കൊട്ടാരക്കര: എഴുകോൺ പുതുശേരിക്കോണം ഹൗവാ ബീച്ചിൽ നിന്ന് സെഞ്ച്വറി ഗ്രൗണ്ടിലേക്കുള്ള റോഡ് തകർന്നു കിടക്കുന്നു. റോഡിലാകെ വെള്ളക്കെട്ട് ദുരിതം സൃഷ്ടിക്കുകയാണ്. സ്കൂൾ കുട്ടികളും കാൽനട യാത്രക്കാരും ആശ്രയിക്കുന്ന റോഡാണിത്.
കാൽനടയാത്രയും വാഹന യാത്രയും ദുരിത പൂർണമായി മാറി. മഴ പെയ്താൽ റോഡിൽ വെള്ളം കെട്ടി നിൽക്കുകയാണ്. പലപ്രാവശ്യം പരാതി നൽകിയിട്ടും പരിഹാരമാകുന്നില്ല. അടിയന്തര പരിഹാരമുണ്ടാകണമെന്ന് നാട്ടുകാർ ആവശ്യപ്പെട്ടു.