മനാമ: കൊല്ലം പ്രവാസി അസോസിയേഷൻ ചാരിറ്റി പ്രവർത്തനങ്ങളുടെ ഭാഗമായി കെപിഎ മുഹറഖ് ഏരിയ കമ്മിറ്റിയുടെ നേതൃത്വത്തിൽ കെപിഎ അംഗങ്ങൾ ബഹറിൻ കാൻസർ സൊസൈറ്റിക്ക് കേശദാനം നടത്തി. സ്നിഗ്ധ പ്രമോദ്, രമ്യ അജി, അജൂബ് ഭദ്രൻ, ആൻസി, സുമയ്യ, മാലിനി എന്നിവരാണ് ഈ പുണ്യപ്രവർത്തിയിൽ പങ്കാളികളായത്.
ബഹറിൻ കാൻസർ സൊസൈറ്റിയിൽ നടന്ന ചടങ്ങിൽ കാൻസർ സൊസൈറ്റി പ്രതിനിധി അബ്ദുല്ല ബുച്ചീരി, കെപിഎ പ്രസിഡന്‍റ് അനോജ് മാസ്റ്റർ, സെൻട്രൽ കമ്മിറ്റി അംഗം ഷഹീൻ മഞ്ഞപ്പാറ, മുഹറഖ് ഏരിയ പ്രസിഡന്‍റ് മുനീർ, ഏരിയ സെക്രട്ടറി ഷഫീഖ്, ഏരിയ ട്രഷറർ അജി അനുരുദ്ധൻ, ഏരിയ വൈസ് പ്രസിഡന്‍റ് അജൂബ് ഭദ്രൻ, ഏരിയ ജോയിന്‍റ് സെക്രട്ടറി നിതിൻ ജോർജ് എന്നിവർ സന്നിഹിതരായിരുന്നു.