മനാമ: ബഹ്റിൻ കേരളീയ സമാജം വനിതാവേദി ലാക്മേ എന്ന പേരിൽ ഏകദിന ശിൽപശാല നടത്തി. ലീഡിംഗ് ഏങ്കേഴ്സ് ടു നോളജ് എന്ന ശിൽപശാലയിൽ അവതാരകർ വേദിയിൽ എത്തുമ്പോൾ ശ്രദ്ധിക്കേണ്ട കാര്യങ്ങൾ, അവതരണം, ശബ്ദ നിയന്ത്രണം, പ്രേക്ഷകരുടെ ശ്രദ്ധ, തുടങ്ങിയ വിഷയങ്ങളിൽ ബഹ്റനിലെ പ്രമുഖ പത്ര പ്രവർത്തകയും അവതാരകയുമായ രാജി ഉണ്ണികൃഷ്ണൻ പരിശീലനം നൽകി.
കേരളീയ സമാജത്തിലെ പി.വി.ആർ.ഹാളിൽ നടന്ന ശിൽപശാലയിൽ സമാജം പ്രസിഡന്‍റ് പി. വി. രാധാകൃഷ്ണപിള്ള, വനിതാ വേദി പ്രസിഡന്‍റ് മോഹിനി തോമസ്, സെക്രട്ടറി ജയ രവികുമാർ, വൈസ് പ്രസിഡന്‍റ് നിമ്മി റോഷൻ, കോ ഓർഡിനേറ്റർമാരായ വിജിന സന്തോഷ്, ജോബി ഷാജൻ എന്നിവർ സംസാരിച്ചു. വിദ്യാർത്ഥികൾ ഉൾപ്പെടെ പങ്കെടുത്ത എല്ലാവർക്കും സെർട്ടിഫിക്കറ്റുകൾ വിതരണം ചെയ്തു.