ചെ​ങ്ങ​ണാം​കു​ന്ന് റ​ഗു​ലേ​റ്റ​റി​ൽ ജ​ല​സ​മൃ​ദ്ധി​യു​ടെ നി​റക്കാഴ്ച
Sunday, May 5, 2024 2:29 PM IST
ഷൊർ​ണൂ​ർ: ജ​ല​സ​മൃ​ദ്ധി​യു​ടെ നി​റക്കാ​ഴ്ചയൊ​രു​ക്കി ഓ​ങ്ങ​ല്ലൂ​ർ ചെ​ങ്ങ​ണാം​കു​ന്ന് റ​ഗു​ലേ​റ്റ​ർ. രൂ​ക്ഷ​മാ​യ വ​ര​ൾ​ച്ച​മൂ​ലം ഭാ​ര​ത​പ്പു​ഴ വ​റ്റി​വ​ര​ളു​മ്പോ​ഴും ചെ​ങ്ങ​ണാം​കു​ന്ന് റെ​ഗു​ലേ​റ്റ​ർ ജ​ല​സ​മൃ​ദ്ധ​മാ​ണ്. ഇ​രു​ക​ര മു​ട്ടി നി​ൽ​ക്കു​ന്ന ജ​ല​സ​മൃ​ദ്ധി ന​യ​നാ​ന​ന്ദക​ര​മാ​യ കാ​ഴ്ചകൂ​ടി​യാ​ണ്.

മു​ൻ​വ​ർ​ഷ​ങ്ങ​ളി​ലെ ജ​ല​നി​ര​പ്പ് ഇ​പ്പോ​ഴി​ല്ലെ​ങ്കി​ലും പ​മ്പി​ംഗിനു​ള്ള വെ​ള്ളം ഇ​വി​ടെ സു​ല​ഭ​മാ​ണ്. ര​ണ്ട​ടി​യോ​ളം ഉ​യ​ര​ത്തി​ൽ ജ​ല​നി​ര​പ്പ് നി​ൽ​ക്കു​ന്ന​തി​നാ​ൽ ഷൊ​ർ​ണൂ​ർ ഭാ​ഗ​ത്തേ​ക്ക് ഒ​രു കി​ലോ​മീ​റ്റ​റോ​ളം ദൂ​ര​ത്തി​ലേ​ക്ക് വെ​ള്ളം ല​ഭി​ക്കു​ന്നു​ണ്ട്. ജ​ല​സേ​ച​ന​ത്തി​ന് ക​നാ​ൽ വ​ഴി​യും വെ​ള്ളം പ​മ്പു​ചെ​യ്യു​ന്നു​ണ്ട്. ക​ന​ത്ത​ചൂ​ടി​ൽ ക​നാ​ൽ​വെ​ള്ള​ത്തി​ന്‍റെ ത​ണു​പ്പി​ലേ​ക്ക് കു​ട്ടി​ക​ളു​മെ​ത്തു​ന്നു​ണ്ട്. നി​ല​വി​ൽ റെ​ഗു​ലേ​റ്റ​ർ പ​രി​സ​ര​ത്ത് വേ​ന​ൽ​ക്കാ​ല പ​ച്ച​ക്ക​റി​ക്കൃ​ഷി​യും സ​ജീ​വ​മാ​ണ്. ഇ​വി​ടെ​യു​ള്ള ര​ണ്ടേ​ക്ക​റി​ല​ധി​കം പാ​ട​ശേ​ഖ​ര​ത്തി​ൽ പ​ച്ച​ക്ക​റി​ക്കൃ​ഷി ന​ട​ത്തു​ന്നു​ണ്ട്.

കൃ​ഷി​യി​ട​ങ്ങ​ളി​ലേ​ക്ക് ക​നാ​ൽ​വ​ഴി വെ​ള്ള​മെ​ത്തു​ന്ന​ത് ആ​ശ്വാ​സ​മാ​ണ്. അ​തേ​സ​മ​യം, റെ​ഗു​ലേ​റ്റ​റി​ന്‍റെ താ​ഴെ​യാ​യു​ള്ള പ​ട്ടാ​മ്പി മേ​ഖ​ല​യി​ൽ ഭാ​ര​ത​പ്പു​ഴ വ​ര​ണ്ടു​ണ​ങ്ങി. തൃ​ത്താ​ല വെ​ള്ളി​യാ​ങ്ക​ല്ല് റെ​ഗു​ലേ​റ്റ​റി​ലെ വെ​ള്ള​വും പ​ട്ടാ​മ്പി പാ​ല​ത്തി​ന ു​ സ​മീ​പം വ​റ്റി​ത്തു​ട​ങ്ങി. വ​രും​ദി​വ​സ​ങ്ങ​ളി​ൽ ഇ​ത് പ​മ്പി​ംഗിനെ​യും ബാ​ധി​ക്കു​മെ​ന്നാ​ണ് ആ​ശ​ങ്ക.

ദേ​ശ​മം​ഗ​ലം, ഓ​ങ്ങ​ല്ലൂ​ർ പ​ഞ്ചാ​യ​ത്തു​ക​ളെ ബ​ന്ധി​പ്പി​ച്ചാ​ണ് ചെ​ങ്ങ​ണാം​കു​ന്ന് റെ​ഗു​ലേ​റ്റ​റു​ള്ള​ത്. പ​രി​സ​ര​പ്ര​ദേ​ശ​ങ്ങ​ളി​ലെ നൂ​റേ​ക്ക​റോ​ളം കൃ​ഷി​ക്കും റെ​ഗു​ലേ​റ്റ​ർ ഫ​ല​പ്ര​ദ​മാ​ണ്. മൂ​ന്നു​കി​ലോ​മീ​റ്റ​റോ​ളം ജ​ല​നി​ര​പ്പ് നി​ല​നി​ർ​ത്തി​യാ​ൽ അ​ഞ്ചു​കി​ലോ​മീ​റ്റ​റോ​ളം ദൂ​ര​ത്തി​ൽ പു​ഴ​യി​ൽ വെ​ള്ളം ത​ട​ഞ്ഞു​നി​ർ​ത്താ​നാ​വും. അ​തേ​സ​മ​യം, റെ​ഗു​ലേ​റ്റ​ർ പ​രി​ധി​യി​ൽ ചെ​റു​കി​ട കു​ടി​വെ​ള്ള​പ​ദ്ധ​തി​ക​ള​ട​ക്കം ഇ​നി​യും സ്ഥാ​പി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം. എന്നാൽ ക​ന​ത്ത ചൂ​ട് ഇ​തേ രീ​തി​യി​ൽ തു​ട​ർ​ന്നാ​ൽ ഈ ​റെ​ഗു​ലേ​റ്റ​റി​ലെ വെ​ള്ള​വും വ​റ്റി തു​ട​ങ്ങും എ​ന്ന കാ​ര്യം ഉ​റ​പ്പാ​ണ്. ഇ​നി​യും മ​ഴ ല​ഭി​ക്കാ​ത്ത പ​ക്ഷം വ​ലി​യ ദു​ര​ന്ത​മാ​ണ് വ​രാ​നി​രി​ക്കു​ന്ന​ത്.

Copyright @ 2022 , Rashtra Deepika Ltd.