ട്രെയിനില്‍നിന്ന് പുറത്തേക്ക് തെറിച്ചുവീണ സുധീഷിന് ഇതു രണ്ടാം ജന്മം : Deepika.com Kerala News |

Click here for detailed news of all items

ട്രെയിനില്‍നിന്ന് പുറത്തേക്ക് തെറിച്ചുവീണ സുധീഷിന് ഇതു രണ്ടാം ജന്മം

Sunday, June 16, 2024 2:08 AM IST

കോട്ടയം: ട്രെയിനില്‍നിന്ന് പുറത്തേക്ക് തെറിച്ചുവീണു ഗുരുതര പരിക്കേറ്റ യുവാവ് തിരികെ ജീവിതത്തിലേക്ക്. പേരൂര്‍ സ്വദേശിയായ കാര്യാറ്റപ്പുഴ വീട്ടില്‍ സുധീഷി (29)നാണ് ജീവന്‍ തിരിച്ചു കിട്ടിയത്. ഇക്കഴിഞ്ഞ ദിവസം ബംഗളൂരുവില്‍ നിന്ന് കോട്ടയത്തേക്ക് മടങ്ങുന്നതിനിടയിലാണ് കര്‍ണാടകയിലെ കുപ്പത്ത് ട്രെയിനില്‍നിന്നു തെറിച്ച് പുറത്തേക്ക് വീണത്.

സുധീഷിനെ കാണാനില്ലെന്ന് സഹോദരന്‍ ധനേഷിന്‍റെ പരാതിയില്‍ കോട്ടയം റെയില്‍വേ സ്‌റ്റേഷന്‍ എസ്എച്ച്ഒ റെജി പി. ജോസഫിന്‍റെ നേതൃത്വത്തില്‍ റെയില്‍വേ സൈബര്‍ സെല്ലിന്‍റെ സഹായത്തോടെ നടത്തിയ തെരച്ചിലിലാണ് കണ്ടെത്താനായത്.

റെയില്‍വേ ട്രാക്കിന് സമീപം കുറ്റിക്കാട്ടില്‍ തലയ്ക്ക് പരിക്കേറ്റു രക്തം വാര്‍ന്ന നിലയിലാണ് ഇദ്ദേഹത്തെ കണ്ടെത്തിയത്. ബംഗളൂരു ആര്‍പിഎഫ്, ജിആര്‍പി എന്നിവരുടെ നേതൃത്വത്തിലുള്ള സംഘം പ്രഥമ ശുശ്രൂഷ നല്‍കി ഇയാളെ സമീപത്തെ ആശുപത്രിയിലേക്ക് മാറ്റി.

രക്തം വാര്‍ന്ന് ഒരു രാത്രി മുഴുവന്‍ ട്രാക്കില്‍ കിടന്ന സുധീഷിന് ഇത് രണ്ടാം ജന്മമാണ്. ജിആര്‍പി എസ്‌ഐ റെജി പി. ജോസഫ്, ഇന്‍റലിജന്‍സ് ജിഎസ്‌ഐ ഉദയന്‍, എഎസ്‌ഐ സന്തോഷ്, രാഹുല്‍മോന്‍ എന്നിവരാണ് സംഘത്തിലുണ്ടായിരുന്നത്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.