നെ​ന്മാ​റ: നെ​ന്മാ​റ ഗ്രാ​മ​പ​ഞ്ചാ​യ​ത്തി​ലെ വ​ക്കാ​വ് മാ​ലി​ന്യ​സം​സ്ക​ര​ണ യൂ​ണി​റ്റി​ലെ കു​ന്നു​കൂ​ടി​യ മാ​ലി​ന്യം നീ​ക്കം ചെ​യ്യു​ന്ന​തി​ന് പു​തി​യ ക​രാ​ർ ന​ൽ​കാ​ൻ തീ​രു​മാ​നം.

ന​ട​പ്പുവ​ർ​ഷം നീ​ക്കി​വച്ച നാ​ലു​ല​ക്ഷം ല​ക്ഷം രൂ​പ​യും ക​ഴി​ഞ്ഞ​വ​ർ​ഷ​ത്തെ 10 ല​ക്ഷം രൂ​പ​യും ഉ​പ​യോ​ഗി​ച്ച് പു​തി​യ ക​രാ​ർ ന​ട​പ്പാ​ക്കി മാ​ലി​ന്യസം​സ്ക​ര​ണ പ്ലാ​ന്‍റിലെ മാ​ലി​ന്യം നീ​ക്കാ​ൻ പ​ഞ്ചാ​യ​ത്ത് ഭ​ര​ണ​സ​മി​തി യോ​ഗ​ത്തി​ൽ തീ​രു​മാ​ന​മാ​യി.

നെ​ന്മാ​റ പ​ഞ്ചാ​യ​ത്തി​ലെ വ​ക്കാ​വി​ലു​ള്ള മാ​ലി​ന്യ സം​സ്ക​ര​ണ പ്ലാ​ന്‍റിൽ കെ​ട്ടി​ക്കി​ട​ക്കു​ന്ന മാ​ലി​ന്യം മ​ഴ​യ്ക്കു​മു​മ്പ് നീ​ക്കു​മെ​ന്ന് അ​ധി​കൃ​ത​ർ പ​റ​ഞ്ഞു​വെ​ങ്കി​ലും മാ​ലി​ന്യ​നീ​ക്കം നി​ല​ച്ച​തോ​ടെ പ്ര​ദേ​ശ​വാ​സി​ക​ൾ പ്ര​തി​ഷേ​ധ​വു​മാ​യെ​ത്തി. മാ​ലി​ന്യ​വു​മാ​യി വ​ന്ന വാ​ഹ​നം ത​ട​ഞ്ഞ് സ​മ​രം ന​ട​ത്തി​യി​രു​ന്നു.

ക​ഴി​ഞ്ഞ സാ​മ്പ​ത്തി​ക​വ​ർ​ഷം മാ​ലി​ന്യം നീ​ക്കു​ന്ന​തി​ന് 10 ല​ക്ഷം രൂ​പ വ​ക​യി​രു​ത്തി​യെ​ങ്കി​ലും ശേ​ഖ​രി​ക്കു​ന്ന മാ​ലി​ന്യം പൂ​ർ​ണ​മാ​യും വേ​ർ​തി​രി​ക്കാ​ൻ ക​ഴി​യാ​തെ വ​ന്നു.

ഇ​തോ​ടെ സം​സ്ക​ര​ണ കേ​ന്ദ്ര​ത്തി​ൽ നി​ന്ന് മാ​ലി​ന്യം പൂ​ർ​ണ​മാ​യി നീ​ക്കാ​നും ക​ഴി​യാ​താ​യി.
മ​ഴ കൂ​ടി​യാ​യ​തോ​ടെ കു​ന്നി​ൻ​മു​ക​ളി​ൽ സ്ഥി​തി​ചെ​യ്യു​ന്ന കേ​ന്ദ്ര​ത്തി​ലെ മാ​ലി​ന്യം ഒ​ലി​ച്ചി​റ​ങ്ങി ദു​ർ​ഗ​ന്ധ​ം പ​ര​ന്നു തു​ട​ങ്ങി​യെ​ന്ന് പ്ര​ദേ​ശ​വാ​സി​ക​ൾ പ​റ​ഞ്ഞു.

20 ട​ണ്ണി​ല​ധി​കം മാ​ലി​ന്യ​മാ​ണ് സം​സ്ക​ര​ണ​യൂ​ണി​റ്റിന്‍റെ വി​വി​ധ ഭാ​ഗ​ങ്ങ​ളി​ലാ​യി ചാ​ക്കു​ക​ളി​ലും മ​റ്റു​മാ​യി തു​റ​ന്ന സ്ഥ​ല​ത്ത് കൂ​ട്ടി​യി​ട്ടി​രി​ക്കു​ന്ന​ത്.

40 പേ​രു​ൾ​പ്പെ​ടു​ന്ന ഹ​രി​ത​ക​ർ​മ​സേ​ന​യു​ടെ നേ​തൃ​ത്വ​ത്തി​ലാ​ണ് ഒ​ന്നി​ട​വി​ട്ട ദി​വ​സ​ങ്ങ​ളി​ൽ മാ​ലി​ന്യ​ശേ​ഖ​ര​ണ​വും സം​സ്ക​ര​ണ​വും ന​ട​ത്തി​യി​രു​ന്ന​ത്.

ഗ്രാ​മ​പഞ്ചാ​യ​ത്ത് ഭ​ര​ണ​സ​മി​തി​യി​ൽ കോ​ൺ​ഗ്ര​സി​നും സി​പി​എ​മ്മി​നും ഒ​ൻ​പ​ത് വീ​തം അം​ഗ​ങ്ങ​ളാ​യ​തോ​ടെ ഭ​ര​ണ​സ​മി​തി തീ​രു​മാ​ന​ങ്ങ​ളെ​ടു​ക്കു​ന്ന​തി​നും ന​ട​പ്പി​ലാ​ക്കു​ന്ന​തി​നും പ്ര​തി​പ​ക്ഷ അം​ഗം ചെ​യ​ർ​മാ​നാ​യ സാ​മ്പ​ത്തി​ക കാ​ര്യ​സ​മി​തി അ​നു​മ​തി ന​ൽ​കാ​ത്ത​താ​ണ് ഫ​ണ്ട് വി​നി​യോ​ഗി​ക്കു​ന്ന​തി​ന് ത​ട​സ​മാ​യ​തെ​ന്ന് പ​റ​യു​ന്നു.

മാ​ലി​ന്യ നീ​ക്കം നി​ല​ച്ച​തി​നെ​തി​രെ പ്ര​ദേശ​വാ​സി​ക​ളു​ടെ സ​മ​രം ശ​ക്ത​മാ​യ​തോ​ടെ ഭ​ര​ണ സ​മി​തി​യു​ടെ അ​ടി​യ​ന്ത​ര യോ​ഗ​ത്തി​ൽ മാ​ലി​ന്യം നീ​ക്കു​ന്ന​തി​ന് ക​രാ​ർ ന​ട​പ​ടി​ക​ൾ സ്വീ​ക​രി​ക്കു​ന്ന​തി​നും ശു​ചീ​ക​ര​ണ പ്ര​വ​ർ​ത്ത​ന​ങ്ങ​ൾ ത്വ​രി​ത​പ്പെ​ടു​ത്തു​ന്ന​തി​നും തീ​രു​മാ​ന​മാ​യി.