കുളത്തുപ്പുഴ :അമ്പലക്കടവിൽ വർഷങ്ങളായി ഉണ്ടായിരുന്നനടവഴിയും കലുങ്കും കൈയേറി കടമുറി നിർമിക്കാൻ ശ്രമിക്കവെ സമീപവാസികൾ പരാതി നൽകിയതിനെതുടർന്ന് അനധികൃത നിർമാണം തടഞ്ഞു.
ഇതിനു ശേഷം കടമുറി കെട്ടാൻ ശ്രമിച്ചയാൾ വഴികൈയേറി വാഴകൃഷി ചെയ്തതായാണ് പരാതി. ഇതിനെതിരെബിജെപി കുളത്തുപ്പുഴ പഞ്ചായത്ത് സമിതി പ്രതിഷേധവുമായി രംഗത്തെത്തുകയായിരുന്നു.
രണ്ട് ദിവസത്തിനുള്ളിൽ വഴിയിൽ നട്ട വാഴ മാറ്റാത്ത പക്ഷം ഭൂവുടമ യുടെ സ്ഥാപനത്തിന് മുൻപിൽ ധർണ ഉൾപ്പെടെ സമരപരിപാടികൾ നടത്തുമെന്ന് ബിജെപി പഞ്ചായത്ത് സമിതി പ്രസിഡന്റ് ജി .അരുൺ പ്രതിഷേധ യോഗം ഉദ്ഘാടനം നിർവഹിച്ചു പറഞ്ഞു .ബിജെപി പ്രവർത്തകരായ വി. രാജൻ, ശ്രീകുമാർ, ശരത്ത് കുളത്തുപ്പുഴ, മയിൽവഹനം, ജയകൃഷ്ണൻ, സലീം, വർഗീസ് മാത്യു, ജനകേന്ദ്രകുമാർ, ഹരികുമാർ, ബൈജു എന്നിവർ പ്രതിഷേധ ധർണയ്ക്ക് നേതൃത്വം നൽകി.