ഉ​ടു​മ്പ​ന്‍​ചോ​ല ജോ. ​ആ​ര്‍​ടി​ഒ ഓ​ഫീ​സി​നു മു​മ്പി​ല്‍ ധ​ര്‍​ണ ന​ട​ത്തും
Sunday, June 11, 2023 3:10 AM IST
നെ​ടു​ങ്ക​ണ്ടം: ഉ​ടു​മ്പ​ന്‍​ചോ​ല ജോയിന്‍റ് ​ആ​ര്‍​ടി​ഒ ഓ​ഫീ​സി​ലെ ഉ​ദ്യോ​ഗ​സ്ഥ​രു​ടെ ജ​ന​ദ്രോ​ഹ ന​ട​പ​ടി​ക​ളി​ല്‍ പ്ര​തി​ഷേ​ധി​ച്ച് നാളെ ഉ​ടു​മ്പ​ന്‍​ചോ​ല ജോയിന്‍റ് ​ആ​ര്‍​ടി​ഒ ഓ​ഫീ​സി​നു മു​മ്പി​ല്‍ ധ​ര്‍​ണ ന​ട​ത്തും.

നെ​ടു​ങ്ക​ണ്ടം മേ​ഖ​ല​യി​ല്‍ വ്യാ​പാ​രസ്ഥാ​പ​ന​ങ്ങ​ളി​ല്‍നി​ന്നു സാ​ധ​ന​ങ്ങ​ളു​മാ​യി പോ​കു​ന്ന പെ​ട്ടി ഓ​ട്ടോ​ക​ള്‍ ഉ​ള്‍​പ്പ​ടെ​യു​ള്ള​വ​യെ ത​ട​ഞ്ഞ് വ​ന്‍പി​ഴ​യാ​ണ് ഉ​ദ്യോ​ഗ​സ്ഥ​ര്‍ ഈ​ടാ​ക്കു​ന്ന​ത്. ക​ഴി​ഞ്ഞ ദി​വ​സം ഇ​രു​മ്പ് പൈ​പ്പു​ക​ളു​മാ​യി പോ​യ പെ​ട്ടി ഓ​ട്ടോ​റി​ക്ഷ​യ്ക്ക് 20,000 രൂ​പ പി​ഴ ചു​മ​ത്തി. അ​ധി​കൃ​ത​രു​ടെ ഇ​ത്ത​രം ന​ട​പ​ടി​ക​ള്‍ വ്യാ​പാ​രി​ക​ളോ​ടും മോ​ട്ടോ​ര്‍വാ​ഹ​ന തൊ​ഴി​ലാ​ളി​ക​ളോ​ടു​മു​ള്ള വെ​ല്ലു​വി​ളി​യാ​ണെ​ന്ന് സ​മ​ര​സ​മി​തി നേ​താ​ക്ക​ള്‍ പ​ത്ര​സ​മ്മേ​ള​ന​ത്തി​ല്‍ ആ​രോ​പി​ച്ചു.

ഹൈ​റേ​ഞ്ചി​ന്‍റെ ഭൂ​മി​ശാ​സ്ത്ര​പ​ര​മാ​യ പ്ര​ത്യേ​ക​ത​ക​ള്‍ മൂ​ലം പ​ല മേ​ഖ​ല​ക​ളി​ലും വ​ലി​യ വാ​ഹ​ന​ങ്ങ​ളി​ല്‍ നി​ര്‍​മാ​ണ വ​സ്തു​ക്ക​ള്‍ എ​ത്തി​ക്കാ​ന്‍ സാ​ധി​ക്കി​ല്ല. ഈ ​സാ​ഹ​ച​ര്യ​ത്തി​ല്‍ ജ​ന​ങ്ങ​ളും വി​പ​ണി​യും ച​ര​ക്കു​നീ​ക്ക​ത്തി​ന് ആ​ശ്ര​യി​ക്കു​ന്ന​ത് ചെ​റി​യ പി​ക്ക് അ​പ്പ് വാ​ഹ​ന​ങ്ങ​ളെ​യാ​ണ്. ഇ​തു പ​രി​ഗ​ണി​ക്കാ​തെ​യാ​ണ് വ​ൻ തു​ക പി​ഴ ചു​മ​ത്തു​ന്ന​ത്. ഇ​ത് നി​ർ​മാ​ണ മേ​ഖ​ല​യി​ൽ സ്തം​ഭ​നം സൃ​ഷ്ടി​ക്കും.


രാ​വി​ലെ 11നു ​ന​ട​ക്കു​ന്ന പ്ര​തി​ഷേ​ധ ധ​ര്‍​ണ എം.​എം. മ​ണി എം​എ​ല്‍​എ ഉ​ദ്ഘാ​ട​നം ചെ​യ്യും. ധ​ര്‍​ണ​യി​ല്‍ എ​ല്ലാ രാ​ഷ്‌ട്രീയപ്ര​സ്ഥാ​ന​ങ്ങ​ളും സം​ഘ​ട​ന​ക​ളും പ​ങ്കാ​ളി​ക​ളാ​ണെ​ന്ന് സ​മ​ര​സ​മി​തി അം​ഗ​ങ്ങ​ളാ​യ ടി.​വി. ശ​ശി, ജെ​യിം​സ് മാ​ത്യു, നൗ​ഷാ​ദ് ആ​ലും​മൂ​ട്ടി​ല്‍, സ​ജീ​വ് ആ​ര്‍. നാ​യ​ര്‍, ജെ​യ്‌​സ് എ​ന്നി​വ​ര്‍ അ​റി​യി​ച്ചു.