ഉ​പ്പു​ത​റ സിഎ​ച്ച്സി​യെ ത​രംതാ​ഴ്ത്തി; പ്രതിഷേധം ശക്തം
Monday, October 7, 2024 3:05 AM IST
ഉപ്പു​ത​റ: ഹൈ​റേ​ഞ്ചി​ലെ ആ​ദ്യ​ത്തെ സ​ർ​ക്കാ​ർ ആ​ശു​പ​ത്രി​യാ​യ ഉ​പ്പു​ത​റ ബ്ലോ​ക്ക് ക​മ്യൂ​ണി​റ്റി സെ​ന്‍ററി​ന് പ​ദ​വി ന​ഷ്ട​മാ​യി. ആ​രോ​ഗ്യ വ​കു​പ്പി​ന്‍റെ തീ​രു​മാ​നപ്ര​കാ​രം ആ​ശു​പ​ത്രി​യി​ലെ സി​വി​ൽ സ​ർ​ജ​ൻ, ഹെ​ൽ​ത്ത് സൂ​പ്പർവൈസ​ർ, ലേ​ഡി ഹെ​ൽ​ത്ത് സൂ​പ്പർവൈസ​ർ, പി​ആ​ർ​ഒ ത​സ്തി​ക​ക​ൾ നി​ർ​ത്ത​ലാ​ക്കി.

ആ​ശു​പ​തി​യു​ടെ പ​ദ​വി​യും ജീ​വ​ന​ക്കാ​രു​ടെ ത​സ്തി​ക​യും ന​ഷ്ട​മാ​യ​തി​ൽ വ്യാ​പ​ക പ്ര​തി​ഷേ​ധ​മാ​ണ് ഉ​യ​രു​ന്ന​ത്. ആ​ക്‌ഷ​ൻ കൗ​ൺ​സി​ൽ രൂ​പ​വ​ത്ക​രി​ച്ച് ജ​ന​കീ​യ സ​മ​രം തു​ട​ങ്ങു​മെ​ന്ന് ഡി​സിസി ​ജ​ന. സെ​ക്ര​ട്ട​റി അ​ഡ്വ. അ​രു​ൺ പൊ​ടി​പ്പാ​റ അ​റി​യി​ച്ചു. യൂ​ത്ത് കോ​ൺ​ഗ്ര​സ് ഉ​ട​ൻ പ്ര​ത്യ​ക്ഷ​സ​മ​രം തു​ട​ങ്ങു​മെ​ന്ന് ജി​ല്ലാ പ്ര​സി​ഡ​ന്‍റ് ഫ്രാ​ൻ​സ​ിസ് അ​റ​യ്ക്ക​ൽപ്പ​റ​മ്പി​ലും പ​റ​ഞ്ഞു.

1948 ലാ​ണ് ഉ​പ്പു​ത​റ​യി​ൽ സ​ർ​ക്കാ​ർ ആ​ശു​പ​ത്രി തു​ട​ങ്ങി​യ​ത്. പി​ന്നീ​ടി​ത് ബ്ലോ​ക്ക് മ​ദ​ർ പിഎ​ച്ച്സി ​ആ​യി ഉ​യ​ർ​ത്തി. ക​ട്ട​പ്പ​ന ബ്ലോ​ക്കി​നു കീ​ഴ​ിലു​ള്ള ഏ​ഴു പ​ഞ്ചാ​യ​ത്തു​ക​ളി​ലെ​യും ഇ​ടു​ക്കി ബ്ലോ​ക്കി​ലെ മ​രി​യാ​പു​രം, കാ​മാ​ക്ഷി, ചെ​മ്പ​ക​പ്പാ​റ എ​ന്നി​വി​ട​ങ്ങ​ളി​ലേ​യും പി​എ​ച്ച്സിക​ളു​ടെയും ചു​മ​ത​ല ഉ​പ്പു​ത​റ ആ​ശു​പ​ത്രി​ക്കാ​യി​രു​ന്നു. സി​വി​ൽ സ​ർ​ജ​ൻ അ​ട​ക്കം ഏ​ഴു ഡോ​ക്ട​ർ​മാ​രു​ടെ​യും അ​നു​ബ​ന്ധ ജീ​വ​ന​ക്കാ​രു​ടെയും ത​സ്തി​ക​യും ഉ​ണ്ടാ​യി​രു​ന്നു.


കു​റേ വ​ർ​ഷ​മാ​യി ഉ​പ്പു​ത​റ ആ​ശു​പ​ത്രി​യെ അ​ധി​കൃ​ത​ർ അ​വ​ഗ​ണി​ച്ച സ്ഥി​തി​യി​ലാ​യി​രു​ന്നു. ഡോ​ക്ട​ർ​മാ​ർ ഇ​ല്ലാ​ത്ത​തി​നാ​ൽ കി​ട​ത്തിച്ചി​കി​ത്സ നി​ഷേ​ധി​ക്കു​ന്ന സ്ഥി​തി​യും ഉ​ണ്ടാ​യി​രു​ന്നു. ഉ​പ്പു​ത​റ പ​ഞ്ചാ​യ​ത്തി​ലെ 12 ആ​ദി​വാ​സി മേ​ഖ​ല​ക​ളി​ലെയും പൂ​ട്ടി​ക്കി​ട​ക്കു​ന്ന തേ​യി​ല​ത്തോ​ട്ട​ങ്ങ​ളി​ലെ​യും തൊ​ഴി​ലാ​ളി​ക​ൾ ഉ​ൾ​പ്പെ​ടെ​യു​ള്ള​വ​ർ ചി​ക​ിത്സ തേ​ടു​ന്ന ആ​ശു​പ​ത്രി​യാ​ണി​ത്.