ഓ​ര്‍മ​യി​ല്‍ സൂ​ക്ഷി​ക്കു​ന്ന ഒ​ട്ടേ​റെ മ​ഹാ​സം​ഭ​വ വാ​ര്‍ത്ത​ക​ള്‍ വ​ന്ന ദീ​പി​ക​യു​ടെ ഒ​ന്നാം പേ​ജ് ത​യാ​റാ​ക്കി​യ​ത് ജോ​സ​ഫാ​ണ്. പേ​സ്റ്റ് അ​പ് കം​പ്യൂ​ട്ട​ര്‍ പേ​ജി​നേ​ഷ​നി​ലേ​ക്കു മാ​റി​യ​പ്പോ​ള്‍ ജോ​സ​ഫി​ന്‍റെ സേ​വ​നം പ്രൂ​ഫ് വാ​യ​ന​യി​ലേ​ക്കു മാ​റി. ആ​റു പ​തി​റ്റാ​ണ്ടോ​ളം നീ​ണ്ട സു​ദീ​ര്‍ഘ സേ​വ​ന​ത്തി​നു​ശേ​ഷ​മാ​ണ് അ​ടു​ത്ത​യി​ടെ ദീ​പി​ക​യി​ല്‍നി​ന്ന് വി​ര​മി​ച്ച​ത്.