ബിനോയ് കുവൈറ്റിലെത്തിയത് അഞ്ചിന് : Deepika.com Kerala News |

Click here for detailed news of all items

ബിനോയ് കുവൈറ്റിലെത്തിയത് അഞ്ചിന്

Friday, June 14, 2024 2:35 AM IST

ചാവക്കാട്: കുവൈറ്റ് തീപിടിത്തത്തിൽ മരിച്ച ബിനോയ് തോമസ് (44) കുവൈറ്റിലെത്തിയത് അഞ്ചിന്. തെക്കൻ പാലയൂരിൽ താമസിക്കുന്ന തിരുവല്ല സ്വദേശി തോപ്പിൽ ബാബു തോമസിന്‍റെ മകനാണു ബിനോയ് തോമസ്. കുവൈറ്റിൽ സൂപ്പർ മാർക്കറ്റിൽ ജോലി ലഭിച്ച ബിനോയ് ഇക്കഴിഞ്ഞ അഞ്ചിനാണു യാത്രതിരിച്ചത്.

അപകടത്തിനു മുമ്പുവരെ വീട്ടുകാരുമായി ഫോണിൽ ബന്ധപ്പെട്ടിരുന്നു. ദുരന്തശേഷം ബിനോയിയെക്കുറിച്ചു വിവരമൊന്നും ലഭിക്കാത്തതിനെത്തുടർന്നു വീട്ടുകാർ നോർക്കയിൽ പരാതി നൽകി.

ബിനോയ് താമസിച്ചിരുന്ന ഫ്ലാറ്റിലാണു തീപിടിത്തമെന്നു പിന്നീട് അറിയാനായി. വീട്ടുകാർ ആശങ്കപ്പെട്ടിരിക്കുന്നതിനിടയിൽ ബിനോയിയുടെ ബന്ധു ഫോണിൽ വിളിച്ചു മരണവിവരം അറിയിക്കുകയായിരുന്നു. സുഹൃത്ത് ബെൻ മോർച്ചറിയിൽ പോയി മൃതദേഹം തിരിച്ചറിഞ്ഞു.

പ്രവാസി ക്ഷേമബോർഡ് ചെയർമാൻ കെ.വി. അബ്ദുള്‍ ഖാദർ നോർക്കയിൽ അന്വേഷിച്ചു മരണം സ്ഥിരീകരിച്ചു. മൃതദേഹം ഇന്നു നാട്ടിൽ കൊണ്ടുവരും. സംസ്കാരം കുന്നംകുളത്ത് നടത്തും. അമ്മ: മോളി. ഭാര്യ: ജിനിത. മകൻ: ഇയാൻ (യുകെജി വിദ്യാർഥി, സെന്‍റ് ആന്‍റണീസ് കോൺവന്‍റ്, പാലുവായ്).

കുവൈറ്റിലേക്കു പോകുന്നതിനു മുമ്പു പാവറട്ടിയിൽ ഫുട്‌വെയർ ഷോപ്പിൽ സെയിൽസ്മാനായിരുന്നു ബിനോയ്.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.