സര്‍ക്കാരിന്‍റെ നാലാം വാര്‍ഷികം യുഡിഎഫ് കരിദിനമായി ആചരിച്ചു
1561404
Wednesday, May 21, 2025 7:02 AM IST
ചങ്ങനാശേരി: എല്‍ഡിഎഫ് സര്‍ക്കാരിന്‍റെ നാലാം വാര്‍ഷികം യുഡിഎഫ് നിയോജകമണ്ഡലം കമ്മിറ്റിയുടെ നേതൃത്വത്തില്‍ കരിദിനമായി ആചരിച്ചു. പെരുന്ന ബസ് സ്റ്റാന്‍ഡില്‍നിന്ന് ആരംഭിച്ച കരിങ്കൊടി പ്രകടനം ടൗണ്‍ചുറ്റി കെഎസ്ആര്‍ടിസി ബസ് സ്റ്റാന്‍ഡ് ജംഗ്ഷനില്‍ സമാപിച്ചു.
തുടര്‍ന്ന് ചേര്‍ന്ന പ്രതിഷേധയോഗം കെപിസിസി ജനറല്‍ സെക്രട്ടറി ജോസി സെബാസ്റ്റ്യന്‍ ഉദ്ഘാടനം ചെയ്തു. യുഡിഎഫ് നിയോജകകമണ്ഡലം ചെയര്‍മാന്‍ പി.എന്‍. നൗഷാദ് അധ്യക്ഷത വഹിച്ചു.
നേതാക്കളായ ജോസഫ് തോമസ്, വി.ജെ. ലാലി, പി.എച്ച്. നാസര്‍, ആന്‍റണി കുന്നുംപുറം, മുഹമ്മദ് സിയാ, കെ.എ. ജോസഫ്, തോമസ് അക്കര, പി.എം. കബീര്‍, ജയിംസ് കാലാവടക്കന്‍, സുധീര്‍ ശങ്കരമംഗലം, ബെന്നി മണ്ണാകുന്നേല്‍,
അഷ്‌റഫ് ഷൈനു, ബാബു കുരീത്ര, സിയാദ് റഹ്മാന്‍, സന്തോഷ് ആന്‍റണി, മോട്ടി മുല്ലശേരി, സണ്ണിച്ചന്‍ പുലിക്കോട്ട്, പി.സി. വര്‍ഗീസ്, ജോഷി കുറുക്കംകുഴി തുടങ്ങിയവര്‍ പ്രസംഗിച്ചു.